নিৰ্বাচনী টছত ধৰাশায়ী বিৰোধী ! বৃহৎ জয়ৰে RHAC দখল এনডিএ মিত্ৰৰ…
শুকুবাৰে ৰাভা হাছং স্বায়ত্ত শাসিত পৰিষদৰ নিৰ্বাচনৰ ফলাফল প্ৰকাশ পায় । এই ফলাফলত দেখা যায় যে, ৩৬ খন আসনযুক্ত পৰিষদীয় নিৰ্বাচনটোত ৩৩ খন আসনত বৃহৎ জয়লাভ কৰিছে এনডিএ মিত্ৰই ।
সন্মুখনত পঞ্চায়ত, বি টি চি আৰু বিধানসভা নিৰ্বাচন । ইয়াৰ পূৰ্বে ৰাজ্যত আত্মবিশ্বাস বৃদ্ধি কৰিলে এনডিএ মিত্ৰজোঁটে । শেহতীয়াকৈ বিৰোধীক ধূলিস্যাৎ কৰি শাসকীয়ে এনডিএ মিত্ৰজোঁটে নিজৰ দখলত ৰাখিলে ৰাভা হাছং স্বায়ত্ত শাসিত পৰিষদ । শুকুবাৰে ৰাভা হাছং স্বায়ত্ত শাসিত পৰিষদৰ নিৰ্বাচনৰ ফলাফল প্ৰকাশ পায় । এই ফলাফলত দেখা যায় যে, ৩৬ খন আসনযুক্ত পৰিষদীয় নিৰ্বাচনটোত ৩৩ খন আসনত বৃহৎ জয়লাভ কৰিছে এনডিএ মিত্ৰই ।
শুকুৰবাৰে ৰাভা হাছং স্বায়ত্ত শাসিত পৰিষদৰ নিৰ্বাচনত শাসকীয় বিজেপি-ৰাভা হাছং যৌথ মঞ্চ মিত্ৰজোঁটে ক্ষমতা অক্ষুণ্ণ ৰাখিবলৈ সক্ষম হয় । নিৰ্বাচনটোত বিজেপি নেতৃত্বাধীন মিত্ৰজোঁটে ইতিমধ্যে সংখ্যাগৰিষ্ঠতা লাভ কৰি ৩৬খন আসনৰ ভিতৰত ৩৩খন আসন লাভ কৰে । উল্লেখ্য যে, এই নিৰ্বাচনত এনডিএ মিত্ৰই ৩৩ খন আসন লাভ কৰাৰ বিপৰীতে নিৰ্দলীয়ই ২ খন আসন আৰু কংগ্ৰেছ ১ আসন লাভ কৰিবলৈ সক্ষম হৈছে ।
ইফালে, ৰাভা হাছং স্বায়ত্ত শাসিত পৰিষদৰ এই নিৰ্বাচনত ৰাভা হাছং যৌথ মঞ্চই সৰ্বাধিক ২৭ খন লাভ কৰিবলৈ সক্ষম হৈছে । একেদৰে ৬ টা সমষ্টত জয়লাভ কৰিছে বিজেপিয়ে । ইয়াৰ বিপৰীতে দুটা সমষ্টিত নিৰ্দলীয় প্ৰাৰ্থী জয়লাভ কৰাৰ বিপৰীতে ১ খন আসনত জয়লাভ কৰিছে কংগ্ৰেছে ।
এই নিৰ্বাচনী ফলাফলক লৈ মুখ্যমন্ত্ৰী হিমন্ত বিশ্ব শৰ্মাই কয় যে, “জনতা জনাৰ্দনৰ আশীৰ্বাদ আৰু প্ৰধানমন্ত্ৰী নৰেন্দ্ৰ মোদী জনমুখী নীতি, স্বপ্নৰ ভাৰত গঢ়াৰ সংকল্প, বিশেষকৈ খিলঞ্জীয়া জনসাধাৰণৰ বাবে অহৰহভাৱে লোৱা বিকাশমুখী পদক্ষেপৰ কাৰণে ৰাষ্ট্ৰীয় গণতান্ত্ৰিক মৰ্চাই বিশ্বাস আৰু আস্থা লাভ কৰিছে ।”
“আমাৰ ৰাভা হাছং স্বায়ত্ত শাসিত পৰিষদৰ নিৰ্বাচনী ফলাফলে পুনৰবাৰ দোহাৰিলে এন ডি এৰ প্ৰতি গভীৰ বিশ্বাসৰ কথা ৷ ঘোষিত ফলাফল অনুসৰি ৩৬খন আসনৰ ভিতৰত ৩৩খন আসনেই আমাৰ মিত্ৰজোঁটে লাভ কৰাত আমি আনন্দিত হৈছোঁ ৷ এন ডি এৰ প্ৰতি এই মৰমৰ বাবে ৰাভা হাছং স্বায়ত্ত শাসিত পৰিষদৰ প্ৰতিগৰাকী সন্মানীয় জনসাধাৰণক আন্তৰিক ধন্যবাদ আৰু কৃতজ্ঞতা জ্ঞাপন কৰাৰ লগতে আমাৰ বিজয়ী প্ৰাৰ্থীসকলক অযুত অভিনন্দন জনালোঁ৷” এইদৰে কয় মুখ্যমন্ত্ৰী শৰ্মাই ।
উল্লেখ্য যে, বুধবাৰে ৰাভা হাছং স্বায়ত্ত শাসিত পৰিষদৰ নিৰ্বাচনৰ ভোটগ্ৰহণত ৪.৪৬ লাখ ভোটাৰৰ ভিতৰত প্ৰায় ৬৯ শতাংশই ভোটদান কৰিছিল। ৰাভা হাছং স্বায়ত্ব শাসিত পৰিষদৰ ৩৬ টা সমষ্টিৰ ভিতৰত ২০ টা সমষ্টি গোৱালপাৰা জিলাৰ অন্তৰ্গত হোৱাৰ বিপৰীতে ১৬ টা সমষ্টি কামৰূপ জিলাৰ অন্তৰ্গত।
