মহানগৰীত পুনৰ ভয়ংকৰ পথ দুৰ্ঘটনা! থিতাতে নিহত বলেৰ’ পিকআপ ভানৰ চালক

মহানগৰীত পুনৰ ভয়ংকৰ পথ দুৰ্ঘটনা!

পোহৰৰ উৎসৱ দীপাৱলীৰ মাজতে মহানগৰীত সংঘটিত হৈছে এটাৰ পিছত আন এটাকৈ ভয়ংকৰ পথ দুৰ্ঘটনা। শুকুৰবাৰেও নিশা মহানগৰীত ভয়ংকৰ পথ দুৰ্ঘটনা। থিতাতে এজন লোক নিহত হোৱাৰ লগতে আহত হয় দুজন। মহানগৰীৰ দক্ষিণগাঁও সাউকুছি পথত নিশা সংঘটিত হৈছে এই দুৰ্ঘটনা! থিতাতে নিহত বলেৰ’ পিক্আপ ভানৰ চালক।

কনকলতা বৰুৱা চাইকেল ট্ৰেকত সংঘটিত হয় দুৰ্ঘটনাটো। বলেৰ’ পিকআপ বাহনে মহটিয়াই নিয়ে অট’খনক। শুকুৰবাৰে নিশা মহানগৰীৰ কনকলতা বৰুৱা (চাইকেল ট্ৰেকৰ ৰাজপথত) পথত দুৰ্ঘটনাত পতিত হৈ পথৰ কাষৰ খুঁটাত ওলমি ৰ’ল বলেৰ’ পিক-আপ ভানৰ চালক। দুৰ্ঘটনাত থিতাতে নিহত হয় AS12AC9691 নম্বৰৰ বলেৰ’ পিকআপ ভানৰ চালক। ই-ৰিক্সাখনক খুন্দিয়াই পলাবলৈ লওতে থিতাতে মৃত্যু বলেৰ পিকআপৰ চালক সোণা মিঞা। নিহত চালকজন বৰপেটা মন্দিয়াৰ বুলি সন্দেহ কৰিছে।

ধনতেৰাছত ক্ৰয় কৰিছিল ই-ৰিক্সাখন। প্ৰথমে ই-ৰিক্সাখনত খুন্দিয়াই মহটিয়াই নিয়ে বলেৰ’ পিকআপখনে। ধনতেৰাছত বহু আশাৰে কিনা ই-ৰিক্সাখনত পৰিয়ালকৈ লৈ ওলাই গৈছিল পূজা চাৱ। হঠাৎ সন্মুখৰ পৰা আহিল তীব্ৰবেগী বলেৰ পিকআপ বাহনখন। তাৰ পিছত ফুটপাথত বাহন উঠি চেপা খাই লাইনৰ খুটাত। দুৰ্ঘটনাত এজন নিহত হোৱাৰ লগতে ই-ৰিক্সাখনত থকা দুই আৰোহী আঘাতপ্ৰাপ্ত হয়। বৰ্তমান চিকিৎসাধীন অৱস্থাত আছে অটো চালকৰ পৰিয়াল। দুৰ্ঘটনাৰ পাছত সোণা মিঞাৰ বাসগৃহত কান্দোনৰ ৰোল।

দিপাৱলী আনন্দ ফূৰ্তিৰ মাজতে তিনিচুকীয়া জিলাতো সংঘটিত হৈছে ভয়ংকৰ পথ দুৰ্ঘটনা। ডিগবৈ আৰক্ষী থানাৰ অন্তৰ্গত ৩৮ নম্বৰ ৰাষ্ট্ৰীয় ঘাইপথ ৰামনগৰ নামঘৰৰ সমিপত সংঘটিত এই পথ দুৰ্ঘটনা। যাত্ৰীবাহী তিনিচকীয়া অট’ আৰু ইক ভেনৰ মুখামুখি সংঘৰ্ষত এগৰাকী কিশোৰী নিহত হোৱাৰ লগতে আহত হয় পাচঁগৰাকী।

মৰাণৰ ঝলমত বলেৰ’ পিকআপ-মটৰচাইকেলৰ মুখামুখি সংঘৰ্ষ৷ দুৰ্ঘটনাত থিতাতে মৃত্যু মটৰচাইকেল আৰোহীৰ৷ মৃত যুৱকজন মৰিয়নি নৱজ্যোতি গাঁৱৰ অংকুৰ ভৰালী৷ গুৰুতৰভাৱে আহত প্লাৱন নাথ নামৰ আন এজন৷ ইফালে কাছাৰৰ সোনাইতো ভয়ংকৰ পথ দুৰ্ঘটনা৷ আমজুৰঘাট গাছতলাৰ দলঙৰ ৰেলিঙত খুন্দা তীব্ৰবেগী বাইকৰ৷ প্ৰেমিকাক পলাই লৈ যোৱাৰ সময়তে দুৰ্ঘটনাত পতিত সঞ্জিত ৰবিদাস৷ থিতাতে মৃত্যু সঞ্জিত ৰবিদাসৰ, গুৰুতৰভাৱে আহত প্ৰেমিকাসহ ৰবিদাসৰ আন এজন বন্ধু৷

বৃহস্পতিবাৰে নিশা মহানগৰীৰত সংঘটিত ভয়ংকৰ পথ দুৰ্ঘটনাত প্ৰাণ হেৰুৱাইছিল যুৱক-যুৱতীয়ে। মহানগৰীৰ হোটেল ভিভাণ্টাৰ সন্মুখৰ ফুটব্ৰীজৰ তলত সংঘটিত হৈছিল এই দুৰ্ঘটনা। এখন ক’লা আৰু এখন বগা ৰঙৰ স্ক’ৰপিঅ’ৰ মাজত হৈছিল সংঘৰ্ষ  ৰেলিং ভাঙি ফুটব্ৰীজৰ ওপৰলৈ উঠি গৈছিল ক’লা স্কৰপিঅ’খন। দুৰ্ঘটনাটোত যুৱক-যুৱতী নিহত হোৱাৰ লগতেএতিয়াও হাস্পতালত মৃত্যুৰে যুঁজি আছে আনগৰাকী যুৱতী।