Amazon ত চাকৰি হেৰুৱাব ১৪ হাজাৰ মেনেজাৰ পদৰ কৰ্মচাৰীয়ে…
এজন বা দুজন নহয় ১৪ হাজাৰ মেনেজাৰ পোষ্টৰ কৰ্মচাৰীক চাকৰিৰ পৰা সাময়িকভাৱে বৰ্খাস্ত কৰাৰ সিদ্ধান্ত গ্ৰহণ কৰিছে আমাজনে । প্ৰকাশিত খবৰ অনুসৰি, কোম্পানীটোৰ এই সিদ্ধান্তৰ জৰিয়তে কোম্পানীটোৱে বছৰি ২.১ বিলিয়নৰ পৰা ৩.৬ বিলিয়ন ডলাৰ সঞ্চয় কৰিবলৈ সক্ষম হ’ব।
২০২৫ চনৰ আৰম্ভণিত ডাঙৰ সিদ্ধান্ত গ্ৰহণ কৰিছে আমাজনে । এজন বা দুজন নহয় ১৪ হাজাৰ মেনেজাৰ পোষ্টৰ কৰ্মচাৰীক চাকৰিৰ পৰা সাময়িকভাৱে বৰ্খাস্ত কৰাৰ সিদ্ধান্ত গ্ৰহণ কৰিছে আমাজনে । প্ৰকাশিত খবৰ অনুসৰি, কোম্পানীটোৰ এই সিদ্ধান্তৰ জৰিয়তে কোম্পানীটোৱে বছৰি ২.১ বিলিয়নৰ পৰা ৩.৬ বিলিয়ন ডলাৰ সঞ্চয় কৰিবলৈ সক্ষম হ’ব। কৰ্মচাৰীক চাকৰিৰ পৰা অব্যাহতি দিয়াৰ এই সিদ্ধান্তৰ বাবে আমাজনৰ বিশ্বব্যাপী পৰিচালনা কৰ্মশক্তি ১৩ শতাংশ হ্ৰাস পাব। ইয়াৰ লগে লগে ১০৫,৭৭০ জন মেনেজাৰ সংখ্যা ৯১,৯৩৬ জনলৈ হ্ৰাস পাব।
সংবাদ মাধ্যমৰ বাতৰি অনুসৰি, ইয়াৰ পূৰ্বে কোম্পানীটোৱে যোগাযোগ আৰু বহনক্ষমতা বিভাগৰ পৰা বহু কৰ্মচাৰীক চাকৰিৰ পৰা অব্যাহতি দিয়াৰ সিদ্ধান্ত গ্ৰহণ কৰিছিল। এই পদক্ষেপৰ জৰিয়তে কোম্পানীটোৱে তেওঁলোকৰ কৰ্ম কৌশল সলনি কৰি নতুন পৰিকল্পনাৰ জৰিয়তে পৰিচালনা দলটোক প্ৰস্তুত কৰাৰ চেষ্টা কৰিছে বুলি কোৱা হৈছে।
চাকৰিৰ পৰা অব্যাহতি দিয়াৰ কাৰণ কি?
বিজনেছ ইনচাইডাৰৰ প্ৰতিবেদন অনুসৰি, এই সিদ্ধান্ত চিইঅ’ এণ্ডি জেছিৰ কৰ্পৰেট সিদ্ধান্ত গ্ৰহণ প্ৰক্ৰিয়া সৰল কৰাৰ বাবে গ্ৰহণ কৰা হৈছে। ইয়াৰ বাহিৰেও কামৰ দক্ষতা বৃদ্ধিৰ পৰিকল্পনাৰ এটা অংশ বুলি কোৱা হৈছে।
২০২৫ চনৰ প্ৰথম ত্ৰৈমাসিকৰ ভিতৰত পৰিচালকৰ তুলনাত ব্যক্তিগত অৱদানৰ হাৰ সৰ্বাধিক ১৫ শতাংশলৈ বৃদ্ধি কৰাৰ পৰিকল্পনা কৰা হৈছে। আমাজনে কৰ্মৰ গতি আৰু অধিক উন্নত কৰাৰ চেষ্টা কৰিছে বুলি কোৱা হৈছে ।
মেনেজাৰৰ পদত প্ৰভাৱ পৰিব
খবৰ অনুসৰি, আগন্তুক সময়ত ১৩,৮৩৪টা মেনেজাৰ পদ বাদ পৰিব পাৰে। চাকৰিৰ পৰা কৰ্মচাৰীক অব্যাহতি দিয়াৰ উপৰিও কোম্পানীটোৱে কেইবাটাও খৰচ কমাব পৰা নীতিও আৰম্ভ কৰিছে। ইয়াৰ ভিতৰত আছে “Bureaucracy Tipline”। ইয়াৰ জৰিয়তে আপুনি কৰ্মচাৰীজনৰ অভাৱৰ ৰিপৰ্ট দিব পাৰে।
