দেশৰ বাবে এক আদৰ্শ দাঙি ধৰিছে কাছাৰে, জিলাখনৰ চাৰিখন গাঁৱক ‘বাল্য় বিবাহ মুক্ত’ ঘোষণা…
ৰাজ্য চৰকাৰে বাল্য বিবাহ বন্ধ কৰাৰ ক্ষেত্ৰত নিৰ্ণায়ক অগ্ৰগতি লাভ কৰিছে । বাল্য বিবাহ বন্ধ কৰাৰ অভিযানৰ অংশ হিচাপে কাছাৰৰ চাৰিখন গাঁৱক ‘বাল্য বিবাহ মুক্ত’ হিচাপে ঘোষণা কৰিছে ।
ৰাজ্য়খনত বাল্য বিবাহ সম্পূৰ্ণৰূপে বন্ধ কৰিবৰ বাবে অসম চৰকাৰে অতি কঠোৰ পদক্ষেপ গ্ৰহণ কৰি আহিছে । ইয়াৰ সমান্তৰালভাৱে কেইবাটাও পৰ্যায়ত ৰাজ্যিক প্ৰশাসনে বাল্য বিবাহৰ বিৰুদ্ধে অভিযান আৰম্ভ কৰিছে। হিমন্ত বিশ্ব শৰ্মাই ৰাজ্য়ৰ মুখ্যমন্ত্ৰীৰ কাৰ্যভাৰ গ্ৰহণ কৰাৰ পাছতে ৰাজ্য চৰকাৰক বাল্য বিবাহৰ বিৰুদ্ধে অধিক কঠোৰ হোৱা দেখা গৈছিল ।
মনকৰিবলগীয়া যে, ৰাজ্য চৰকাৰৰ এই পদক্ষেপে বাল্য বিবাহ বন্ধ কৰাৰ ক্ষেত্ৰত নিৰ্ণায়ক অগ্ৰগতি লাভ কৰিছে । বাল্য বিবাহ বন্ধ কৰাৰ অভিযানৰ অংশ হিচাপে কাছাৰৰ চাৰিখন গাঁৱক ‘বাল্য বিবাহ মুক্ত’ হিচাপে ঘোষণা কৰিছে । উল্লেখ কৰিব লাগিব যে, ৰাজ্যৰ পৰা বাল্য বিবাহ একেবাৰে নোহোৱা কৰাৰ ক্ষেত্ৰত কাছাৰে এক আদৰ্শ দাঙি ধৰিছে ।
Assam has taken a firm stance against child marriage. We are putting the last nail in the coffin of this social evil across the State.
Leading by example, 4 villages in Cachar have been declared Child Marriage Free recently ensuring a bright future for our girls.@dccachar pic.twitter.com/pz9rN34njs
— Himanta Biswa Sarma (@himantabiswa) December 30, 2024
ছোৱালীৰ উন্নত ভৱিষ্যত সুনিশ্চিত কৰাৰ ক্ষেত্ৰত ৰাজ্য চৰকাৰৰ দৃঢ় স্থিতিক আলোকপাত কৰি সামাজিক মাধ্যম এক্স হেণ্ডেলৰ জৰিয়তে মুখ্যমন্ত্ৰী হিমন্ত বিশ্ব শৰ্মাই এই সাফল্যক প্ৰশংসা কৰিছে । তেওঁ কয় যে, ‘ৰাজ্যজুৰি অশুভ এই সামাজিক ব্যৱস্থাটোৰ কফিনত আমি শেষ গজাল মাৰিছো।’
মুখ্যমন্ত্ৰী হিমন্ত বিশ্ব শৰ্মাই প্ৰকাশ কৰা তথ্য অনুসৰি, কাছাৰ জিলাৰ ৰুকনি চতুৰ্থ খণ্ড, পালংহাট উন্নয়ন খণ্ড; ভৈৰৱপুৰ প্ৰথম খণ্ড, কালাইন উন্নয়ন ব্লক; ৰোজকেণ্ডি গ্ৰাণ্ট প্ৰথম আৰু ৰোজকেণ্ডি গ্ৰাণ্ট দ্বিতীয়, টাপাং উন্নয়ন ব্লকক সম্পূৰ্ণ বাল্য বিবাহ মুক্ত গাঁও হিচাপে ঘোষণা কৰিছে ৰাজ্য চৰকাৰে । উল্লেখ্য় যে, বেটি বাচাও বেটি পঢ়াও পদক্ষেপ (২০২৩-২৪)ৰ অধীনত গাঁওকেইখনক অশুভ সামাজিক ব্যৱস্থাৰ পৰা মুক্ত ঘোষণা কৰা হৈছে ।
মুখ্য়মন্ত্ৰী শৰ্মাই প্ৰকাশ কৰা এটা ভিডিঅ’ৰ জৰিয়তে উল্লেখ কৰিছে যে, ৰাজ্যৰ লগতে দেশত বাল্য বিবাহ এক স্থায়ী বিষয় হৈয়ে আছে আৰু এই প্ৰথাই কণমানি ছোৱালীক মৌলিক অধিকাৰৰ পৰা বঞ্চিত কৰে। মুখ্য়মন্ত্ৰীয়ে লগতে উল্লেখ কৰে যে, কাছাৰৰ চাৰিখন গাঁৱক বাল্য বিবাহ মুক্ত ঘোষণা কৰাটোৱে অসম চৰকাৰৰ দায়বদ্ধতাক প্ৰতিফলিত কৰিছে আৰু আন অঞ্চলসমূহৰ বাবেও এক ইতিবাচক আদৰ্শ দাঙি ধৰিছে।
