৩৭ লাখ মহিলাৰ বেংক একাউণ্টত ১,২৫০ টকাকৈ ধন হস্তান্তৰ কৰাৰ লক্ষ্য ! অৰুণোদয় ৩.০ ৰ সন্দৰ্ভত কি ক’লে মুখ্যমন্ত্ৰীয়ে
মুখ্যমন্ত্ৰী শৰ্মাই সদৰী কৰিছে যে, সোমবাৰে অৰুণোদয় ৩.০ মুকলি কৰাৰ পূৰ্বে নতুন নিৰ্দেশনাসমূহ পৰ্যালোচনা কৰাৰ বাবে এখন বৈঠক অনুষ্ঠিত কৰা হয় । এই বৈঠকতে ৩৭ লাখ মহিলাৰ বেংক একাউণ্টত ১,২৫০ টকাকৈ ধন হস্তান্তৰ কৰাৰ লক্ষ্য নিৰ্ধাৰণ কৰা হৈছে ।
সমগ্ৰ ৰাজ্যজুৰি অৰুণোদয় ৩.০ ৰূপায়ন আৰু যোগ্য হিতাধিকাৰীক নতুন ৰেচন কাৰ্ড প্ৰদানৰ বাবে নতুন নিৰ্দেশনা চূড়ান্ত কৰাৰ কথা সদৰী কৰিছে অসমৰ মুখ্যমন্ত্ৰী হিমন্ত বিশ্ব শৰ্মাই । মুখ্যমন্ত্ৰী শৰ্মাই সদৰী কৰিছে যে, সোমবাৰে অৰুণোদয় ৩.০ মুকলি কৰাৰ পূৰ্বে নতুন নিৰ্দেশনাসমূহ পৰ্যালোচনা কৰাৰ বাবে এখন বৈঠক অনুষ্ঠিত কৰা হয় । এই বৈঠকতে ৩৭ লাখ মহিলাৰ বেংক একাউণ্টত ১,২৫০ টকাকৈ ধন হস্তান্তৰ কৰাৰ লক্ষ্য নিৰ্ধাৰণ কৰা হৈছে ।
মুখ্যমন্ত্ৰী হিমন্ত হিমন্ত বিশ্ব শৰ্মাই উল্লেখ কৰে যে, ২০২০ চনত অসমে অৰুণোদয় আঁচনি মুকলি কৰি একচেটিয়া মহিলাৰ বাবে নগদ ধন হস্তান্তৰ কৰাৰ পদক্ষেপ গ্ৰহণ কৰা কৰিছিল । এই পদক্ষেপ গ্ৰহণ কৰা শ্ৰেষ্ঠ ৰাজ্যসমূহ ভিতৰত অসম অন্যতম ৰাজ্য হিচাপে পৰিগণিত হৈছে বুলিও উল্লেখ কৰে মুখ্যমন্ত্ৰী হিমন্ত বিশ্ব শৰ্মাই । মুখ্যমন্ত্ৰী গৰাকীয়ে এই কথাও উল্লেখ কৰিছে যে, ২০২০ চনৰ পৰা এই আঁটনিখন সম্প্ৰসাৰণ কৰি অহা হৈছে।
In 2020, Assam launched Orunodoi and became one of the first states to launch a cash transfer scheme exclusively for women. Since then, this scheme has been expanded. What’s best this has served as a model for many states to replicate such programs.
Today, I chaired a meeting to… pic.twitter.com/alIhkwHM1u
— Himanta Biswa Sarma (@himantabiswa) September 9, 2024
ৰাজ্য চৰকাৰৰ আগন্তুক লক্ষ্য কি ?
অসমৰ মুখ্যমন্ত্ৰী গৰাকীয়ে জানিবলৈ দিছে যে, নতুন নিৰ্দেশনাৰ অনুসৰি ৰাজনৈতিকভাৱে সংযুক্ত অধিকাংশ পৰিয়াল এই আঁচনিৰ পৰিসৰৰ পৰা বাহিৰত থকাটো নিশ্চিত কৰাৰ ওপৰত গুৰুত্ব প্ৰদান কৰিছে অসম চৰকাৰে । একেদৰে এই আঁচনিখনক লৈ যিবোৰ অভিযোগ উত্থাপন হৈ আহিছে, সেই অভিযোগবোৰ সমাধান কৰাৰ বাবে এক ফলপ্ৰসূ ব্যৱস্থা স্থাপন কৰা হৈছে। তদুপৰি হিতাধিকাৰী চিনাক্তকৰণৰ বাবে শক্তিশালী ব্যৱস্থা অনাৰ ওপৰত অধিক গুৰুত্ব প্ৰদান কৰাৰ কথা সদৰী কৰিছে অসমৰ মুখ্যমন্ত্ৰী হিমন্ত বিশ্ব শৰ্মাই ।
উল্লেখ্য যে, ২০২০ চনত ১৯ লাখ হিতাধিকাৰী মহিলাক ৮৩০ টকা প্ৰদান কৰাৰ আৰম্ভ কৰি ২০২৪ চনত ৩৭ লাখ হিতাধিকাৰী মহিলাক ১২৫০ টকাকৈ ধন প্ৰদান কৰা লক্ষ্য নিৰ্ধাৰণ কৰালৈকে অৰুণোদয় আঁচনিৰ পৰিসৰ সম্প্ৰসাৰণকলৈ সন্তুষ্টি প্ৰকাশ কৰিছে অসমৰ মুখ্যমন্ত্ৰী হিমন্ত বিশ্ব শৰ্মাই । মুখ্যমন্ত্ৰী শৰ্মাই সামাজিক মাধ্যম এক্স হেণ্ডেলৰ জৰিয়তে এই তথ্য শ্বেয়াৰ কৰিছে ।
আজিৰ বৈঠকত অৰুণোদয় ৩.০ ৰ ৰূপায়ণৰ প্ৰস্তুতি পৰ্যালোচনা কৰাৰ লগতে ৰাষ্ট্ৰীয় খাদ্য সুৰক্ষা কাৰ্ডকলৈ খাদ্য, অসামৰিক যোগান আৰু গ্ৰাহক পৰিক্ৰমা বিভাগৰ প্ৰস্তুতিও পৰ্যালোচনা কৰে মুখ্যমন্ত্ৰী শৰ্মাই ।
