নিম্নগামী বেঞ্চমাৰ্ক সূচক, ১,৬২৬ পইন্ট নামিছে বিএছই স্মলকেপ সূচক
৩৪৫ পইন্ট নামিছে ভাৰতৰ বেঞ্চমার্ক সূচক নিফটি ফিফটি । ৯৩০ পইন্ট নামিছে ভাৰতৰ বজাৰৰ আন এক বেঞ্চমার্ক সূচক বিএছই ছেনছেক্স ।
আজি শ্বেয়াৰ বজাৰৰ বাবে যেন ৰেড ফ্রাইডে’ । শুকুৰবাৰে হুৰমূৰকৈ নামিল ভাৰতৰ বজাৰ । ৩৪৫ পইন্ট নামিছে ভাৰতৰ বেঞ্চমার্ক সূচক নিফটি ফিফটি । ৯৩০ পইন্ট নামিছে ভাৰতৰ বজাৰৰ আন এক বেঞ্চমার্ক সূচক বিএছই ছেনছেক্স ।
ইয়াৰ বাহিৰেও ১,৬৩৫ পইন্ট কমিছে নিফটি নেক্সট ফিফটি । ১,৫১৬ পইন্ট নামিছে নিফটি মিডকেপ হাণ্ড্ৰেড । ১,৬২৬ পইন্ট নামিছে বিএছই স্মলকেপ সূচক আৰু ১,২৪৫ পইন্ট নামিছে নিফটি আইটি সূচক ।
ট্রাম্পৰ শুল্ক যুদ্ধৰ প্রভাৱ পৰিছে এই সকলো খণ্ডত । একদৰে নামিছে বিদেশী ৰাষ্ট্ৰৰো একাধিক সূচক । কালি নামিছিল নেড্যাক, ডাও জোনছ আৰু এছ এণ্ড পি-ৰ দৰে আমেৰিকান সূচক । নামিছে চীনা সূচক হেংছেং আৰু জাপানী সূচক নিক্কেয়ো ।
আজি কি কি বাঢ়িল:
আজি কোনও সংস্থাই আপাৰ চার্কিট স্পৰ্শ নকৰিলেও বাঢ়িছে বাল ফার্মা, এছ ইন্টিগ্রেটেড ছ’লিউশ্যন, কাবেৰী ছিড কোম্পানী, এক্সেল ইণ্ডাষ্ট্ৰীজ, ফেজ থ্রী লিমিটেডৰ শ্বেয়াৰৰ দাম ।
আজি কি কি কমিল:
আজি নিম্নগামী হৈছে গাৰ্ৱাৰ হাই-টেক ফিল্মছ, পার্ল গ্ল’বেল, গোল্ডিয়াম ইন্টাৰনেশ্যনেল, এছ’চিয়েট এলকহলছ এণ্ড ব্রেওৱেৰিছ, আৰতি ফার্মালেৱছৰ শ্বেয়াৰৰ দাম ।
বজাৰৰ টুকুৰা খবৰ:
* আজি ৮৩টা শ্বেয়াৰত ৬৭টাকৈ শ্বেয়াৰ দিব বায়’ গ্রীণ পেপাৰ্ছ লিমিটেডে
* শ্বেয়াৰে প্রতি ৫০ পইচা লভ্যাংশ দিয়ে বৰুণ বেভাৰেজেছে
* প্রতি শ্বেয়াৰত ২ টকা লভ্যাংশ দিয়ে ডিচিএম শ্রীৰাম ইণ্ডাষ্ট্ৰীজে
* আজি ৫২ সপ্তাহৰ সর্বোচ্চ স্তৰ স্পৰ্শ কৰে জেএছডব্লিউ হোল্ডিংছে
* আনহাতে আজি ৫২ সপ্তাহৰ সর্বনিম্ন স্তৰ স্পৰ্শ কৰিছে টাটা কন্সাল্টেন্সি চার্ভিছেছ, সুপ্রিম ইণ্ডাষ্ট্ৰীজ, বিড়লা ছফ্ট, কাজাৰিয়া ছেৰামিকছ, জিন্দাল ষ্টেনলেছ, টিবিঅ’ টেক, এলটিআই মাইণ্ডট্রি, সাইয়েন্ট, সোনাটা ছফ্টৱেৰ, ইভেণ্টুৰাছ নলেজ ছ’লিউশ্যনছ, চেন্ট্রেল বেংক অৱ ইণ্ডিয়া, টাটা এলেক্সি, হেপিয়েন্ট মাইণ্ডছ, কেইআই ইণ্ডাষ্ট্ৰীজ, অপাৰ ইণ্ডাষ্ট্ৰীজ, কেপিআইটি টেক, সোনা বিএলডব্লিউ প্রেছিশ্যন ফ’র্জিংছ, ডক্টৰ ৰেড্ডীছ লেবৰেটৰীছ, জাইডাছ লাইফছাইন্সেছ আৰু লিণ্ডে ইণ্ডিয়াই ।
৪ এপ্রিলত বজাৰ বন্ধ হোৱা সময়লৈকে পোৱা তথ্য
যদি কোনো শ্বেয়াৰত বিনিয়োগ কৰিব খোজে, তেন্তে সেই শ্বেয়াৰৰ বিষয়ে সবিশেষ অধ্যয়ন আৰু বিশ্লেষণ কৰক । এই প্ৰতিবেদন কেৱল শিক্ষাৰ উদ্দেশ্যেহে । TV9-অসমে কোনো ধৰণৰ বিনিয়োগৰ পৰামৰ্শ নিদিয়ে ।
বিঃদ্ৰঃ যিকোনো বিনিয়োগত বজাৰৰ বিপদ জড়িত হৈ থাকে । গতিকে বিনিয়োগ সম্পৰ্কীয় সকলো নথি-পত্ৰ প্ৰথমে ভালদৰে অধ্যয়ন কৰক । তাৰ পাছতহে বিনিয়োগৰ সিদ্ধান্ত গ্ৰহণ কৰক ।
প্ৰতিবেদক: সুপ্ৰিয় ঘোষ, ছিনিয়ৰ ছাব এডিটৰ, TV9-বাংলা
