কেৱল ছবিৰ পৰাই নহয় বিভিন্ন ব্যৱসায়ৰ পৰাও কোটি টকা উপাৰ্জন কৰে চুপাৰষ্টাৰ আল্লু অৰ্জুনে!

বৰ্তমান সময়ত চৌদিশে চৰ্চাত আছে চুপাৰষ্টাৰ আল্লু অৰ্জুন। ইয়াৰ কাৰণ হৈছে তেওঁৰ ছবি পুষ্পা 2। যিখন শেহতীয়াকৈ মুক্তি লাভ কৰিছে। সংবাদ মাধ্যমৰ বাতৰি অনুসৰি, পুষ্পা ২য়ে সকলো অভিলেখ ভংগ কৰি মাত্ৰ ৬ দিনত বিশ্বজুৰি ১০০০ কোটি টকাৰ সীমা অতিক্ৰম কৰিছে। ৰশ্মিকা মান্দনাকো তেওঁৰ সৈতে এই ছবিখনত দেখা গৈছে। ব্লকবাষ্টাৰ পুষ্পাই আল্লু অৰ্জুনৰ ব্ৰেণ্ড মূল্যক নতুন উচ্চতালৈ লৈ গৈছে।

বাতৰি অনুসৰি, তেওঁৰ মুঠ সম্পত্তি ৪৬০ কোটি টকাত উপনীত হৈছে। ৪২ বছৰীয়া অভিনেতাগৰাকী এই মুহূৰ্তত ভাৰতৰ সৰ্বাধিক উপাৰ্জন কৰা অভিনেতাসকলৰ ভিতৰত এজন। মানিকণ্ট্ৰোলৰ মতে, পুষ্পা 2-ৰ বাবে তেওঁক ৩০০ কোটি টকা পৰিশোধ কৰা হৈছে। এজন সফল অভিনেতা হোৱাৰ উপৰিও, আল্লু অৰ্জুন এজন উৎকৃষ্ট ব্যৱসায়ী। তেওঁ বহুতো কোম্পানীত বিনিয়োগ কৰিছে। অভিনেতাজনে ক’ত ক’ত বিনিয়োগ কৰিছে জানো আহক..

প্ৰডাকচন হাউচ

তেওঁলোকৰ পৰিয়ালকেন্দ্ৰীক ব্যৱসায়ক আগুৱাই লৈ যোৱাৰ বাবে আল্লু অৰ্জুনে ২০২২ চনত এটা নতুন প্ৰডাকচন হাউচ খুলিছিল। হায়দৰাবাদত থকা প্ৰডাকচন হাউচটো ১০ একৰ ভূমিত আছে।
ষ্টুডিঅ’টো তেওঁৰ খুৰা তথা প্ৰসিদ্ধ অভিনেতা চিৰঞ্জীৱীয়ে উদ্বোধন কৰিছিল।

মাল্টিপ্লেক্স

২০২৩ চনৰ জুন মাহত আল্লু অৰ্জুনে হায়দৰাবাদৰ আমিৰপেটত AAA চিনেমা নামৰ এটা মাল্টিপ্লেক্স মুকলি কৰে। কোৱা হৈছে যে আল্লু অৰ্জুনে AAA চিনেমাক সমগ্ৰ ভাৰততে মাল্টিপ্লেক্স চেইন হিচাপে সম্প্ৰসাৰিত কৰাৰ পৰিকল্পনা কৰিছে।

হাইলাইফ ব্ৰিউয়িং কোম্পানী

আল্লু অৰ্জুনৰো এখন ৰেষ্টুৰেণ্ট আছে। বন্ধু কেদাৰ চেলাগামছেট্টিৰ সৈতে হাইলাইফ ব্ৰিউয়িং কোম্পানী আৰম্ভ কৰিছিল। ২০১৬ চনত হায়দৰাবাদৰ জুবিলি হিলছত আৰম্ভ কৰা কোম্পানীটোক পাৰ্টি হটস্পট বুলি কোৱা হয়হয়।

বাফেলো ৱাইল্ড উইংচ

এফ এণ্ড বি ব্যৱসায়ক আগুৱাই লৈ আল্লু অৰ্জুনে বাফেলো ৱাইল্ড ৱিংছৰ ফ্ৰেঞ্চাইজি ক্ৰয় কৰে। বাফেলো ৱাইল্ড ৱিংছ হৈছে জনপ্ৰিয় আমেৰিকান স্পৰ্টছ বাৰ। আল্লু অৰ্জুনৰ মালিকানাধীন ফ্ৰেঞ্চাইজি হায়দৰাবাদৰ গাচিবাউলিত অৱস্থিত।

Aha (অ’টিটি প্লেটফৰ্ম)

আল্লু অৰ্জুনে ২০২০ চনৰ নৱেম্বৰত তেলেগু আৰু তামিল সমলৰ সৈতে এটা ষ্ট্ৰীমিং প্লেটফৰ্ম আহাক সমৰ্থন কৰি অ’টিটিত প্ৰৱেশ কৰিছিল। আল্লু অৰ্জুনৰ পিতৃ তথা প্ৰখ্যাত প্ৰযোজক আল্লু অৰবিন্দে আহাৰ সহ-স্থাপনা কৰা হৈছিল।

ৰিয়েল ইষ্টেট

ৰিয়েল ইষ্টেটতো আল্লু অৰ্জুনৰ বৃহৎ বিনিয়োগ আছে। হায়দৰাবাদত তেওঁৰ বিলাসী সম্পত্তি আছে। Housing.com মতে, ৮০০০ বৰ্গফুট বিয়পি থকা এই ঘৰটোৰ মূল্য প্ৰায় ১০০ কোটি টকা।

কলহেল্থ চাৰ্ভিচেছ

আল্লু অৰ্জুন সেই সকল চেলিব্ৰেটীৰ ভিতৰত এজন যিসকলে কলহেল্থ চাৰ্ভিচেছত এক অজ্ঞাত পৰিমাণৰ ধন বিনিয়োগ কৰিছে। এই স্বাস্থ্যসেৱা ষ্টাৰ্টআপটো হায়দৰাবাদত অৱস্থিত। য’ত বিনিয়োগকাৰী হিচাপে শচীন তেণ্ডুলকাৰ, চিৰঞ্জীৱী আৰু নাগাৰ্জুনৰ দৰে কিংবদন্তীও অন্তৰ্ভুক্ত আছে।