সন্ত্ৰাসবাদীৰ আক্ৰমণ দেখি আওঁৰাইছিল কলিমা, মৃত্যুৰ দুৱাৰ দলিৰ পৰা প্ৰাণ লৈ উভতিল অসমৰ এগৰাকী অধ্যাপকৰ পৰিয়াল

কাশ্মীৰৰ পহলগামত সন্ত্ৰাসবাদী আক্ৰমণৰ পৰা কথমপি প্ৰাণ ৰক্ষা পৰা অসমৰ এগৰাকী অধ্যাপকে সমগ্ৰ ঘটনাৰ বিভীষিকা বৰ্ণনা কৰিছে । তেওঁ কয় যে কলিমা পঢ়িব জনাটোৱেই তেওঁৰ বাবে সৌভাগ্যৰ কথা হৈ পৰিল আৰু ইয়াৰ বাবেই তেওঁৰ জীৱন ৰক্ষা পৰিল । ঘটনাৰ ২৪ ঘণ্টাৰ পাছতো ভয়াৱহতা পাহৰিব নোৱৰা অধ্যাপকগৰাকীয়ে কয় যে তেওঁৰচকুৰ আগেৰে মৃত্যু পাৰ হৈ যোৱা দেখিছিল । এনে মৃত্যু ভয়, যি এতিয়াও তেওঁৰ মনৰ পৰা আঁতৰি যোৱা নাই । এই অধ্যাপকজনে পত্নী আৰু সন্তানৰ সৈতে অৱসৰ উদযাপন কৰিবলৈ গৈছিল ।

অসম বিশ্ববিদ্যালয়ৰ বাংলা বিভাগৰ সহযোগী অধ্যাপক দেৱাশীষ ভট্টাচাৰ্যই এটা সংবাদ মাধ্যমৰ আগত নিজৰ ভয়াৱহতা প্ৰকাশ কৰে । তেওঁ পৰিয়ালৰ সৈতে পহলগামৰ বেছাৰণ উপত্যকা ভ্ৰমণ কৰিবলৈ গৈছিল বুলি কয় । হঠাৎ সন্ত্রাসবাদীয়ে তাত উপস্থিত হৈ মানুহক ধৰ্ম সুধি গুলীচালনা কৰিবলৈ ধৰিলে । সেই সময়ত তেওঁ পত্নী আৰু সন্তানৰ সৈতে গছৰ তলত বহি আছিল । তেওঁ দেখিলে যে আশে-পাশে বহু লোকে সন্ত্ৰাসবাদীৰ ভয়ত কলিমা আওৰাই আছে । তেওঁলোকক দেখি অধ্যাপকজনেও কলিমা আওঁৰাবলৈ ধৰে ।

ওচৰতে বহি থকা এজন ব্যক্তিক গুলীয়াই হত্যা কৰিছিল
সেই সময়তে এটা সন্ত্ৰাসবাদী তেওঁলোকৰ ফালে আহে । আনকি তেওঁক কি কৰি আছে বুলিও সুধিছিল, কিন্তু উত্তৰ দিয়াৰ সলনি তেওঁ আৰু জোৰেৰে কলিমা আওঁৰাবলৈ ধৰিলে । এই দেখি সন্ত্ৰাসবাদীজনে আঁতৰি যায় । কিন্তু যোৱাৰ আগতে কাষতে বহি থকা এজন মানুহৰ মূৰত গুলী মাৰে । সন্ত্ৰাসবাদীটো আঁতৰি যোৱাৰ লগে লগে পত্নী আৰু পুত্ৰৰ সৈতে সংগোপনে তেওঁ আঁতৰি আহে । অধ্যাপক ভট্টাচাৰ্যৰ মতে, প্ৰায় দুঘণ্টা খোজকাঢ়ি তেওঁ নিজৰ হোটেলত উপস্থিত হয় । অৱশ্যে সন্মুখত মৃত্যুৰ দৃশ্যটো দেখাৰ পিছতো তেওঁ জীয়াই আছে বুলি বিশ্বাস কৰিব পৰা নাছিল ।

মঙলবাৰে পহলগামত সংঘটিত ভয়ংকৰ সন্ত্ৰাসবাদী আক্ৰমণ
উল্লেখ্য যে মঙলবাৰে বিয়লি কাশ্মীৰৰ পহলগামত সন্ত্ৰাসবাদীয়ে ভয়ংকৰ হত্যাকাণ্ড সংঘটিত কৰে । মানুহক ধৰ্মৰ বিষয়ে সোধাৰ পিছত গুলীচালনা কৰা হয় । এই ঘটনাত ২৬ জন লোকৰ মৃত্যু হয় । এই সময়ছোৱাত বহু লোকে কলিমা পাঠ কৰি বা মুছলমান হোৱাৰ বাবে প্ৰাণ বচাবলৈ সক্ষম হয় । একেধৰণৰ দাবী পুনেৰ এজন ব্যৱসায়ীৰ কন্যায়ো কৰিছে । তেওঁ কয় যে তাত সন্ত্ৰাসবাদীয়ে মানুহক তেওঁলোকৰ ধৰ্মৰ বিষয়ে সুধিছিল আৰু তাৰ পিছত গুলীচালনা কৰিছিল । তেওঁ কয় যে তেওঁৰ পিতৃ আৰু ককাককো সন্ত্ৰাসবাদীয়ে গুলীয়াই হত্যা কৰে । সন্ত্ৰাসবাদীয়ে তেওঁৰ পিতৃক কোৰাণৰ এটা আয়াত পাঠ কৰিবলৈ কৈছিল যদিও তেওঁ পাঠ কৰিব নোৱৰাত হত্যা কৰে ।