Assam Budget 2025-26: অসম বাজেটৰ ১০ টা গুৰুত্বপূৰ্ণ খবৰ, কি কি ঘোষণা কৰিলে বিত্তমন্ত্ৰীয়ে
Assam Budget 2025-26: আজি অসম বিধানসভাত বিত্তমন্ত্ৰী অজন্তা নেওগে দাখিল কৰে অসম বাজেট ২০২৫-২৬। ২০২৬ চনত অনুষ্ঠিত হ'বলগীয়া নিৰ্বাচনৰ আগত এয়া হিমন্ত বিশ্ব শৰ্মা চৰকাৰৰ অন্তিমখন পূৰ্ণাংগ বাজেট।
অজন্তা নেওগImage Credit source: facebook (Terash Gowalla)
সোমবাৰে দিনৰ ১১.৩০ বজাত অসম বিধানসভাৰ মজিয়াত বিত্তমন্ত্ৰী অজন্তা নেওগে দাখিল কৰিলে অসম বাজেট ২০২৫-২৬ (Assam budget 2025-26)। আগন্তুক বিধানসভা নিৰ্বাচনৰ পূৰ্বে মুখ্যমন্ত্ৰী হিমন্ত বিশ্ব শৰ্মা চৰকাৰৰ এয়া অন্তিমখন পূৰ্ণাংগ বাজেট। অসম বাজেট দাখিলৰ পূৰ্বে বিত্তমন্ত্ৰীগৰাকীয়ে কৈছিল যে এইবাৰ বাজেটত বিশেষকৈসবলীকৰণ, কৃষক, নিবনুৱা যুৱক-যুৱতী আৰু সমাজৰ অৰ্থনৈতিকভাৱে দুৰ্বল শ্ৰেণীক প্ৰাধান্য দিয়া হ’ব। আজিৰ বাজেটত বিভিন্ন দিশ সামৰি কেইবাটাও ডাঙৰ ঘোষণা কৰে বিত্তমন্ত্ৰীগৰাকীয়ে। তলত ইয়াৰ কেইটামান ডাঙৰ ঘোষণা উল্লেখ কৰা হ’ল-
- অসমৰ বাজেট ব্যয় ২৫০% বৃদ্ধি পোৱাৰ লগতে ২০২৪-২৫ বৰ্ষত মূলধনী ব্যয় ২৪,৯৬৪ কোটি টকালৈ বৃদ্ধি পাইছে।
- অসমত হ্ৰাস নিবনুৱাৰ সংখ্যা। ২০২০ চনত নিবনুৱাৰ সংখ্যা ৯.৯ শতাংশ থকাৰ বিপৰীতে ২০২৪ চনত হ্ৰাস পায় হয়গৈ ৭.৯ শতাংশ।
- অৰুণোদয় ৩.০ আঁচনি ঘোষণা। হিতাধিকাৰীৰ সংখ্যা ৩৭.০২ লাখলৈ বৃদ্ধিৰ লক্ষ্য। ৫০০০ কোটি টকা বেলেগকৈ ৰখাৰ প্ৰস্তাৱ।
- মহিলা উদ্যোমিতা অভিযান। ১০,০০০ টকাৰ পূঁজি আগবঢ়োৱা হ’ব। এই আঁচনিৰ বাবে ৩,০৩৮ হাজাৰ কোটি ব্যয় কৰিব।
- মুখ্যমন্ত্ৰীৰ নিযুত মইনা আঁচনি। ছাত্ৰীসকলৰ বাবে ৰূপায়ন কৰা এই আঁচনিৰ বাবে ২০২৫-২৬ বিত্তীয় বৰ্ষত ৪ লাখ ৩০ হাজাৰ ছাত্ৰীলৈ সম্প্ৰসাৰণ কৰাৰ পৰিকল্পনা। ইয়াৰ বাবে ৩৯১ কোটি টকা আৱন্টন।
- বিদ্যালয় প্ৰাদেশীকৰণৰ প্ৰস্তাৱ।
- বিশেষ নীতিৰ মাজেৰে টিউটৰসকলক শিক্ষকসকলক উন্নীত কৰিব।
- চাকৰি সন্ধান কৰা সময়ত নিবনুৱা যুৱক-যুৱতীসকলক বিত্তীয় সহায়ৰ প্ৰস্তাৱ।
- স্নাতকক ২৫০০ টকাকৈ প্ৰদান কৰা হ’ব।
- মুখ্যমন্ত্ৰীৰ জীৱন প্ৰেৰণা আৰম্ভ।
- মুখ্যমন্ত্ৰীৰ আত্মনিৰ্ভৰ অসম অভিযান। এই বছৰ প্ৰথম পৰ্যায়ত অধিক হিতাধিকাৰীক ১লাখকৈ টকা প্ৰদান কৰা হব। লগতে ৭৫,০০০ নতুন হিতাধিকাৰীক সামৰি লোৱা হ’ব।
- সুলভ বিদ্যুৎ উপলব্ধ কৰাৰ ওপৰত গুৰুত্ব প্ৰদান
- কৰ্কট ৰোগী, বিশেষকৈ শিশুসকলৰ বাবে অত্যাধুনিক কৰ্কট চিকিৎসাৰ উপলব্ধতা নিশ্চিত কৰাৰ বাবে ৰাজ্যিক কর্কট প্রতিষ্ঠান, গুৱাহাটীত এটা প্ৰ’টন থেৰাপী কেন্দ্ৰ স্থাপনৰ প্ৰস্তাৱ ।
- কেন্দ্ৰীয় চৰকাৰৰ উচ্চ শিক্ষা পুঁজি যোগান সংস্থা (HEFA)ৰ আর্হিত আমাৰ শৈক্ষিক প্রতিষ্ঠানসমূহক সহায় কৰাৰ উদ্দেশ্যে অসম উচ্চ শিক্ষা পুঁজি যোগান আঁচনি মুকলি কৰাৰ বাবে প্রস্তাৱ।
- লাহোৱালত থকা ডিব্ৰুগড় পলিটেকনিকক এখন পূর্ণাংগ অভিযান্ত্রিক মহাবিদ্যালয়লৈ উন্নীত কৰাৰ ঘোষণা।
- সত্ৰৰ ভকতসকলক ১,৫০০ টকাকৈ মাহে প্ৰদান কৰাৰ প্ৰস্তাৱ।
- বহনক্ষম আৰু পৰিৱেশ অনুকূল নগৰীয়া পৰিকল্পনাৰ প্ৰদৰ্শনেৰে ভাৰতৰ প্ৰথমখন বাঁহ স্মার্ট চিটি স্থাপনৰ চিন্তা-চৰ্চা ।
অন্য খবৰ পঢ়কঃ অসম বাজেটত মহিলাৰ বাবে কি কি ঘোষণা কৰিলে? জানক সকলো…
অন্য খবৰ পঢ়কঃ Assam budget: অসম বাজেট ২০২৫-২৬ ত ছাত্ৰ-ছাত্ৰীৰ বাবে কি আছে? জানক সবিশেষ…
