School Bus Accident : উমৰাংছুত ভয়ংকৰ দুৰ্ঘটনাত পতিত স্কুল বাছ, নিহত এগৰাকী তৃতীয় শ্ৰেণীৰ ছাত্ৰী, আহত ১০ জনতকৈ অধিক…
শনিবাৰে পুৱা ভাগতে উমৰাংছুত ভয়ংকৰ দুৰ্ঘটনাত পতিত হয় এখন স্কুল বাছ । সূত্ৰ খবৰ অনুসৰি, এই দুৰ্ঘটনাত এগৰাকী তৃতীয় শ্ৰেণীৰ ছাত্ৰী থিতাতে নিহত হৈছে আৰু ১০ গৰাকীতকৈ অধিক ছাত্ৰ-ছাত্ৰী আহত হোৱা বুলি খবৰ লাভ কৰা গৈছে ।
ডিমা হাছাও জিলাৰ উমৰাংছুত ভয়ংকৰ দুৰ্ঘটনাত পতিত হৈছে এখন স্কুল বাছ । শনিবাৰে পুৱা ভাগতে এই দুৰ্ঘটনাটো সংঘটিত হোৱা বুলি জানিব পৰা গৈছে । সূত্ৰ খবৰ অনুসৰি, এই দুৰ্ঘটনাত এগৰাকী তৃতীয় শ্ৰেণীৰ ছাত্ৰী থিতাতে নিহত হৈছে আৰু ১০ গৰাকীতকৈ অধিক ছাত্ৰ-ছাত্ৰী আহত হোৱা বুলি খবৰ লাভ কৰা গৈছে ।
উল্লেখ্য যে, বাছখনে নিয়ন্ত্ৰণ হেৰুৱাৰ ফলতে এই দুৰ্ঘটনাটো সংঘটিত হয় বুলি স্থানীয় লোকে সন্দেহ প্ৰকাশ কৰিছে । জানিব পৰা মতে, উমৰাংছুৰ উন্নৈশ কিলো অঞ্চলত সংঘটিত হৈছে এই দুৰ্ঘটনাটো । স্কুলৰ ছাত্ৰ-ছাত্ৰী কঢ়িয়া নিয়া এই বাছখনে নিয়ন্ত্ৰণ হেৰুৱাই দ খাৱৈত বাগৰি পৰে বুলি সূত্ৰ পৰা জানিব পৰা গৈছে ।
এই ভয়ংকৰ দুৰ্ঘটনাত এগৰাকী ছাত্ৰী নিহত হোৱাৰ লগতে আহত সকলৰ ভিতৰত ৫ জনৰ অৱস্থা সংকটজনক বুলি জানিব পৰা গৈছে । এ এছ ০৮ চি ২২৯২ নম্বৰৰ বাছখনে ছেক্ৰেড হাৰ্ট স্কুলৰ ছাত্ৰ-ছাত্ৰী কঢ়িয়া আনিছিল । ইফালে থিতাতে নিহত ছাত্ৰী গৰাকীৰ নাম ডালমিৰ ৰংফাপি বুলি চিনাক্ত কৰা হৈছে । তৃতীয় শ্ৰেণীৰ ছাত্ৰী আছিল ডালমিৰ ।
এই দুৰ্ঘটনা সংঘটিত হোৱাৰ পাছতে অভিভাৱকৰ মাজত হাহাকাৰ পৰিস্থিতি সৃষ্টি হৈছে । ১০ গৰাকীতকৈ অধিক ছাত্ৰী আহত হৈছে বুলি স্থানীয় লোকে সদৰী কৰিছে । আহত সকলক জৰুৰী চিকিৎসাৰ বাবে চিকিৎসালয়লৈ প্ৰেৰণ কৰা হৈছে । একে সময়তে স্থানীয় আৰক্ষী উপস্থিত ঘটনাৰ সন্দৰ্ভত তদন্ত অব্যাহত ৰাখিছে ।
