ট্ৰাম্পৰ শুল্ক ঘোষণাৰ পাছতেই ভাৰতীয় বজাৰত প্ৰভাৱ, ৪৭০ পইন্ট বাঢ়িল নিফটি ফাৰ্মা সূচক

প্ৰতীকী ছবি

কালি নতুন পাৰস্পৰিক শুল্ক ঘোষণা কৰে আমেৰিকাৰ ৰাষ্ট্ৰপতি ড’নাল্ড ট্ৰাম্পে । এই ঘোষণাৰ পাছতেই আজি ভাৰতীয় শ্বেয়াৰ বজাৰত দেখা গৈছে মিশ্ৰিত প্ৰভাৱ । নিফটি ফিফটি আৰু ছেনছেক্সৰ দৰে ভাৰতৰ দুই বেঞ্চমাৰ্ক সূচক আৰু সামান্য নিম্নগামী হয় ।

শুল্কৰ আওতাৰ পৰা ঔষধৰ দৰে সামগ্ৰী বাদ দিয়াত আজি হুৰমূৰাই বাঢ়িল নিফটি ফাৰ্মা সূচক । ৪৭০ পইন্ট বাঢ়িছে এই সূচক । বহু কেইটা চৰকাৰী বেংক চাপত পৰিলেও আজি ঊৰ্ধগামী হয় পিএছইউ বেংকৰ সূচক । আজি ৩০৭ পইন্ট বাঢ়িছে নিফটি মিডকেপ ১৫০ সূচক । ২৫৫ পইন্ট বাঢ়িছে নিফটি স্মলকেপ ২৫০ সূচক ।

আজি কি কি বাঢ়িল:
আজি আপাৰ চাৰ্কিট স্পৰ্শ কৰে বৰ্ধমান টেক্সটাইলছ, বল ফাৰ্মা লিমিটেড আৰু মাৰাল ওভাৰছীজ লিমিটেডে । ইয়াৰ উপৰিও আজি বাঢ়িছে অৰকাশ্যপ আৰু একমে ফিনট্ৰেড ইণ্ডিয়াৰ শ্বেয়াৰৰ দাম ।

আজি কি কি কমিল:
আজি নিম্ন চাৰ্কিট স্পৰ্শ কৰে পোকাৰ্না লিমিটেডে । ইয়াৰ বাহিৰেও আজি নামিছে অবন্তী ফিডছ, গাৰ্ৱাৰ হাই-টেক ফিল্মছ লিমিটেড, এমপিএছ লিমিটেড, এমবিএল ইনফ্ৰাৰ শ্বেয়াৰৰ দাম ।

বজাৰৰ টুকুৰা খবৰ:
* আজি ১:১ অনুপাতত বোনাচ দিয়ে এছএএল অটোমোটিভে
* শ্বেয়াৰে প্রতি ৪ টকা লভ্যাংশ দিছে ইউনাইটেড স্পিৰিটে
* আজি ৫২ সপ্তাহৰ সর্বোচ্চ স্তৰ স্পৰ্শ কৰিছে জেএছডব্লিউ হোল্ডিংছ আৰু কৰমণ্ডল ইন্টাৰনেশ্যনেলে
* আনহাতে আজি ৫২ সপ্তাহৰ সর্বনিম্ন স্তৰ স্পৰ্শ কৰিছে একাধিক কোম্পানীয়ে । ইয়াৰ ভিতৰত আছে টাটা কনচাল্টেন্সী ছার্ভিচেছ, ছোনাটা ছফ্টৱেৰ, সোনা বিএলডব্লিউ প্রেছিশ্যন ফ’র্জিংছ, ডাবৰ ইণ্ডিয়া, কাজাৰিয়া ছেৰামিকছ আৰু চেন্ট্রেল বেংক অৱ ইণ্ডিয়া

৩ এপ্রিলত বজাৰ বন্ধ হোৱা সময়লৈকে পোৱা তথ্য

কোনো শ্বেয়াৰত বিনিয়োগ কৰিব খুজিলে সেই শ্বেয়াৰৰ বিষয়ে সবিশেষ অধ্যয়ন আৰু বিশ্লেষণ কৰক । এই প্ৰতিবেদন কেৱল শিক্ষাৰ উদ্দেশ্যে । TV9-অসমে কোনো ধৰণৰ বিনিয়োগৰ পৰামৰ্শ নিদিয়ে ।

বিঃদ্ৰঃ যিকোনো বিনিয়োগত বজাৰৰ বিপদ জড়িত হৈ থাকে । গতিকে বিনিয়োগ সম্পৰ্কীয় সকলো নথি-পত্ৰ প্ৰথমে ভালদৰে পঢ়ি লওক । তাৰ পাছতহে বিনিয়োগৰ সিদ্ধান্ত গ্ৰহণ কৰক ।

প্ৰতিবেদন- সুপ্ৰিয় ঘোষ, ছিনিয়ৰ ছাব এডিটৰ, TV9-বাংলা