WITT 2025 : সাংবাদিকসকলে হিমন্ত বিশ্ব শৰ্মাক ভয় কৰা উচিত নেকি ? প্ৰশ্নৰ উত্তৰত কি ক’লে মুখ্যমন্ত্ৰীয়ে ?
‘হোৱাট ইণ্ডিয়া থিংকছ টুডে’ত অংশগ্ৰহণ কৰে অসমৰ মুখ্যমন্ত্ৰী হিমন্ত বিশ্ব শৰ্মাই । এই সময়ছোৱাত ৰাজ্য আৰু দেশৰ ৰাজনীতিৰ সৈতে জড়িত বহু বিষয়ত নিজৰ মত ব্যক্ত কৰে মুখ্যমন্ত্ৰী শৰ্মাই । সংবাদ মাধ্যমৰ সন্দৰ্ভত সোধা প্ৰশ্নৰো উত্তৰ দিয়ে মুখ্যমন্ত্ৰীয়ে । শেহতীয়াকৈ অসমত সাংবাদিকক গ্ৰেপ্তাৰ বিষয়টোৰ সন্দৰ্ভত মুখ্য়মন্ত্ৰী শৰ্মাক প্ৰশ্ন কৰা হৈছিল যে,"সাংবাদিকসকলে আপোনাক ভয় কৰা উচিত নেকি?"
টিভি ৯ নেটৱৰ্কৰ মেগা ছামিট ‘হোৱাট ইণ্ডিয়া থিংকছ টুডে’ত অংশগ্ৰহণ কৰে অসমৰ মুখ্যমন্ত্ৰী হিমন্ত বিশ্ব শৰ্মাই । এই সময়ছোৱাত ৰাজ্য আৰু দেশৰ ৰাজনীতিৰ সৈতে জড়িত বহু বিষয়ত নিজৰ মত ব্যক্ত কৰে মুখ্যমন্ত্ৰী শৰ্মাই । সংবাদ মাধ্যমৰ সন্দৰ্ভত সোধা প্ৰশ্নৰো উত্তৰ দিয়ে মুখ্যমন্ত্ৰীয়ে । শেহতীয়াকৈ অসমত সাংবাদিকক গ্ৰেপ্তাৰ বিষয়টোৰ সন্দৰ্ভত মুখ্য়মন্ত্ৰী শৰ্মাক প্ৰশ্ন কৰা হৈছিল যে,”সাংবাদিকসকলে আপোনাক ভয় কৰা উচিত নেকি?”
এই প্ৰশ্ন উত্তৰত মুখ্যমন্ত্ৰীগৰাকীয়ে কয় যে, “মই কোন?’ আজি মই ইয়াত আছো, কাইলৈ ইয়াত নাথাকো । মই কি ? মই মাত্ৰ এজন মানুহ । আৰু ২০-৩০ বছৰ জীয়াই থাকিম তাৰ পিছত মৰিম। সেইবাবেই আমি মানুহক ভয় কৰা উচিত নহয়। ঈশ্বৰক ভয় কৰা উচিত। জনসাধাৰণক ভয় কৰা উচিত।”
উল্লেখ্য যে, অসমৰ মুখ্যমন্ত্ৰী হিমন্ত বিশ্ব শৰ্মাই অলপতে এজন সাংবাদিকক লৈ কৈছিল যে তেওঁ সাংবাদিক নহয়। এই সন্দৰ্ভত তেওঁ কয় যে,পৰ্টেলত কাম কৰা লোকসকলক সাংবাদিক ঘোষণাৰ সন্দৰ্ভত অসমৰ মূলসুঁতিৰ সাংবাদিকসকলৰ মাজতে কিছু সমস্যা আছে । “এই বিষয়ে মই মাথোঁ ক’লোঁ যে, সাংবাদিক হওক বা নহওক, আপোনালোকে সিদ্ধান্ত লওক কিন্তু ইয়াত আমাক জড়িত নকৰিব।” এইদৰে কয় মুখ্যমন্ত্ৰীয়ে ।
মুখ্যমন্ত্ৰীয়ে কয়,”মূলসুঁতিৰ সংবাদ মাধ্যমে চৰকাৰক এখন স্মাৰক পত্ৰ দিছে যে, পৰ্টেলৰ কোনো পঞ্জীয়ন প্ৰক্ৰিয়া নাই । যিহেতু নিয়ন্ত্ৰণ কৰ্তৃপক্ষ নাই, গতিকে পৰ্টেলৰ কাম কৰা লোকসকলক সাংবাদিক বুলি গণ্য কৰা উচিত নহয়। মই মূলসুঁতিৰ সংবাদ মাধ্যমৰ লোকসকলক কৈছো যে, আপোনালোকে একেলগে বহি এই বিষয়টো সমাধান কৰক। তোমালোকৰ মাজত যি সিদ্ধান্ত লোৱা হ’ব, চৰকাৰে সেই সিদ্ধান্তত সন্মতি দিব, কাৰণ এই বিষয়টো কেৱল তোমালোকৰ লগত জড়িত। এইটো মোৰ ইছ্যু নহয়।”
অসমৰ সাংবাদিক সমাজৰ মাজত কোনো একমত নাই বুলি এক প্ৰকাৰে মন্তব্য প্ৰকাশ কৰে মুখ্যমন্ত্ৰী শৰ্মাই । তেওঁ কয় যে, “আমি পঞ্জীয়নভুক্ত ৰাজনৈতিক দলৰ নেতাক ৰাজনীতিবিদ বুলি গণ্য কৰোঁ আৰু লগতে পঞ্জীয়নভুক্ত নোহোৱাৰ দলৰ নেতাকো ৰাজনীতিবিদ বুলি গণ্য কৰোঁ। কিন্তু অসমৰ সাংবাদিক সমাজত একমত নাই।” তেওঁ কয় যে, লিগেচি মিডিয়াত আপুনি প্ৰেছ কাউন্সিললৈ যাব। পৰ্টেলত কাম কৰা সকল ক’লৈ যাব? সেইবাবেই এই বিষয়টো তেওঁলোকৰ মাজৰ । তাৰ লগত আমাৰ কোনো সম্পৰ্ক নাই বুলি কয় মুখ্যমন্ত্ৰীয়ে ।
বেংকৰ দুৰ্নীতিৰ সন্দৰ্ভত প্ৰশ্ন কৰাৰ ফলত সাংবাদিকক গ্ৰেপ্তাৰ বিষয়ত তেওঁ কয় যে, “সেয়া সঁচা নহয়। দুৰ্নীতিৰ কথা জানিবলৈ তেওঁ বেংকলৈ যোৱা নাছিল। তেওঁৰ নিজা জেচিবিও আছে, নিজা ডাম্পাৰ আছে, ভাতৃয়ে মাটিৰ দালাল হিচাপে কাম কৰে। তেওঁৰ এটা দীঘলীয়া কাহিনী আছে। দিল্লীলৈ আহি কাহিনী বনোৱা সকলৰ বিষয়ে মই একো ক’ব নিবিচাৰো। মই কওঁ বেংকৰ বিৰুদ্ধে কিয় লিখে, মোৰ বিৰুদ্ধে লিখক। মই ক’ব বিচাৰো যে আপুনিও মোৰ বিৰুদ্ধে লিখক।”
লগতে পঢ়ক: TV9 নেটৱৰ্কৰ সন্মিলনত অনুপ্ৰৱেশকাৰী সন্দৰ্ভত কি ক’লে মুখ্যমন্ত্রী হিমন্তই?
