চৰকাৰী কৰ্মচাৰীৰ বৃদ্ধি দৰমহা, লগতে পাব ৩ মাহৰ বকেয়া
চৰকাৰী কৰ্মচাৰীয়ে ২০২৫ চনৰ এপ্ৰিল মাহৰ দৰমহাৰ পৰা মৰগীয়া বানচ (DA) বৃদ্ধি পাব। ইয়াৰ লগতে ২০২৫ চনৰ জানুৱাৰী, ফেব্ৰুৱাৰী আৰু মাৰ্চ মাহৰ বকেয়াও পাব। অৰ্থাৎ দৰমহাৰ লগতে ৩ মাহৰ বকেয়াও পাব।
কেন্দ্রীয় চৰকাৰৰ কৰ্মচাৰী আৰু পেঞ্চনাৰসকলৰ বাবে ২ শতাংশ বৃদ্ধিৰে ডিয়াৰনেছ ৰিলিফত অনুমোদন জনোৱা হৈছে। এই বৃদ্ধি ২০২৫ চনৰ ১ জানুৱাৰীৰ পৰা কাৰ্যকৰী হোৱা বুলি বিবেচিত হ’ব। প্ৰধানমন্ত্ৰীৰ অধ্যক্ষতাত ২০২৫ চনৰ ২৮ মাৰ্চত অনুষ্ঠিত কেবিনেট বৈঠকত এই সিদ্ধান্ত গ্ৰহণ কৰা হৈছে। এক কোটিৰো অধিক চৰকাৰী কৰ্মচাৰী আৰু পেঞ্চনাৰ এই সিদ্ধান্তৰ দ্বাৰা উপকৃত হ’ব। এতিয়া কৰ্মচাৰী আৰু পেঞ্চনাৰসকলে ডি এ আৰু ডি আৰ পাবলৈ অপেক্ষা কৰি আছে।
মৰগীয়া বানচ (DA) আৰু বকেয়া কেতিয়া পাব
চৰকাৰী কৰ্মচাৰীয়ে ২০২৫ চনৰ এপ্ৰিল মাহৰ দৰমহাৰ পৰা বৰ্ধিত ডি এ লাভ কৰিব।ইয়াৰ লগতে ২০২৫ চনৰ জানুৱাৰী, ফেব্ৰুৱাৰী আৰু মাৰ্চ মাহৰ বকেয়াও পাব। অৰ্থাৎ দৰমহাৰ লগতে ৩ মাহৰ বকেয়াও পাব। ইয়াৰ ফলত কৰ্মচাৰীজনৰ মাহিলী আয়ো বৃদ্ধি পাব।
পৰৱৰ্তী ডি এ বৃদ্ধি আৰু ৮ম বেতন আয়োগ
পৰৱৰ্তী ডি এ বৃদ্ধি ২০২৫ চনৰ জুলাই-ডিচেম্বৰৰ বাবে প্ৰযোজ্য হ’ব আৰু ২০২৫ চনৰ অক্টোবৰ বা নৱেম্বৰ মাহত ঘোষণা হোৱাৰ সম্ভাৱনা আছে। ইয়াৰ উপৰিও অষ্টম দৰমহা আয়োগৰ পৰামৰ্শ কাৰ্যকৰী হোৱাৰ পিছত ডি এক মূল দৰমহাৰ সৈতে একত্ৰিত কৰা হ’ব। ইয়াৰ বাবে দৰমহাৰ গাঁথনি সলনি হ’ব আৰু ডি এ আকৌ শূন্যৰ পৰা আৰম্ভ হ’ব।
এতিয়া সকলোৰে দৃষ্টি ৮ নং বেতন আয়োগৰ ওপৰত, কাৰণ অতি সোনকালে চৰকাৰে পে কমিটীৰ সদস্যৰ নামো ঘোষণা কৰিব পাৰিব। এই কমিটীয়ে ১৫ৰ পৰা ১৮ মাহৰ ভিতৰত প্ৰতিবেদন দাখিল কৰিব বুলি আশা কৰা হৈছে। কমিটীৰ পৰামৰ্শৰ ভিত্তিত কেন্দ্ৰীয় চৰকাৰৰ কৰ্মচাৰী আৰু অৱসৰপ্ৰাপ্তসকলৰ দৰমহা আৰু পেঞ্চন বৃদ্ধিৰ ক্ষেত্ৰতো চৰকাৰে সিদ্ধান্ত ল’ব।
