Assam Budget 2025-26: মাত্ৰ ২ মিনিটত পঢ়ক অসম বাজেটৰ ২০ টা ডাঙৰ ঘোষণা…
Assam Budget 2025-26: আজি অসম বিধানসভাত দাখিল হয় অসম বাজেট ২০২৫-২৬। বিত্তমন্ত্ৰী অজন্তা নেওগে বাজেট দাখিল কৰি কেইবাটাও গুৰুত্বপূৰ্ণ সিদ্ধান্ত গ্ৰহণ কৰে।
অসম বাজেট ২০২৫-২৬
বিত্তমন্ত্ৰী অজন্তা নেওগে সোমবাৰে অসম বিধানসভাত ২০২৫-২৬ বিত্তীয় বর্ষৰ বাবে ২.৬৩ লাখ কোটিৰ বাজেট দাখিল কৰে । এইখন হৈছে ৬২০.২৭ কোটি টকাৰ ঘাটি বাজেট । এই বাজেটত শিক্ষাৰ পৰা আৰম্ভ কৰি স্বাস্থ্য, পৰ্যটন ক্ষেত্ৰলৈ বহু ডাঙৰ ঘোষণা কৰে। অহা বছৰত বিধানসভাৰ নির্বাচন অনুষ্ঠিত হ’ব অসমত, তাৰপূৰ্বে দাখিল কৰা এই বাজেট গুৰুত্বপূৰ্ণ বিবেচিত হৈছে৷ আজিৰ বাজেটত কৰা কেইটামান গুৰুত্বপূৰ্ণ ঘোষণা তলত উল্লেখ কৰা হ’ল-
- অসম চুক্তিৰ ৬ নং দফা সন্দৰ্ভত ডাঙৰ ঘোষণা। ৰাজ্য চৰকাৰৰ আওতাত থকা ৩৯ টা অনুমোদন ৰূপায়ণৰ কাৰ্য প্ৰস্তুতি।
- শ্রীমন্ত শংকৰদেৱ কলাক্ষেত্রলৈ দুটা সম পৰিমাণৰ বাৰ্ষিক কিস্তিত ১০০ কোটি টকাৰ এককালীন অনুদানৰ ঘোষণা।
- মুঠ তিনিটা পৰ্যায়ত অসমৰ সকলো জিলা সদৰত ‘সাহিত্যৰথী লক্ষ্মীনাথ বেজবৰুৱা ভৱন’ নামেৰে বহুমুখী সাংস্কৃতিক প্রকল্প নিৰ্মাণৰ ঘোষণা
- কৰ্কট ৰোগী, বিশেষকৈ শিশুসকলৰ বাবে অত্যাধুনিক কৰ্কট চিকিৎসাৰ উপলব্ধতা নিশ্চিত কৰাৰ বাবে ৰাজ্যিক কর্কট প্রতিষ্ঠান, গুৱাহাটীত এটা প্ৰ’টন থেৰাপী কেন্দ্ৰ স্থাপনৰ প্ৰস্তাৱ । ই হৈছে পূব ভাৰতৰ প্ৰথমটো আৰু দেশৰ ভিতৰত তৃতীয়টো প্ৰ’টন থেৰাপী কেন্দ্ৰ।
- লাহোৱালত থকা ডিব্ৰুগড় পলিটেকনিকক এখন পূর্ণাংগ অভিযান্ত্রিক মহাবিদ্যালয়লৈ উন্নীত কৰাৰ ঘোষণা।
- নতুন দিল্লীৰ দ্বাৰকাত ৪০০০ বর্গমিটাৰ ভূমিত এটা নতুন অসম ভৱন (দিল্লীত চতুর্থটো) আৰু মুম্বাইৰ কটন গ্রীণত ৫৭৪৪ বর্গমিটাৰ ভূমিত আন এটা অসম ভৱন (মুম্বাই দ্বিতীয়টো) নিৰ্মাণৰ ঘোষণা।
- সত্ৰৰ ভকতসকলক ১,৫০০ টকাকৈ মাহে প্ৰদান কৰাৰ প্ৰস্তাৱ।
- ১জানুৱাৰী, ২০০৬ৰ পূৰ্বে স্থাপিত হোৱা বিদ্যালয় প্ৰাদেশীকৰণৰ প্ৰস্তাৱ গ্ৰহণ।
- নিযুত মইনা আচনিৰ হিতাধিকাৰীৰ সংখ্যা ৪.৩লাখলৈ বৃদ্ধি কৰাৰ সিদ্ধান্ত।
- ইউনিটী মলৰ লক্ষ্য হৈছে অসমৰ ৩৫খন জিলা আৰু দেশৰ অন্যান্য ৰাজ্য তথা কেন্দ্রীয়শাসিত অঞ্চলসমূহক সামৰি ‘এক জিলা এক উৎপাদিত সামগ্ৰী’ৰ ধাৰণাটোৰ বাবে এক মঞ্চ প্রদান কৰা।
- মহিলা উদ্যমিতা অভিযানৰ বাবে ৩,০৩৮ কোটি টকা ব্যয়ৰ ঘোষণা।
- প্রতিশ্রুতিসম্পন্না মহিলা নেতৃত্বাধীন ষ্টার্টআপক উৎসাহিত কৰাৰ বাবে প্রায় ২৫০ কোটি টকাৰে ‘লাখপতি বাইদেউ পুঁজি’ গঠনৰ আকাংক্ষা ।
- মুখ্যমন্ত্ৰীৰ আত্মনিৰ্ভৰ অসম অভিযানৰ বাবে ২০২৫-২৬বিত্তীয় বৰ্ষত ৭৭৩কোটি টকা ধাৰ্য কৰাৰ কথা ঘোষণা।
- ৰাষ্ট্ৰীয় খাদ্য সুৰক্ষা আইনৰ অধীনত হিতাধিকাৰীসকলৰ বাবে খাদ্য যোগানৰ নিশ্চিতি প্ৰদান কৰিবলৈ বাজেটত ৩৭০কোটি টকা আবন্টন।
- চাহ জনগোষ্ঠীৰ উন্নয়নৰ বাবে ৩৪২কোটি টকা আবন্টন।
- ১হাজাৰ যুৱ লেখকলৈ ২৫হাজাৰ টকাৰ আৰ্থিক সাহাৰ্য।
- বিদ্যুতৰ মাচুল হ্ৰাসৰ বাবে ৩০০কোটি টকাৰ ৰাজ সাহায্যৰ ঘোষণা।
- এক জিলা এক পথ আঁচনিৰ জৰিয়তে প্ৰতিখন জিলাতে ২৫কিলোমিটাৰ পথ নিৰ্মাণ কৰাৰ ঘোষণা।
- দশম আৰক্ষী বেটলিয়নৰ চাউনী গুৱাহাটীৰ পৰা সোণাপুৰৰ কচুতলীলৈ স্থানান্তৰৰ সিদ্ধান্ত।
- কাজিৰঙাত পুৰণি জিপছীৰ স্থানত নতুন বাহন, বৈদ্যুতিক বাহন অনাৰ সিদ্ধান্ত। ইয়াৰ বাবে ২০ কোটি টকা ধাৰ্য।
- অসম দৰ্শন আঁচনিৰ অধীনত ধৰ্মীয় অনুষ্ঠানৰ উন্নতকৰণ বাবে ৪২০কোটি টকা ধাৰ্য।
- ২০২৫ৰ এপ্ৰিলৰ পৰা সকলো বিদ্যালয়তে অষ্টম শ্ৰেণীলৈকে অসম ইতিহাস বিষয়টো বাধ্যতামূলক।
- পশুপালন আৰু পশু চিকিৎসা বিভাগৰ বাবে আবণ্টন ৬৩৬ কোটি টকা।
- কৃষি বিভাগৰ বাবে ২,১৭৩ কোটি টকা আবণ্টন দিয়াৰ কথা ঘোষণা।
- মাজুলী সাংস্কৃতিক বিশ্ববিদ্যালয়ৰ সাংস্কৃতিক, শৈক্ষিক আৰু গৱেষণামূলক কাৰ্যসূচীৰ উন্নীতকৰণৰ বাবে বিশ্ববিদ্যালয়খনলৈ ৫০ কোটি টকা আবণ্টন ।
অন্য খবৰ পঢ়কঃ ভূমি অধিকাৰৰ পৰা অসমীয়া ভাষালৈ! অসম চুক্তিৰ ৬নং দফা ৰূপায়ন সন্দৰ্ভত বাজেটত ডাঙৰ ঘোষণা…
অন্য খবৰ পঢ়কঃ চিকিৎসা খণ্ডৰ পৰা বাঁহ স্মার্ট চিটিলৈ,অসম বাজেটৰ প্ৰধান ঘোষণাসমূহ…
