পুনৰ মুকলি শিক্ষক বদলিকৰণ প’ৰ্টেল, আবেদনৰ অন্তিম তাৰিখ কেতিয়া ? চাওক
বদলিৰণ প্ৰক্ৰিয়া পুনৰ মুকলি কৰে ৰাজ্যৰ শিক্ষামন্ত্ৰী ৰণোজ পেগুৱে। ৰাজ্যৰ শিক্ষক-শিক্ষয়িত্ৰীসকলৰ সুবিধাৰ্থে বদলিকৰণৰ আবেদন প্ৰক্ৰিয়া পুনৰ মুকলি কৰে ৰাজ্যৰ শিক্ষামন্ত্ৰীগৰাকীয়ে । ইতিমধ্যে সামাজিক মাধ্যম এক্স হেণ্ডেলৰ জৰিয়তো এই কথা প্ৰকাশ কৰিছে শিক্ষামন্ত্ৰীগৰাকীয়ে ।
পুনৰ মুকলি কৰা হৈছে ৰাজ্য়ৰ চৰকাৰৰ শিক্ষক বদলিকৰণ প’ৰ্টেল । সোমবাৰে এই বদলিৰণ প্ৰক্ৰিয়া পুনৰ মুকলি কৰে ৰাজ্যৰ শিক্ষামন্ত্ৰী ৰণোজ পেগুৱে। ৰাজ্যৰ শিক্ষক-শিক্ষয়িত্ৰীসকলৰ সুবিধাৰ্থে বদলিকৰণৰ আবেদন প্ৰক্ৰিয়া পুনৰ মুকলি কৰে ৰাজ্যৰ শিক্ষামন্ত্ৰীগৰাকীয়ে । ইতিমধ্যে সামাজিক মাধ্যম এক্স হেণ্ডেলৰ জৰিয়তো এই কথা প্ৰকাশ কৰিছে শিক্ষামন্ত্ৰীগৰাকীয়ে ।
ইয়াৰ লগতে বদলি বিচৰা শিক্ষক-শিক্ষয়িত্ৰীসকলক নিজৰ প্ৰফাইল আপডেট কৰি নিৰ্ধাৰিত নিৰ্দেশনা অনুসৰি বদলিৰ বাবে আবেদন কৰিবলৈ পৰামৰ্শ দিয়া হৈছে বুলি জানিবলৈ দিছে শিক্ষামন্ত্ৰীগৰাকীয়ে । সেই বদলি বিচৰা শিক্ষক-শিক্ষয়িত্ৰীসকলে আবেদন কৰা প্ৰক্ৰিয়াৰ লগতে সবিশেষ জানিবলৈ https://hrmsassam.in/ লিংকত গৈ পৰামৰ্শসমূহ চাব পাৰে ।
Formally reopened the Teacher’s Transfer Portal at @Samagra_Assam today and addressed the press regarding the process. Teachers seeking transfer are advised to update their profile and apply for transfers as per the prescribed guidelines.
For applications and details, visit… pic.twitter.com/Q57JCVEgns
— Ranoj Pegu (@ranojpeguassam) March 17, 2025
এক্স হেণ্ডেলত শিক্ষামন্ত্ৰী ৰণোজ পেগুৱে কয়, “আনুষ্ঠানিকভাৱে পুনৰ মুকলি কৰা হয় শিক্ষক বদলি প’ৰ্টেল । বদলি বিচৰা শিক্ষকসকলক নিজৰ প্ৰফাইল আপডেট কৰি নিৰ্ধাৰিত নিৰ্দেশনা অনুসৰি বদলিৰ বাবে আবেদন কৰিবলৈ পৰামৰ্শ দিয়া হৈছে।”
উল্লেখ্য যে, সমগ্ৰ শিক্ষা অসমৰ কাহিলিপাৰাস্থিত কাৰ্যালয় সভাগৃহত আনুষ্ঠানিকভাৱে শিক্ষক বদলি প’ৰ্টেল পুনৰ মুকলি কৰে শিক্ষামন্ত্ৰী ৰণোজ পেগুৱে। শিক্ষামন্ত্ৰীগৰাকীয়ে জানিবলৈ দিয়া মতে, আন্তঃজিলা বদলিকৰণৰ বাবে শিক্ষক-শিক্ষয়িত্ৰীসকলে অহা ১৮ মাৰ্চৰ পৰা আবেদন কৰিব পাৰিব । আবেদনৰ অন্তিম সময়সীমা হৈছে ৩০ এপ্ৰিল । ৩০ এপ্ৰিলৰ ভিতৰত শিক্ষক-শিক্ষয়িত্ৰীসকলে বদলিৰ বাবে আবেদন কৰিব পাৰিব ।
ইফালে, শিক্ষা বিভাগে গ্ৰীষ্ম বন্ধত শিক্ষক বদলিকৰণ প্ৰক্ৰিয়া সম্পূৰ্ণ কৰিব বুলি জানিবলৈ দিছে শিক্ষামন্ত্ৰীগৰাকীয়ে । একেদৰে যি সকল শিক্ষক-শিক্ষয়িত্ৰীৰ কাম কৰাৰ ১০ বছৰ হৈছে সেই সকলক অগ্ৰাধিকাৰ দিয়াৰ লগতে দিব্যংগ সকলৰ ২ বছৰ হ’লেই অগ্ৰাধিকাৰ লাভ কৰিব বুলি জানিবলৈ দিছে ৰণোজ পেগুৱে।
