ডিব্ৰুগড়ৰ কেন্দ্ৰীয় কাৰাগাৰৰ পৰা পঞ্জাৱলৈ লৈ যোৱা হ’ল অমৃতপাল সিঙৰ ৭ সহযোগীক
এদিন পূৰ্বে অসমৰ ডিব্ৰুগড় কেন্দ্ৰীয় কাৰাগাৰৰ পৰা মুক্তি পোৱাৰ কিছু সময়ৰ পাছতে অমৃতপাল সিঙৰ সাতজন সহযোগীক পুনৰ গ্ৰেপ্তাৰ কৰে পঞ্জাৱ আৰক্ষীয়ে।ৰাষ্ট্ৰীয় নিৰাপত্তা আইন ((NSA)ৰ ৰিমাণ্ডৰ ম্যাদ উকলি যোৱাৰ পিছতে আটাইকেইজনক গ্ৰেপ্তাৰ কৰা হৈছে বুলি জানিব পৰা গৈছে।
খালিস্তানী সমৰ্থক নেতা অমৃতপাল সিঙৰ সাতজন সহযোগীক ডিব্ৰুগড়ৰ পৰা বিমানযোগে পঞ্জাৱলৈ লৈ যোৱা হৈছে। ডিব্ৰুগড়ৰ মোহনবাৰী বিমানবন্দৰৰ পৰা বিমানেৰে লৈ যোৱা হৈছে খালিস্তানী সমৰ্থকক। প্ৰথম পৰ্যায়ত তিনিজন ব্যক্তিক বিমানত লৈ যোৱা হৈছিল আৰু বাকীসকলক পৰৱৰ্তী পৰ্যায়ত লৈ যোৱা হৈছিল। অৱশ্যে এই সন্দৰ্ভত চৰকাৰী সূত্ৰই কোনো তথ্য প্ৰকাশ কৰা নাই, সেয়েহে কিমান লোকক লৈ যোৱা হৈছিল সেই সন্দৰ্ভত সবিশেষ তথ্য স্পষ্ট নহয়।
এদিন পূৰ্বে অসমৰ ডিব্ৰুগড় কেন্দ্ৰীয় কাৰাগাৰৰ পৰা মুক্তি পোৱাৰ কিছু সময়ৰ পাছতে অমৃতপাল সিঙৰ সাতজন সহযোগীক পুনৰ গ্ৰেপ্তাৰ কৰে পঞ্জাৱ আৰক্ষীয়ে।ৰাষ্ট্ৰীয় নিৰাপত্তা আইন ((NSA)ৰ ৰিমাণ্ডৰ ম্যাদ উকলি যোৱাৰ পিছতে আটাইকেইজনক গ্ৰেপ্তাৰ কৰা হৈছে বুলি জানিব পৰা গৈছে। প্ৰায় দুবছৰ ধৰি ডিব্ৰুগড় কাৰাগাৰত থকা সিঙৰ সহযোগীসকলৰ বদলি প্ৰক্ৰিয়া তদাৰক কৰিবলৈ আৰক্ষী অধীক্ষক হৰিন্দৰ সিং গিলৰ নেতৃত্বত পঞ্জাৱ আৰক্ষীৰ ২৫ জনীয়া এটা দলে কেইবাদিনো ধৰি ডিব্ৰুগড়ত নিয়োজিত হৈ আছিল।
বিষয়াসকলৰ মতে, ৰাষ্ট্ৰীয় নিৰাপত্তা আইনৰ অধীনত আটকৰ সময়সীমা শেষ হোৱাৰ লগে লগে বুধবাৰে কুলৱন্ত সিং, হাৰ্জিত সিং, আৰু গুৰিন্দৰ পাল সিঙক মুকলি কৰি দিয়া হয়। কিন্তু মুক্তিৰ লগে লগে পঞ্জাৱ আৰক্ষীয়ে তেওঁলোকক আন এটা গোচৰত পুনৰ গ্ৰেপ্তাৰ কৰি পঞ্জাৱলৈ বদলিৰ বাবে ট্ৰেনজিট ৰিমাণ্ড বিচাৰি ডিব্ৰুগড়ৰ আদালতত হাজিৰ কৰে। বিগত দুদিনত আন চাৰিজন সহায়ক- গুৰমীত সিং, ভগৱন্ত সিং (উৰফে প্ৰধান মন্ত্ৰী বাজেকে), দলজিৎ সিং কালসী, আৰু বসন্ত সিংকো মুকলি কৰি নতুন অভিযোগত পুনৰ গ্ৰেপ্তাৰ কৰা হয়।
উল্লেখ্য যে, এতিয়াও ডিব্ৰুগড় কেন্দ্ৰীয় কাৰাগাৰত বন্দী হৈ আছে ২০২৪ চনৰ লোকসভা নিৰ্বাচনত নিৰ্দলীয় প্ৰাৰ্থী হিচাপে প্ৰতিদ্বন্দ্বিতা কৰি পঞ্জাৱৰ খাদূৰ চাহাবৰ আসনৰ পৰা জয়ী হোৱা অমৃতপাল সিং। তেওঁৰ সমান্তৰালভাৱে পাপলপ্ৰীত সিং আৰু বৰিন্দৰ সিং জোহলক এন এছ এৰ অধীনত ৰখা হৈছে। ২০২৫ চনৰ জুন মাহত উকলিব তেওঁলোকৰ আটকৰ ম্যাদ। ৱাৰিজ পঞ্জাৱ ডেৰ নেতা অমৃতপাল সিঙৰ লগতে তিনি খালীস্তানী নেতা ৩০ জুনলৈ থাকিব ডিব্ৰুগড় কাৰাগাৰত।
পঞ্জাৱৰ ডিজিপি গৌৰৱ যাদৱে পূৰ্বে উল্লেখ কৰা মতে, মুকলি কৰি দিয়া সাতজন সহযোগীৰ বিৰুদ্ধে এন এছ এ নবীকৰণ নকৰাৰ সিদ্ধান্ত লৈছিল পঞ্জাৱ চৰকাৰে। বৰঞ্চ এতিয়া তেওঁলোকে ২০২৩ চনৰ আজনালা আৰক্ষী থানা আক্ৰমণৰ গোচৰৰ সৈতে জড়িত আইনী ব্যৱস্থাৰ সন্মুখীন হ’ব। য’ত তেওঁলোকৰ বিৰুদ্ধে সাম্প্ৰদায়িক বিষবাষ্প বিয়পোৱা, হত্যাৰ চেষ্টা, আৰক্ষী জোৱানক আক্ৰমণ কৰা, আইন প্ৰয়োগকাৰী কৰ্তব্যত বাধা দিয়াৰ অভিযোগ উত্থাপন কৰা হৈছে।
