মহানগৰীৰ OYOত জঘন্য কাণ্ড! ভুক্তভোগী কিশোৰীৰ ভাষ্যৰ পাছতে ঘটনাই লৈছে নতুন মোৰ…

গুৱাহাটী মহানগৰীত পুনৰ সংঘটিত হৈছে এক জঘন্য ঘটনা। জালুকবাৰীৰ কৈলাশপুৰত এগৰাকী কিশোৰীক অপহৰণ কৰি দলবদ্ধ ধৰ্ষণৰ অভিযোগ। এই সন্দৰ্ভত জালুকবাৰী আৰক্ষী চকীত এজাহাৰ কিশোৰীগৰাকীৰ পৰিয়ালৰ। কিশোৰীগৰাকীৰ পৰিয়ালৰ এজাহাৰৰ ভিত্তিত আটক কৰা হৈছে দুই অভিযুক্ত কিশোৰক।  অৱশ্যে, এতিয়াও পলাতক আন দুই অভিযুক্ত কিশোৰ। ইয়াৰ পাছতে ঘটনাই লৈছে নতুন মোৰ। যিয়ে সলনি কৰিছে সকলো।

কিশোৰীগৰাকীৰ পৰিয়ালৰ অভিযোগ অনুসৰি জালুকবাৰীৰ অঞ্চলৰ সুন্দৰবড়িৰ চাৰি যুৱকৰ দলে অপহৰণ কৰি OYO হোটেলত লৈ যায়। তাৰ পাছত দলবদ্ধভাৱে অপকৰ্ম  সংঘটিত কৰে কিশোৰীগৰাকীৰ সৈছে। ইয়াৰ পাছত পৰৱৰ্তী সময়ত কিশোৰীগৰাকীক ঘৰৰ ওচৰত পেলাই থৈ যোৱাৰ অভিযোগ পৰিয়ালৰ।

নৱবৰ্ষৰ পহিলা দিনটোতে সংঘটিত হৈছিল এই জঘন্য ঘটনাটো। ঘটনাটো সন্দৰ্ভত কিশোৰীগৰাকীৰ পৰিয়ালে জালুকবাৰী আৰক্ষীক অৱগত কৰে। তাৰ পাছতে জালুকবাৰী আৰক্ষীয়ে আৰম্ভ কৰে ঘটনাৰ তদন্ত । ঘটনা সন্দৰ্ভত দুজনকৈ কিশোৰক আটক কৰে জালুকবাৰী আৰক্ষীয়ে।  বাকী দুজন অভিযুক্ত এতিয়াও পলাতক অৱস্থাত আছে।প ৰিয়ালৰ এজাহাৰৰ ভিত্তিত জালুকবাৰী আৰক্ষীয়ে এটা গোচৰ ৰুজু কৰিছে। ০৩/২৪ নম্বৰৰ এক গোচৰ ৰুজু কৰি পকছ’ আইনৰ অধীনত দুই কিশোৰক  আদালতত হাজিৰ কৰাই জালুকবাৰী আৰক্ষীয়ে।

ইয়াৰ  পাছতে ঘটনাই এতিয়া লৈছে নতুন মোৰ। আৰক্ষীৰ আগত ভুক্তভোগী কিশোৰগৰাকীৰ বিস্ফোৰক স্বীকাৰোক্তি। কিশোৰগৰাকীৰ ভাষ্যৰ পিছতে এতিয়া সলনি লৈছে সমগ্ৰ ঘটনাৰ দৃশ্যপট। কিশোৰীগৰাকীৰ ভাষ্য অনুসৰি ঘটনাত চাৰিগৰাকী যুৱক নহয়, দুজন কিশোৰহে জড়িত আছিল। কেৱল সেয়াই নহয়, কিশোৰীগৰাকীৰ পৰিয়ালৰ দিয়া অভিযোগৰ দৰে  কোনো অপকৰ্ম সংঘটিত হোৱা নাছিল OYO হোটেলত। বৰঞ্চ কিশোৰীগৰাকী নিজৰ ইচ্ছা অনুসৰি গৈছিল OYO হোটেললৈ।

এতিয়া ৰহস্যৰ আৱৰ্তত সোমাই পৰিছে এই ঘটনা। বৰ্তমানো ঘটনা সন্দৰ্ভত অব্যাহত আছে আৰক্ষীৰ তদন্ত। কোন সঁচা কোন মিছা? কাৰোবাৰ ভয়ত কিশোৰীগৰাকীয়ে দিছে নেকি এনে বিস্ফোৰক ভাষ্য? নে সঁচাকৈ এই ঘটনাত ইচ্ছা অনুসৰিয়ে এনে ভয়ংকৰ অপৰাধত সংঘটিত কৰিছিল কিশোৰীগৰাকী? আৰক্ষীৰ তদন্তৰ অন্তহে পোহৰলৈ আহিব ঘটনাৰ আঁৰৰ ৰহস্য।