প্ৰত্য়েক দিনে অনুপ্ৰৱেশৰ চেষ্টা ! সীমান্তত পুনৰ দুই বাংলাদেশীক আটক…
ভাৰত-বাংলাদেশ সীমান্তত অনুপ্ৰৱেশ ৰোধ কৰাৰ অবিৰত প্ৰচেষ্টাৰ অংশ হিচাপে অসম আৰক্ষীয়ে দুজন অবৈধ বাংলাদেশী নাগৰিকক আটক কৰে । লগতে তৎকালীনভাৱে বিতাড়ন নিশ্চিত কৰে আৰক্ষীয়ে ।
ভাৰত-বাংলাদেশ সীমান্তত প্ৰত্যেক দিনে বাংলাদেশীৰ অনুপ্ৰৱেশৰ চেষ্টা অব্যাহত আছে । শেহতীয়াকৈ পুনৰ দুই বাংলাদেশী নাগৰিকক আটক কৰিছে অসম আৰক্ষীয়ে । উল্লেখ্য যে, চুবুৰীয়া দেশখনত ৰাজনৈতিক অস্থিৰতা সৃষ্টি হোৱাৰে পৰা দেশখনৰ নাগৰিকে যাতে ভাৰতত অবৈধ প্ৰৱেশ নকৰিব নোৱাৰে তাৰ প্ৰতি লক্ষ্য ৰাখি অধিক সতৰ্কতা অৱলম্বন কৰিছে অসম আৰক্ষীয়ে ।
শনিবাৰে সামাজিক মাধ্য়ম এক্স হেণ্ডেলৰ জৰিয়তে মুখ্যমন্ত্ৰী হিমন্ত বিশ্ব শৰ্মাই জানিব দিছে যে,ভাৰত-বাংলাদেশ সীমান্তত অনুপ্ৰৱেশ ৰোধ কৰাৰ অবিৰত প্ৰচেষ্টাৰ অংশ হিচাপে অসম আৰক্ষীয়ে দুজন অবৈধ বাংলাদেশী নাগৰিকক আটক কৰে । ইয়াৰ লগতে তৎকালীনভাৱে বিতাড়ন নিশ্চিত কৰে বুলি জানিবলৈ দিছে মুখ্যমন্ত্ৰীগৰাকীয়ে । মনকৰিবলগীয়া যে, প্ৰায়ে অবৈধভাৱে অনুপ্ৰৱেশৰ চেষ্টা কৰা বাংলাদেশীক আটক কৰাৰ তথ্য় প্ৰকাশ কৰি আহিছে মুখ্যমন্ত্ৰীগৰাকীয়ে ।
Keeping a close eye on infiltration attempts!
Maintaining a strict watch along the Indo-Bangladesh border, @assampolice successfully apprehended two illegal Bangladeshi nationals and ensured their swift pushback across the border.
🇧🇩 Akbar Ali
🇧🇩Md. AponWe are alert 24/7 to… pic.twitter.com/m1RN5cdHJh
— Himanta Biswa Sarma (@himantabiswa) February 21, 2025
তেওঁ সদৰী কৰা মতে, অসম আৰক্ষীয়ে সীমান্ত টহল দি থকাৰ সময়তে এই বাংলাদেশী নাগৰিক দুজনক আটক কৰে । এই অনুপ্ৰৱেশকাৰী দুজন ক্ৰমে আকবৰ আলী আৰু মহম্মদ আপন ।
ইয়াৰ পূৰ্বেও আন্তঃৰাষ্ট্ৰীয় সীমান্তত আন দুজন বাংলাদেশী নাগৰিক আটক কৰি বিতাড়ন কৰাৰ খবৰ প্ৰকাশ কৰিছিল মুখ্যমন্ত্ৰীগৰাকীয়ে । তেওঁলোক আছিল ৰিয়াজ মুল্লা আৰু ছাকিব মণ্ডল। এই তথ্য় প্ৰকাশ কৰাৰ লগতে অসম আৰক্ষীৰ এই প্ৰচেষ্টাক প্ৰশংসা কৰে মুখ্য়মন্ত্ৰীগৰাকীয়ে ।
