১ ব’হাগৰ পৰা অসমীয়াত প্ৰকাশ পাব চৰকাৰী জাননী: জানক ৰাজ্যিক কেবিনেটৰ গুৰুত্বপূৰ্ণ সিদ্ধান্তসমূহ

শুকুৰবাৰে লোকসেৱা ভৱনত অনুষ্ঠিত হয় অসম চৰকাৰৰ কেবিনেট বৈঠক। বৈঠকত উপস্থিত থাকে কেইবাগৰাকীও কেবিনেট মন্ত্ৰীৰ লগতে মুখ্যমন্ত্ৰী ড° হিমন্ত বিশ্ব শৰ্মা।  মুখ্যমন্ত্ৰীৰ উপস্থিতি কেবিনেট বৈঠকত গ্ৰহণ কৰা হয় কেইবাটাও গুৰুত্বপূৰ্ণ সিদ্ধান্ত। বৈঠকৰ অন্তত সংবাদ মেল সম্বোধন কৰি কেবিনেট বৈঠকৰ সিদ্ধান্তসমূহ সদৰি কৰে মুখ্যমন্ত্ৰী ড° হিমন্ত বিশ্ব শৰ্মাই।

কেবিনেটৰ গুৰুত্বপূৰ্ণ সিদ্ধান্তসমূহ

1. ৰাজ্যিক কৰ্মচাৰীসকলৰ বাবে ২ শতাংশ DA আৰু পেঞ্চনাৰসকলৰ বাবে ২ শতাংশ DR বৃদ্ধিৰ সিদ্ধান্ত গ্ৰহণ। এই বৃদ্ধিৰ ফলত ৫৩ শতাংশৰ পৰা ৫৫ শতাংশ হ’ব অসম চৰকাৰৰ কৰ্মচাৰী আৰু পেঞ্চনাৰৰ DA আৰু DR । যাৰ ফলত বৃদ্ধি পাব অসম চৰকাৰৰ কৰ্মচাৰীসকলৰ  দৰমহা। ২০২৫ বৰ্ষৰ ১ জানুৱাৰীৰপৰা কাৰ্যকৰী হ’ব অসম চৰকাৰৰ কৰ্মচাৰীৰ এই মৰগীয়া বানচ বৃদ্ধি।
2. জাগীৰোডত ৱৰ্কিং ৱ’মেন হোষ্টেল খোলাৰ সিদ্ধান্ত লোৱা হয় কেবিনেট বৈঠকত। ১৪২ কোটি টকা ব্যয়ৰে নিৰ্মাণ হ’ব এই ৱৰ্কিং ৱ’মেন হোষ্টেল। ছেমিকণ্ডাক্টৰৰ মহিলা কৰ্মচাৰী থাকিব এই হোষ্টেলত।
3. ১ ব’হাগৰ পৰা সকলো চৰকাৰী জাননী/অধিসূচনা ইংৰাজীৰ উপৰিও অসমীয়াত প্ৰকাশ পাব । লগতে বিটিআৰৰ বাবে বড়ো আৰু বৰাক উপত্যাকাৰ বাবে বাংলা ভাষাত প্ৰকাশ পাব জাননী।
4.  ৰাজ্যৰ বান পৰিস্থিতি নিয়ন্ত্ৰণৰ বাবে মথাউৰি কমিটী গঠন কৰাৰ সিদ্ধান্ত গ্ৰহণ কৰা হৈছে আজিৰ কেবিনেটত। মুখ্যমন্ত্ৰীয়ে কয় যে, ৮-১০ কিঃমিঃ মথাউৰি চাবলৈ থাকিব ১০-১৫জনীয়া যুৱ বাহিনী। স্বেচ্ছামূলকভাৱে সেৱা আগবঢ়াব এই কমিটীয়ে। গাঁওৰক্ষী বাহিনীৰ দৰে যুৱ বাহিনীয়ে সহায় কৰিব চৰকাৰক। মথাউৰি কমিটীত থাকিব নৈপৰীয়া ৰাইজ। এপ্ৰিলৰপৰা অক্টোবৰলৈ মথাউৰিসমূহৰ নিৰীক্ষণ কৰিব। বান নিয়ন্ত্ৰণৰ অন্যন্য সামগ্ৰীও যোগান ধৰা হ’ব মথাউৰি কমিটীক। অক্টোবৰত যুৱ বাহিনীৰ সদস্যক মুখ্যমন্ত্ৰীয়ে দিব কৃতজ্ঞতা পত্ৰ।
5. ২৮ হাজাৰ কোচ ৰাজবংশী লোকৰ গোচৰ প্ৰত্যাহাৰ। বিদেশীৰ সন্দেহত চলি থকা গোচৰ প্ৰত্যাহাৰৰ সিদ্ধান্ত গ্ৰহণ কৰা হৈছে আজিৰ কেবিনেটত। কোচ ৰাজবংশীলোকৰ বিদেশী ন্যায়াধীকৰণৰ নাথাকিব গোচৰ ।
6. চিকিৎসালয় আৰু মেডিকেল কলেজত বিনামূলীয়া ঔষধৰ যোগানৰ বাবে ১৯০ কোটি টকাৰ অনুমোদন। দৰিদ্ৰ পৰিয়ালৰ ৰোগীয়ে লাভ কৰিব বিনামূলীয়া ঔষধৰ।

লগতে পঢ়ক: বৃদ্ধি হ’ব অসম চৰকাৰৰ কৰ্মচাৰীৰ দৰমহা, ৰাজ্যিক কেবিনেটত ডাঙৰ সিদ্ধান্ত