ৰঙালী বিহুৰ পূৰ্বে ভাল খবৰ! অসমীয়া গহনাই লাভ কৰিলে GI টেগ
ৰঙালী বিহুৰ পূৰ্বে অসমবাসীৰ বাবে ভাল খবৰ। অসমীয়া গহনাই লাভ কৰিলে জি আই টেগ। মুখ্যমন্ত্ৰী হিমন্ত বিশ্ব শৰ্মাই সামাজিক মাধ্যমৰ যোগেদি এই কথা ঘোষণা কৰে।
ৰঙালী বিহুৰ পূৰ্বে অসমবাসীৰ বাবে এক ভাল খবৰ। অসমীয়া গহনাই লাভ কৰিলে GI টেগ। অসমীয়া ঐতিহ্য-সংস্কৃতিৰ সৈতে জড়িত অসমীয়া গহনাক প্ৰদান কৰা হৈছে ভৌগোলিক সূচকাংক অর্থাৎ জি আই টেগ (GI Tag)। মুখ্যমন্ত্ৰী হিমন্ত বিশ্ব শৰ্মাই সামাজিক মাধ্যমৰ জৰিয়তে এই কথা জনায়। ইয়াৰ পূৰ্বে অসমীয়া সমাজ জীৱনৰ লগত জড়িত বহু বস্তুৱে জি আই টেগ লাভ কৰিছে।
২০১৮-১৯ চনৰ বাজেট উত্থাপনৰ সময়ত অসমৰ শিল্পীসকলৰ সুৰক্ষা আৰু স্বীকৃতৰ প্ৰতি লক্ষ্য ৰাখি অসমীয়া গহনাৰ জি আই টেগৰ প্ৰস্তাৱ গ্ৰহণ কৰা হৈছিল। অৱশেষত এই প্ৰস্তাৱে ন্যায্যতা লাভ কৰে। অসমীয়া গহনা উদ্যোগৰ লগতে সমূহ অসমবাসীলৈ এয়া এক গৌৰৱৰ বিষয়।
এই সন্দৰ্ভত মুখ্যমন্ত্ৰীয়ে সামাজিক মাধ্যমত লিখে যে- “অসমলৈ এক সুখৰ বতৰা কঢ়িয়াই আনিছে অসমীয়া গহনাই। আমাৰ ঐতিহ্য-সংস্কৃতিৰ সৈতে অংগাংগীভাৱে জড়িত অসমীয়া গহনাক প্রদান কৰা হৈছে ভৌগোলিক সূচাংক অর্থাৎ জি আই টেগৰ স্বীকৃতি। মোৰ আজিও মনত আছে ২০১৮-১৯ বর্ষৰ বাজেট উত্থাপনত আমাৰ শিল্পীসকলৰ সুৰক্ষা আৰু স্বীকৃতিৰ প্রতি লক্ষ্য ৰাখি ইয়াৰ বাবে আমি প্রস্তাৱ গ্রহণ কৰিছিলোঁ। আমাৰ এই প্রস্তাৱে আজি ন্যায্যতা পোৱাত সুখী অনুভৱ কৰিছোঁ। অসমীয়া গহনা উদ্যোগৰ সৈতে জড়িত আটাইলৈ তথা অসমবাসীলৈ এই গৌৰৱময় মুহূর্তত আন্তৰিক অভিনন্দন জ্ঞাপন কৰিছোঁ”।
Sharing some golden news 🌟
Assam’s jewellery – an inseparable part of our heritage – has received its own Geographical Indication (GI) tag.
I distinctly remember that in the 2018-19 Budget, we had proposed to secure GI tag protect our artisans. Happy to see these efforts have… pic.twitter.com/aovGbMyvAW
— Himanta Biswa Sarma (@himantabiswa) April 2, 2025
GI টেগ কি
GI Tag য়ে বৌদ্ধিক সম্পত্তিৰ অধিকাৰ হিচাপে কাম কৰে, ই যিকোনো সামগ্ৰীৰ ভৌগোলিক উৎপত্তিক বুজায়। GI টেগ এনে এক স্বীকৃতি যিয়ে নিৰ্দিষ্ট অঞ্চলৰ পৰিচয়ৰ সৈতে ঘনিষ্ঠভাৱে জড়িত সামগ্ৰী যেনে কৃষিজাত সামগ্ৰী, হস্তশিল্প, আৰু ঔদ্যোগিক সামগ্ৰীৰ সুনাম আৰু বজাৰ মূল্য সুৰক্ষিত কৰে। এই টেগ লাভ কৰি উৎপাদকসকলে বজাৰত থকা আনৰ পৰা তেওঁলোকৰ সামগ্ৰীক পৃথক কৰিব পাৰে, লগতে তেওঁলোকৰ অনন্য গুণ আৰু ঐতিহ্যক উজ্জ্বল কৰি তুলিব পাৰে।
GI Tag য়ে বিশেষকৈ উৎপাদন আৰু কাৰুকাৰ্যৰ পৰম্পৰাগত পদ্ধতি সংৰক্ষণ কৰে। এই স্বীকৃতিয়ে শিল্পী আৰু উৎপাদকসকলক স্বীকৃতি আৰু অৰ্থনৈতিক প্ৰৰোচনা প্ৰদান কৰে। যিয়ে তেওঁলোকক প্ৰজন্মৰ পিছত প্ৰজন্ম ধৰি চলি অহা যুগ যুগ ধৰি চলি অহা কৌশলসমূহৰ অনুশীলন অব্যাহত ৰাখিবলৈ উৎসাহিত কৰে। ই সাংস্কৃতিক ঐতিহ্যৰ ৰক্ষক হিচাপেও কাম কৰে।
জি আই টেগ লাভ কৰা অসমৰ সম্পদসমূহ
তেজপুৰৰ লিচু, কাৰ্বি আংলঙৰ আদা, জহা চাউল, বোকা চাউল, চকোৱা চাউল,অৰ্থডক্স টী, কাজি নেমু. অসমীয়া জাপি, আশাৰীকান্দিৰ পুতলা শিল্প, অসমৰ কাঁহ শিল্প, মাজুলীৰ মুখা শিল্প, জুডিমা, গামোচা, আৰনাই, জৌ গৈৰান. মাইব্ৰা, জৌ বিদৈ, জৌ গিচি, নামফা আদি।
অন্য খবৰ পঢ়কঃ GI tag: ভাল খবৰ! বড়োসকলৰ ৮ বিধ সামগ্ৰীয়ে লাভ কৰিলে জি আই টেগ, চাওক কি কি আছে তালিকাত
