Advantage Assam 2.O: কোন কোন অতিথি আহিব এডভান্টেজ অসমৰ সন্মিলনলৈ? ঝুমুৰ চাবলৈ লাগিব প্ৰৱেশ পত্ৰ
এডভান্টেজ অসম ২.০ সন্দৰ্ভত সংবাদমেল সম্বোধন মুখ্যমমন্ত্ৰী হিমন্ত বিশ্ব শৰ্মাৰ । কোন কোন অতিথি আহিব এই অনুষ্ঠানলৈ, ক'ত পাব ঝুমুৰ অনুষ্ঠান উপভোগৰ বাবে প্ৰৱেশ পত্ৰ, সকলো জনালে মুখ্যমন্ত্ৰীয়ে ।
অসমত অনুষ্ঠিত হ’বলগীয়া এডভান্টেজ অসম ২.০ সন্দৰ্ভত বৃহস্পতিবাৰে লোকসেৱা ভৱনত এখন সংবাদমেল সম্বোধন কৰে মুখ্যমন্ত্ৰী ডঃ হিমন্ত বিশ্ব শৰ্মাই । সংবাদমেলত মুখ্যমন্ত্ৰীয়ে মেগা ঝুমুৰ অনুষ্ঠানৰ সন্দৰ্ভতো মন্তব্য কৰে । তেওঁ কয় যে, শুকুৰবাৰৰ পৰা গুৱাহাটীত ঝুমুৰৰ অনুশীলন হ’ব । ২৪ ফেব্ৰুৱাৰীত প্ৰধানমন্ত্ৰী নৰেন্দ্ৰ মোদীৰ সমুখত প্ৰদৰ্শন কৰা হ’ব ঝুমুৰ নৃত্য । বিশ্ব অভিলেখ গঢ়াৰ লক্ষ্যৰে অনুষ্ঠিত হ’ব এই ঝুমুৰ অনুষ্ঠান ।
Live: Addressing Press Conference at Media Centre, Lok Sewa Bhawan, Dispur https://t.co/GJosQKNsFm
— Himanta Biswa Sarma (@himantabiswa) February 20, 2025
দেশৰ বৈদেশিক পৰিক্ৰমা মন্ত্ৰী এছ জয়শংকৰেও এই অনুষ্ঠান উপভোগ কৰিব । সকলো বিভাগৰ মুৰব্বী উপস্থিত থাকিব উক্ত অনুষ্ঠানত । ২৩ ফেব্ৰুৱাৰীত কাজিৰঙালৈ আহিব সকলো । তেওঁলোকে ২৫ ফেব্ৰুৱাৰীত এডভান্টেজ অসম ২.০ ৰ অনুষ্ঠানত অংশ ল’ব । ২৫ ফেব্ৰুৱাৰীত সন্মিলনৰ পাছত সকলো উভতি যাব । এই ভ্ৰমণৰ সকলো খৰচ বহন কৰিব কেন্দ্ৰীয় চৰকাৰে । প্ৰধানমন্ত্ৰী মোদীয়ে ঝুমুৰ নৃত্য উপভোগ কৰাৰ পাচতে প্ৰদৰ্শনীও চাব ।
Our plans for the year ahead to take forward Assam’s rich cultural heritage. pic.twitter.com/KijA6VOUsG
— Himanta Biswa Sarma (@himantabiswa) February 20, 2025
মুখ্যমন্ত্ৰীগৰাকীয়ে লগতে কয় যে অসমৰ উদ্যোগপতি অভিজিৎ বৰুৱাই এডভান্টেজ অসম ২.০ ত প্ৰথমটো ভাষণ আগবঢ়াব । এছ আৰ ডি গ্ৰুপৰ অনুপম ডেকাও এই অনুষ্ঠানত উপস্থিত থাকিব । ৰিলায়েন্স গ্ৰুপৰ অধ্যক্ষ মুকেশ আম্বানী, টাটা গ্ৰুপৰ এন চন্দ্ৰশেখৰণ, সজ্জন জিন্দালৰ দৰে ব্যৱসায়ীয়ে এই অনুষ্ঠানত ভাষণ দিব বুলি মুখ্যমন্ত্ৰীয়ে জনায় । তেওঁ লগতে জানিবলৈ দিয়ে যে কেন্দ্ৰীয় মন্ত্ৰী এছ জয়শংকৰ, সৰ্বানন্দ সোণোৱাল, পীযুষ গোৱেল, অশ্বিনী বৈষ্ণৱ আদিয়েও এডভান্টেজ অসম অনুষ্ঠানত ভাষণ প্ৰদান কৰিব । Act East, Act Fast ত ৫০ জন এম্বেছাদৰ উপস্থিত থাকিব বুলি মুখ্যমন্ত্ৰীয়ে সদৰী কৰে ।
During #AdvantageAssam2, we will not only welcome big investors to Assam but also create opportunities for our MSMEs, Startups, FPCs, etc to connect with the Govt and major industries via 400+ B2B and G2B meetings pic.twitter.com/NQDtCNiQYO
— Himanta Biswa Sarma (@himantabiswa) February 20, 2025
তেওঁ কয় যে ছেমিকণ্ডাক্টৰ, নুমলীগড় বাঁহ উদ্যোগক লৈও আলোচনা কৰা হ’ব সন্মিলনত । তাৰোপৰি অসমৰ চাহক লৈ আলোচনা কৰাৰ উপৰিও ৰাজ্যৰ ক্ষুদ্ৰ উদ্যোগক কেনেকৈ আগুৱাই নিব পাৰি সেই সন্দৰ্ভতো আলোচনা কৰা হ’ব বুলি সংবাদমেলত জনায় মুখ্যমন্ত্ৰী ডঃ শৰ্মাই ।
তেওঁ কয় যে বৰ্তমানলৈকে এডভান্টেজ অসম ২.০ ৰ বাবে ১৮,৫৭৫ জনে আবেদন কৰিছে । ইয়াৰে ১৫০০০ আবেদনত অনুমোদন জনোৱা হৈছে । বৰ্তমানলৈকে ১৫১২ খন MoU লাভ কৰা হৈছে । অসমৰ ক্ষুদ্ৰ উদ্যোগীৰ পৰা ১২,০০০ কোটি টকাৰ MoU আবেদন চৰকাৰে লাভ কৰিছে । লগতে ১,৫১৭ খন আবেদন আহিছে ৰাজ্যৰ বাহিৰৰ পৰা ।
Details of Hon’ble Prime Minister Shri @narendramodi Ji’s Assam Tour for #JhumoirBinandini and #AdvantageAssam2 pic.twitter.com/wxazqcWBJa
— Himanta Biswa Sarma (@himantabiswa) February 20, 2025
মুখ্যমন্ত্ৰীয়ে কয় যে, ২৩ ফেব্ৰুৱাৰীত অনুষ্ঠিত হ’বলগীয়া কেবিনেট বৈঠকত এই MoU সন্দৰ্ভত সিদ্ধান্ত লোৱা হ’ব । ২৭, ২৮ ফেব্ৰুৱাৰী আৰু ১ মাৰ্চত সাধাৰণ ৰাইজে প্ৰদৰ্শনী উপভোগ কৰিব পাৰিব । ইফালে ঝুমুৰ অনুষ্ঠানৰ সন্দৰ্ভত তেওঁ কয় যে এই অনুষ্ঠান উপভোগ কৰিবলৈ দৰ্শকে প্ৰৱেশ পত্ৰ সংগ্ৰহ কৰিব লাগিব । শ্ৰীমন্ত শংকৰদেৱ কলাক্ষেত্ৰ আৰু সৰুসজাইৰ পৰা সংগ্ৰহ কৰিব পাৰিব প্ৰৱেশ পত্ৰসমূহ । লগতে সাংস্কৃতিক সঞ্চালকালয়তো উপলব্ধ হ’ব প্ৰৱেশ পত্ৰ । ২৩ ফেব্ৰুৱাৰীত ঝুমুৰ অনুষ্ঠানৰ অন্তিম অনুশীলন কাৰ্যসূচী উপভোগ কৰিব পাৰিব ইচ্ছুক দৰ্শকে ।
