অব্য়াহত ড্ৰাগছ বিৰোধী অভিযান ! ২০২১ চনৰ পৰা বৰ্তমানলৈ অসমত জব্দ ২৬০০ কোটি টকাৰ ড্ৰাগছ
২০২১ চনৰ পৰা অসমত ২৬০০ কোটি টকা ড্ৰাগছ জব্দ কৰা হৈছে বুলি সদৰী কৰিছে মুখ্যমন্ত্ৰীয়ে । অসম আৰক্ষীৰ এই ড্ৰাগছ বিৰোধী অভিযান অব্যাহত থাকিব বুলিও সদৰী কৰিছে মুখ্যমন্ত্ৰীয়ে ।
২০২১ চনৰ পৰা অসমত ২৬০০ কোটি টকা ড্ৰাগছ জব্দ কৰা হৈছে বুলি সদৰী কৰিছে মুখ্যমন্ত্ৰীয়ে । তেওঁ কয় যে, ২০২১ চনৰ পৰা চলিত বৰ্ষৰ বৰ্তমানলৈকে অসমত ২৬০০ কোটি টকাৰ ড্ৰাগছ জব্দ কৰা হৈছে । অসম আৰক্ষীৰ এই ড্ৰাগছ বিৰোধী অভিযান অব্যাহত থাকিব বুলিও সদৰী কৰিছে মুখ্যমন্ত্ৰীয়ে । তেওঁ কয় যে, ‘অসম ড্ৰাগছৰ বিৰুদ্ধে’ এটা শ্লোগান নহয় । অসমত ড্ৰাগছৰ নেক্সাচ শিপাৰ পৰা উৎসাদ কৰা ই এক অভিযান।
তদুপৰি মুখ্যমন্ত্ৰী শৰ্মাই জানিবলৈ দিয়া অনুসৰি, ২০১১ চনৰ পৰা ২০১৫ চনৰ ভিতৰত অসমত ৪০০ কোটি টকা ড্ৰাগছ জব্দ কৰা হৈছিল । ইয়াৰ বিপৰীতে ২০২১ চনৰ পৰা ২০২৫ চনৰ বৰ্তমানলৈকে ২৬০০ কোটি টকা ড্ৰাগছ জব্দ কৰা হৈছে বুলি দাবী কৰিছে মুখ্যমন্ত্ৰীয়ে ।
#AssamAgainstDrugs, not just a slogan, but a mission to eliminate the nexus of drugs from its roots in Assam and not allowing our soil to be used for narco-terrorism.
Since 2021, we have seized drugs worth ₹2600 crore in Assam and this mission will continue. pic.twitter.com/ddsDFy180r
— Himanta Biswa Sarma (@himantabiswa) March 24, 2025
ইফালে, ৰাজ্যত পুনৰ বৃহৎ মূল্যৰ ড্ৰাগছ জব্দ কৰাৰ খবৰ লাভ কৰা গৈছে । খবৰ অনুসৰি, ৰাজ্যৰ দক্ষিণ শালমাৰা-মানকাচ জিলাৰ সীমান্তৰে বাংলাদেশীলৈ সৰবৰাহৰ চেষ্টা কৰাৰ সময়তে ড্ৰাগছ জব্দ কৰে অসম আৰক্ষীয়ে। এই সন্দৰ্ভত মুখ্যমন্ত্ৰী হিমন্ত বিশ্ব শৰ্মাই সদৰী কৰিছে যে, দক্ষিণ শালমাৰাৰ পৰা বাংলাদেশলৈ সৰবৰাহৰ বাবে নিৰ্ধাৰিত প্ৰায় ২ কোটি টকাৰ ড্ৰাগছ জব্দ কৰাৰ লগতে দুজন ব্যক্তিক আটক কৰা হৈছে ।
গোপন সূত্ৰৰ ভিত্তিত অভিযান চলাই আৰক্ষীয়ে চুবুৰীয়া ৰাজ্যৰ পৰা অনা ৮ হাজাৰ ইয়াবা টেবলেট জব্দ কৰে । এই অভিযানৰ সফলতাৰ বাবে ৰাজ্যৰ আৰক্ষীক অভিনন্দন জ্ঞাপন কৰে মুখ্যমন্ত্ৰীগৰাকীয়ে । তেওঁ কয়, “দক্ষিণ শালমাৰাত বৃহৎ পৰিমাণৰ ড্ৰাগছ জব্দ কৰা হৈছে । নিৰ্ভৰযোগ্য তথ্যৰ ভিত্তিত নিচাজাতীয় দ্ৰব্য বিৰোধী অভিযান চলাইছিল আৰক্ষীয়ে । এই অভিযানত ২ কোটি টকাৰ মূল্যৰ ৮ হাজাৰ ইয়াবা টেবলেট জব্দ কৰে আৰক্ষীয়ে ।”
Major Drug Bust in South Salmara; 8,000 Yaba tablets worth ₹2cr seized
Acting on reliable information, an anti-narcotics operation was carried out by @SSalmaraPolice in a house and seized 8,000 Yaba tablets worth ₹2 crores smuggled from a neighbouring State and destined to be… pic.twitter.com/785y4f01Na
— Himanta Biswa Sarma (@himantabiswa) March 23, 2025
সামাজিক মাধ্য়ম এক্স হেণ্ডেলৰ জৰিয়তে মুখ্যমন্ত্ৰীয়ে সদৰী কৰা মতে, এই নিচাজাতীয় দ্ৰব্যখিনি চুবুৰীয়া ৰাজ্যৰ পৰা চোৰাংভাৱে অনা হৈছিল আৰু বাংলাদেশলৈ সৰবৰাহৰ চেষ্টা কৰিছিল সৰবৰাহকাৰীয়ে । এই সন্দৰ্ভত দুজন ড্ৰাগছ বেপাৰীক আটক কৰা হৈছে বুলিও জানিবলৈ দিছে মুখ্যমন্ত্ৰীয়ে ।
