8th pay Commission: অষ্টম দৰমহা আয়োগত বৃদ্ধি হ’ব কৰ্মচাৰীৰ দৰমহা! লাভ কৰিব এই সুবিধা…
কেন্দ্ৰীয় চৰকাৰৰ কৰ্মচাৰীসকলৰ বাবে অষ্টম দৰমহা আয়োগ গঠনত অনুমোদন জনাইছে প্ৰধানমন্ত্ৰী নৰেন্দ্ৰ মোদীয়ে। এই সন্দৰ্ভত চৰকাৰে জনাইছে যে এয়া ২০২৬ চনৰ পৰা কাৰ্যকৰী কৰা হ'ব। অষ্টম দৰমহা আয়োগৰ অধ্যক্ষ আৰু দুজন সদস্যৰ নামো শীঘ্ৰেই ঘোষণা কৰা হ'ব।
অষ্টম দৰমহা আয়োগৰ বাবে অধীৰ আগ্ৰহেৰে অপেক্ষা কৰি আছিল চৰকাৰী কৰ্মচাৰীসকলে । দীৰ্ঘদিন ধৰি চৰ্চাত আছিল এই খবৰ। অপেক্ষাৰ অন্তত কেন্দ্ৰীয় চৰকাৰৰ অধীনৰ কৰ্মচাৰীসকললৈ আহিল সেই সুখবৰটো। কেন্দ্ৰীয় চৰকাৰৰ কৰ্মচাৰীসকলৰ বাবে অষ্টম দৰমহা আয়োগ গঠনত অনুমোদন জনাইছে প্ৰধানমন্ত্ৰী নৰেন্দ্ৰ মোদীয়ে। এই সন্দৰ্ভত চৰকাৰে জনাইছে যে এয়া ২০২৬ চনৰ পৰা কাৰ্যকৰী কৰা হ’ব। অষ্টম দৰমহা আয়োগৰ অধ্যক্ষ আৰু দুজন সদস্যৰ নামো শীঘ্ৰেই ঘোষণা কৰা হ’ব। ইয়াৰ আগতে ২০১৬ চনত সপ্তম দৰমহা আয়োগ গঠন কৰা হৈছিল। অষ্টম দৰমহা আয়োগৰ অনুমোদন সন্দৰ্ভত তথ্য প্ৰকাশ কৰিছে কেন্দ্ৰীয় মন্ত্ৰী অশ্বিনী বৈষ্ণৱে। তেওঁ কয় যে সপ্তম দৰমহা আয়োগ ২০১৬ চনত কাৰ্যকৰী কৰা হৈছিল আৰু ইয়াৰ কাৰ্যকাল ২০২৬ চনলৈকে আছে।
কেতিয়া প্ৰযোজ্য হ’ব?
২০২৬ চনৰ পৰা কাৰ্যকৰী কৰা হ’ব অষ্টম দৰমহা আয়োগ। এনে পৰিস্থিতিত সোনকালে ইয়াৰ ঘোষণাৰ কাৰণ হৈছে যে এই সন্দৰ্ভত লাভ কৰা পৰামৰ্শৰ ওপৰত সময়মতে আৰু সঠিকভাৱে আলোচনা কৰিব পাৰি। বৰ্তমান সপ্তম দৰমহা আয়োগৰ অধীনত দৰমহা লাভ কৰি আছে চৰকাৰী কৰ্মচাৰীসকলে। অষ্টম দৰমহা আয়োগ কাৰ্যকৰী হোৱাৰ লগে লগে, কেন্দ্ৰীয় চৰকাৰৰ কৰ্মচাৰীসকলৰ দৰমহা বৃদ্ধি হোৱাৰ যথেষ্ট আশা আছে। ইয়াৰ অধীনত, চৰকাৰে অৱসৰপ্ৰাপ্ত কৰ্মচাৰীসকলৰ পেঞ্চন আৰু ভাট্টা বৃদ্ধি কৰিব পাৰে। এই আয়োগ গঠনৰ সঠিক তাৰিখ এতিয়াও ঘোষণা কৰা হোৱা নাই।
দৰমহা কিমান বাঢ়িব?
অশ্বিনী বৈষ্ণৱে কয় যে, অষ্টম দৰমহা আয়োগৰ তত্বাৱধানৰ বাবে শীঘ্ৰেই এজন অধ্যক্ষ আৰু দুজন সদস্য নিযুক্ত কৰা হ’ব। অষ্টম দৰমহা আয়োগে দৰমহাৰ ক্ষেত্ৰত কি পাৰ্থক্য আনিব? আহক জানো। দৰমহা গণনাৰ ক্ষেত্ৰত ফিটমেণ্ট ফেক্টৰে এক গুৰুত্বপূৰ্ণ ভূমিকা পালন কৰে। ইয়ে নিৰ্ধাৰণ কৰে যে দৰমহা আৰু পেঞ্চন কিমান বৃদ্ধি হ’ব। বৰ্তমানৰ দৰমহা আয়োগৰ ফিটমেণ্ট ফেক্টৰ ২.৫৭ ৰখা হৈছে।
ইয়াৰ জৰিয়তে, নিম্নতম মজুৰি ৭,০০০ টকাৰ পৰা ১৮,০০০ টকালৈ বৃদ্ধি কৰা হৈছিল। এতিয়া অষ্টম দৰমহা আয়োগৰ বাবে ২.৮৬ ফিটমেণ্ট ফেক্টৰ দাবী কৰা হৈছে। এই অনুসৰি, নিম্নতম মজুৰি ১৮,০০০ টকাৰ পৰা ৫১,৪৮০ টকালৈ বৃদ্ধি হ’ব পাৰে। একেদৰে নিম্নতম পেঞ্চন ৯০০০ টকাৰ পৰা ২৫,৭৪০ টকালৈ বৃদ্ধি হ’ব পাৰে। পদোন্নতি আৰু দৰমহা বৃদ্ধি হ’লে পেঞ্চনও বৃদ্ধি হ’ব পাৰে।
অষ্টম দৰমহা আয়োগ কি?
কেন্দ্ৰীয় চৰকাৰৰ দ্বাৰা এটা আয়োগ গঠন কৰা হয়। ইয়াক দৰমহা আয়োগ বুলি কোৱা হয়। ই কেন্দ্ৰীয় চৰকাৰৰ কৰ্মচাৰীসকলৰ দৰমহাৰ গাঁথনিৰ পৰিৱৰ্তনৰ পৰামৰ্শ দিয়ে। অন্তিম অৰ্থাৎ সপ্তম দৰমহা আয়োগ ২০১৪ চনৰ ফেব্ৰুৱাৰীত গঠন কৰা হৈছিল। অৱশ্যে, ইয়াক ১ জানুৱাৰী ২০১৬ তাৰিখে কাৰ্যকৰী কৰা হৈছিল। সপ্তম দৰমহা আয়োগত ৭,০০০ টকাৰ পৰা ১৮,০০০ টকালৈ বৃদ্ধি কৰা হৈছিল কৰ্মচাৰীসকলৰ দৰমহা । সাধাৰণতে প্ৰতি ১০ বছৰৰ মূৰত এখন নতুন আয়োগ গঠন কৰা হয়।
