গুৱাহাটীত ৯ কোটি টকাৰ হেৰ’ইন জব্দ, চাৰিজনক আটক…
উৰুকাৰ ব্যস্ততাৰ সুযোগ লৈ সৰবৰাহৰ চেষ্টা কৰা ৯ কোটি টকাৰ হেৰ’ইন জব্দ কৰে আৰক্ষীয়ে । জানিব পৰা মতে, কামৰূপ জিলাত অভিযান চলাই হেৰ’ইনসহ চাৰিজন লোককো আটক কৰে আৰক্ষীয়ে ।
ভোগালীৰ আনন্দৰ মাজতে ড্ৰাগছৰ বিৰুদ্ধে অভিযান চলাই ডাঙৰ সফলতা লাভ কৰিবলৈ সক্ষম হৈছে । সূত্ৰৰ খবৰ অনুসৰি, উৰুকাৰ ব্যস্ততাৰ সুযোগ লৈ সৰবৰাহৰ চেষ্টা কৰা ৯ কোটি টকাৰ হেৰ’ইন জব্দ কৰে আৰক্ষীয়ে । জানিব পৰা মতে, কামৰূপ জিলাত অভিযান চলাই হেৰ’ইনসহ চাৰিজন লোককো আটক কৰে আৰক্ষীয়ে । এই নিচাজাতীয় দ্ৰব্য মণিপুৰৰ পৰা সৰবৰাহ কৰা হৈছিল সদৰী কৰিছে সূত্ৰটোৱে ।
জানিব পৰা মতে, মণিপুৰৰ চুৰাচান্দপুৰ জিলাৰ এটা পৰিয়ালে হাজো আৰু গোৰেশ্বৰ অঞ্চলৰ ড্ৰাগছ বেপাৰীলৈ নিচাজাতীয় দ্ৰব্য গাড়ীৰে সৰবৰাহ কৰিব বুলি তথ্য লাভ কৰিছিল অসম আৰক্ষীৰ বিশেষ টাস্ক ফ’ৰ্চে । এগৰাকী বিষয়াই সদৰী কৰা মতে, এই তথ্য লাভ কৰাৰ পাছতে বিশেষ টাস্ক ফ’ৰ্চে অভিযান আৰম্ভ কৰে ।
An STF team led by Kalyan Kumar Pathak, ASP , STF intercepted a Scorpio at Amingaon in the morning hours of today and recovered 1 kg 128 gms of heroin hidden in secret chambers valued at Rs 9 crore. Four traffickers have been apprehended.@himantabiswa @gpsinghips @HardiSpeaks pic.twitter.com/nW1LI87hKz
— STF Assam (@STFAssam) January 14, 2025
গোপন সূত্ৰৰ তথ্য ভিত্তিত আমিনগাঁও অঞ্চলত অতিৰিক্ত আৰক্ষী অধীক্ষক কল্যাণ পাঠকৰ নেতৃত্বত এছটিএফৰ এটা দলে অভিযান আৰম্ভ কৰে । এই অভিযান কালতে এখন গাড়ী আটক কৰে আৰক্ষীয়ে । সূত্ৰই জানিবলৈ দিছে যে, গাড়ীখনত চালাচী চলাই গোপন চেম্বাৰত ৯৪ টা চাবোনৰ বাকচত লুকুৱাই ৰখা ১.১২৮ গ্ৰাম হেৰ’ইন জব্দ কৰে আৰক্ষীয়ে ।
বিষয়াগৰাকীয়ে জানিবলৈ দিয়া মতে, প্ৰথমে গাড়ীখনৰ চালক আৰু সহ-চালকক আটক কৰা হয়। তেওঁলোকৰ জেৰাৰ অন্তত এছটিএফৰ দলটোৱে হাজো আৰু গোৰেশ্বৰৰ পৰা দুজন ড্ৰাগছ বেপাৰীক আটক কৰে। বৰ্তমান তেওঁলোকৰ বিৰুদ্ধে আইনী ব্যৱস্থা গ্ৰহণ কৰা হৈছে বুলি জানিব পৰা গৈছে ।
