Explainer : আয়কৰ ষ্টেণ্ডাৰ্ড ডিডাকচন বৃদ্ধি, বছৰি ৩ লাখ টকালৈ দিব নালাগে আয়কৰ! নতুন কৰ ব্যৱস্থাত আৰু কি কি পৰিৱৰ্তন?
Key Changes in the New Tax Regime :বিত্তমন্ত্ৰী নিৰ্মলা সীতাৰমণে বাজেটত মধ্যবিত্ত শ্ৰেণীৰ বাবে এটা ডাঙৰ ঘোষণা কৰিছে। ইয়াৰ বাবে চৰকাৰে আয়কৰত কেইবাটাও পৰিৱৰ্তন কৰিছে। এই পৰিৱৰ্তনবোৰ মুখ্যতঃ নতুন কৰ ব্যৱস্থাত কৰা হৈছে। যদিও চৰকাৰে পুৰণি কৰ ব্যৱস্থাক একেবাৰে স্পৰ্শ কৰা নাই।
বাজেটত আয়কৰত কৰা হৈছে কেইবাটাও পৰিৱৰ্তন
বিত্তমন্ত্ৰী নিৰ্মলা সীতাৰমণে বাজেটত আয়কৰ লৈ এটা বৃহৎ পৰিৱৰ্তন দেখা গৈছে। যিয়ে মধ্যবিত্ত শ্ৰেণীক বাৰুকৈয়ে প্ৰভাৱিত কৰিব। ইয়াৰ লগে লগে বিষয়টো অলপ জটিল হৈ পৰিছে। এতিয়ালৈকে নতুন কৰ ব্যৱস্থাত ৫০ হাজাৰ টকাৰ ষ্টেণ্ডাৰ্ড ডিডাকচনকে ধৰি ৭.৫ লাখ টকালৈকে উপাৰ্জন কৰাসকল কৰমুক্ত আছিল। কিয়নো চৰকাৰে ৬ৰ পৰা ৭ লাখ টকাৰ উপাৰ্জন কৰাসকলক লৈ কৰৰ যি নিয়ম প্ৰৱৰ্তন কৰিছিল সেয়া আয়কৰ আইনৰ ধাৰা 87এ-ৰ অধীনত কৰ ৰেহাই দিয়া হৈছিল। ২০২৪-২৫ বৰ্ষৰ বাজেটত ষ্টেণ্ডাৰ্ড ডিডাকচন ৭৫,০০০ বৃদ্ধি কৰা হৈছে। আনহাতে কৰ শ্লেৱত ৩ লাখৰ পৰা ৭ লাখ টকাৰ ভিতৰত উপাৰ্জনকাৰীসকলক ৫% হাৰত কৰ আৰোপ কৰা হৈছে। বিত্ত মন্ত্ৰীৰ ভাষণত চৰকাৰে কৰ ৰেহাই দিয়া অব্যাহত ৰাখিব নে নকৰে সেয়া স্পষ্ট কৰা হোৱা নাই।
যদি চৰকাৰে কৰ ৰেহাই দিয়া অব্যাহত ৰাখে, তেন্তে ৭.৭৫ লাখ টকাৰ উপাৰ্জনলৈ কৰমুক্ত হ’ব। কিন্তু যদি চৰকাৰে আয়কৰ শ্লেৱৰ পৰিৱৰ্তন কাৰ্যকৰী কৰে আৰু কৰ ৰেহাই বাতিল কৰে, তেন্তে কেৱল তেওঁৰ ৩.৭৫ লাখ টকাৰ উপাৰ্জনলৈ কৰমুক্ত হ’ব।৩ৰ পৰা ৭ লাখ টকাৰ কৰ শ্লেৱ অনুসৰি, ৩.২৫ লাখ টকাৰ উপাৰ্জন কৰাসকলৰ ওপৰত ৫ শতাংশ অৰ্থাৎ ১৬,২৫০ টকা কৰ আৰোপ কৰা হ’ব।
চৰকাৰে নতুন কৰ ব্যৱস্থাত কৰ শ্লেৱটো সহজ কৰি দিছে। এতিয়া নতুন কৰ শ্লেৱত বছৰি ৩ লাখ টকালৈকে উপাৰ্জনকাৰীৰ ওপৰত শূন্য কৰ হাৰ আদায় কৰা হ’ব। এইটো আগৰ দৰেই। ৩ লাখৰ পৰা ৭ লাখ টকাৰ ভিতৰত উপাৰ্জনকাৰীৰ ওপৰত ৫ শতাংশ কৰ আৰোপ কৰা হ’ব। আগতে এই কৰ শ্লেৱ আছিল ৩ৰ পৰা ৬ লাখ টকা।
একেদৰে, চৰকাৰে ৬- ৯ লাখ টকাৰ আয়কৰ শ্লেৱ ৭-১০ লাখ টকা লৈ বৃদ্ধি কৰিছে। ইয়াৰ ওপৰত কৰ আৰোপৰ হাৰ ১০ শতাংশ হ’ব। ১০-১২লাখ টকাৰ ভিতৰত উপাৰ্জনৰ ওপৰত ১৫ শতাংশ, ১২-১৫ লাখ টকাৰ ভিতৰত ২০শতাংশ আৰু ১৫ লাখ টকাৰ ওপৰত ৩০ শতাংশ কৰ আৰোপ কৰা হ’ব।
নতুন কৰ ব্যৱস্থাৰ নতুন কৰ শ্লেৱ
১. ০-৩ লাখ টকাত শূন্য কৰ
২. ৩ ৰ পৰা ৭ লাখত ৫ শতাংশ কৰ
৩. ৭ ৰ পৰা ১০ লাখত ১০ শতাংশ কৰ
৪. ১০ ৰ পৰা ১২ লাখলৈ ১৫ শতাংশ কৰ
৫. ১২ ৰ পৰা ১৫ লাখলৈ ২০ শতাংশ কৰ
৬. ১৫ লাখ টকা বা ইয়াৰ ওপৰত ৩০ শতাংশ কৰ
নতুন কৰ ব্যৱস্থাত ষ্টেণ্ডাৰ্ড ডিডাকচনৰ সীমা বৃদ্ধি কৰাৰ উপৰিও, চৰকাৰে পেঞ্চনাৰসকলক অতিৰিক্ত লাভালাভ প্ৰদান কৰিছে। এতিয়া পেঞ্চনাৰসকলে পাৰিবাৰিক পেঞ্চনৰ ওপৰত ২৫,০০০ টকালৈকে কৰ ৰেহাই পাব। আগতে এই সীমা আছিল ১৫,০০০ টকা।
বিত্তমন্ত্ৰী নিৰ্মলা সীতাৰমণে পুৰণি কৰ ব্যৱস্থাত কোনো ব্যাপক পৰিৱৰ্তন কৰা নাই। কিন্তু চৰকাৰে মূলধনী লাভৰ ওপৰত কৰ( Capital Gain Tax)সৰল কৰিছে, যিয়ে পুৰণি কৰ ব্যৱস্থাৰ কৰদাতাসকলকো লাভান্বিত কৰিব।
- এতিয়াৰ পৰা, হ্ৰস্বম্যাদী কেপিটেল গেইনৰ কিছুমান বিত্তীয় সম্পত্তিৰ ওপৰত ২০ শতাংশ কৰ আৰোপ কৰা হ’ব। আনহাতে কৰদাতাৰ শ্লেৱ অনুসৰি আন সকলো বিত্তীয় সম্পদ আৰু অ-বিত্তীয় সম্পত্তিৰ ওপৰত কৰ আৰোপ কৰা হ’ব।
- দীৰ্ঘম্যাদী কেপিটেল গেইনৰ ক্ষেত্ৰত চৰকাৰে এক ডাঙৰ পৰিৱৰ্তন কৰিছে। এতিয়াৰ পৰা সকলো বিত্তীয় আৰু অ-বিত্তীয় সম্পত্তিৰ ওপৰত ১২.৫ শতাংশ হাৰত কৰ আৰোপ কৰা হ’ব।
- চৰকাৰে দীৰ্ঘম্যাদী সময়ত কেপিটেল গেইনৰ পৰা উপাৰ্জনৰ কৰ ৰেহাই বৃদ্ধি কৰিছে। আগতে ১ লাখ টকালৈকে উপাৰ্জনকাৰীৰ কৰমুক্ত আছিল। এতিয়া এই সীমা হ’ব ১.২৫ লাখ টকা। যদি আপুনি তালিকাভুক্ত কৰা বিত্তীয় সম্পদ
- এটাত ধন বিনিয়োগ কৰে আৰু ইয়াত এবছৰৰ বাবে বিনিয়োগ কৰে। গতিকে ই দীৰ্ঘম্যাদী বিনিয়োগত আহিব। আনহাতে তালিকাভুক্ত নোহোৱা বিত্তীয় সম্পত্তিত দুবছৰলৈকে বিনিয়োগ দীৰ্ঘম্যাদী কেপিটেল গেইনৰ আওতালৈ আহিব।
- চৰকাৰে তালিকাভুক্ত নোহোৱা বণ্ড, ঋণপত্ৰ, ঋণ মিউচুৱেল ফাণ্ড আৰু বজাৰ-সংযোজিত ঋণপত্ৰ পুঁজিৰ ওপৰত কৰ শ্লেৱ অনুসৰি কিন্তু চৰকাৰে মূলধনী লাভৰ ওপৰত কৰ আৰোপ কৰাৰ প্ৰস্তাৱ আগবঢ়াইছে।