স্বামী-স্ত্ৰী দুয়োগৰাকীয়ে পাব নেকি কিষাণ সন্মান নিধিৰ ধন? চাওঁক আচনিৰ নিয়ম
অহা মাহত কিষাণ সন্মান নিধিৰ ১৯তম কিস্তি মুকলি কৰা হ’ব পাৰে। এই আঁচনিখনৰ হিতাধিকাৰী কিদৰে হ’ব পাৰি, সেই লৈ কিছু প্ৰশ্ন উত্থাপন হোৱা দেখা যায়। ইয়াৰ ভিতৰত আটাইতকৈ চৰ্চিত প্ৰশ্নটো হৈছে, একে সময়তে এটা পৰিয়ালৰ স্বামী-স্ত্ৰী দুয়োজনে পি এম কিষাণ সন্মান নিধি আঁচনিৰ সুবিধা লাভ কৰিব পাৰিবনে? এই সন্দৰ্ভত আঁচনিখনৰ নিয়মৰ বিষয়ে জানো আহক।
দেশৰ কৃষকসকললৈ আৰ্থিক সাহায্য আগবঢ়োৱাৰ বাবে কেন্দ্ৰৰ শাসকীয় নৰেন্দ্ৰ মোদী চৰকাৰে গ্ৰহণ কৰিছিল প্ৰধানমন্ত্ৰী কিষাণ সন্মান নিধি আঁচনি। এই আঁচনিৰ জৰিয়তে দেশৰ কৃষকসকলক প্ৰতি বছৰে তিনিটা কিস্তিত মুঠ ৬ হাজাৰ টকাকৈ আৰ্থিক সাহায্য আগবঢ়াই অহা হৈছে। কেন্দ্ৰই এই আঁচনিখন গ্ৰহণ কৰাৰ পৰা এতিয়ালৈকে আঁচনিৰ অধীনত হিতাধিকাৰীসকলক ১৮টা কিস্তি প্ৰদান কৰিছে। আঁচনিৰ পৰৱৰ্তী কিস্তি শীঘ্ৰেই মুকলি হোৱাৰ সম্ভাৱনা আছে। এই সন্দৰ্ভত শেহতীয়া কিছুদিন ধৰি যথেষ্ট চৰ্চা পৰিলক্ষিত হৈছে।
অৱশ্যে এই মাহত আঁচনিখনৰ ধন মুকলিৰ সম্ভাৱনা কম। অহা মাহতহে কিষাণ সন্মান নিধিৰ এই ১৯তম কিস্তি মুকলি কৰা হ’ব পাৰে। এই আঁচনিখনৰ হিতাধিকাৰী কিদৰে হ’ব পাৰি, সেই লৈ কিছু প্ৰশ্ন উত্থাপন হোৱা দেখা যায়। ইয়াৰ ভিতৰত আটাইতকৈ চৰ্চিত প্ৰশ্নটো হৈছে, একে সময়তে এটা পৰিয়ালৰ স্বামী-স্ত্ৰী দুয়োজনে পি এম কিষাণ সন্মান নিধি আঁচনিৰ সুবিধা লাভ কৰিব পাৰিবনে? এই সন্দৰ্ভত আঁচনিখনৰ নিয়মৰ বিষয়ে জানো আহক।
সাধাৰণতে প্ৰায়বোৰ আঁচনিৰ সুবিধা স্বামী বা পত্নী যিকোনো এগৰাকীয়েহে লাভ কৰে। প্ৰধানমন্ত্ৰী কিষাণ সন্মান নিধিৰ ক্ষেত্ৰতো এই নিয়ম প্ৰযোজ্য। সেয়ে একেটা পৰিয়ালৰ স্বামী আৰু পত্নী দুয়ো আঁচনিৰ ধন লাভ নকৰে। যিসকলৰ নামত কৃষিভূমি আছে তেওঁলোকেহে এই আঁচনিৰ সুবিধা লাভ কৰিব পাৰিব। পৰিয়ালৰ আন কোনো সদস্যই ইয়াৰ সুবিধা নাপায়। স্বামী-স্ত্ৰীক এই আঁচনিৰ সুবিধা দিয়া নহয়।
এনে পৰিস্থিতিত পৰিয়ালৰ এজন ব্যক্তিয়েহে এই আঁচনিৰ সুবিধা লাভ কৰিব। এই আঁচনিৰ সুবিধা লাভ কৰিবলৈ কৃষকৰ ২ হেক্টৰ পৰ্যন্ত খেতিযোগ্য মাটি থাকিব লাগিব। যিসকল কৃষকৰ ইমান পৰিমাণৰ মাটি নাথাকে তেওঁলোক এই আঁচনিৰ পৰা বঞ্চিত হ’ব। উল্লেখ্য যে বিগত বৰ্ষৰ অক্টোবৰ মাহত মহাৰাষ্ট্ৰ নিৰ্বাচনৰ পূৰ্বে প্ৰধানমন্ত্ৰী কিষাণ যোজনাৰ ১৮তম কিস্তিৰ ধন মুকলি কৰা হৈছিল।
সংবাদ মাধ্যমৰ বাতৰি অনুসৰি অহা ফেব্ৰুৱাৰী মাহত কেন্দ্ৰীয় চৰকাৰে প্ৰধানমন্ত্ৰী কিষাণ সন্মান নিধি যোজনাৰ ১৯ তম কিস্তি মুকলি কৰিব পাৰে। কিন্তু কিস্তিৰ ধন হস্তান্তৰ সন্দৰ্ভত চৰকাৰে কোনো আনুষ্ঠানিক ঘোষণা কৰা নাই। এই আঁচনিৰ সুবিধা লাভ কৰিবলৈ প্ৰথমে আবেদন পত্ৰ পূৰণ কৰিব লাগিব। যদি আপুনি আবেদন কৰাৰ সময়ত কিবা ভুল কৰে তেন্তে আপুনি ইয়াৰ সুবিধা লাভ নকৰে।
দ্বিতীয়তে, আবেদনৰ সময়ত প্ৰদান কৰা বেংক একাউণ্টৰ সবিশেষ তথ্য শুদ্ধ হ’ব লাগে। তৃতীয়তে, আপোনাৰ মোবাইল নম্বৰ বেংক একাউণ্টৰ সৈতে লিংক কৰা উচিত। এই আঁচনিৰ হিতাধিকাৰীসকলক শেহতীয়াকৈ চৰকাৰে ই-কেৱাইচি পূৰ কৰাৰ বাবে নিৰ্দেশনা জাৰি কৰিছিল। যিসকল কৃষকে এতিয়াও এই আঁচনিৰ অধীনত ই-কেৱাইচি পূৰ কৰা নাই, তেওঁলোক এই আঁচনিৰ সুবিধাৰ পৰা বঞ্চিত হ’ব।
