PPF Nominee: PPF একাউণ্ট আছে নেকি? নিয়মৰ বৃহৎ পৰিৱৰ্তনৰ কথা ঘোষণা কৰিলে বিত্তমন্ত্ৰীয়ে

কোটি কোটি লোকে নিজৰ কষ্টোপাৰ্জিত ধন পিপিএফ একাউণ্টত জমা কৰে। যাতে কেইবাবছৰৰ ভিতৰত বৃহৎ পৰিমাণৰ ধন আদায় কৰিব পৰা যায়। এতিয়া বিত্তমন্ত্ৰী নিৰ্মলা সীতাৰমণে সেই পিপিএফ একাউণ্টধাৰীসকলক ভাল খবৰ দিছে। বৃহস্পতিবাৰে তেওঁ কয় যে, এতিয়াৰ পৰা কোনো মনোনীত ব্যক্তিৰ (Nominee) নাম যোগ বা আপডেট কৰাৰ বাবে আৰু কোনো মাচুল লোৱা নহ’ব। চৰকাৰী অধিসূচনাৰ জৰিয়তে প্ৰয়োজনীয় সালসলনি কৰা হৈছে বুলি বিত্তমন্ত্ৰীগৰাকীয়ে কয়। এই আদেশ ‘তাৎক্ষণিকভাৱে কাৰ্যকৰী’ কৰা হৈছে।

পাব্লিক প্ৰভিডেণ্ট ফাণ্ড বা পিপিএফত ধন সঞ্চয় কৰিবলৈ পিপিএফ একাউণ্ট খুলিব লাগিব। বেংকৰ দৰে এই একাউণ্টতো এজন মনোনীত ব্যক্তি থাকে। যাতে আপোনাৰ কিবা এটা হ’লে মনোনীত ব্যক্তিয়ে টকাখিনি পায়। সেই মনোনীত ব্যক্তিজনৰ নাম সলনি কৰিবলৈ অতিৰিক্ত ধন দিব লাগিব। কিন্তু বিত্তমন্ত্রীয়ে ঘোষণা কৰিলে যে এইবাৰ তেনে কৰাৰ কোনো প্রয়োজন নাথাকিব। পূৰ্বে বিত্তীয় প্ৰতিষ্ঠানসমূহে এই সবিশেষ উন্নীতকৰণ বা পৰিৱৰ্তনৰ বাবে ৫০ টকা মাচুল লৈছিল। এই মাচুল ২০১৮ চনত প্ৰৱৰ্তন কৰা হৈছিল। যিটো চৰকাৰে পুনৰ বাতিল কৰিলে।

শেহতীয়াকৈ গৃহীত বেংকিং সংশোধনী বিধেয়ক ২০২৫ অনুসৰি জমাকাৰীৰ ধন, নিৰাপদ স্থানত ৰখা সামগ্ৰী, আৰু ছেফটি লকাৰ দিবলৈ সৰ্বাধিক ৪ জন লোকক মনোনীত কৰিব পাৰিব।

এই বিধেয়কখনে ‘যথেষ্ট সুত’ শব্দটোক পুনৰ সংজ্ঞায়িত কৰিছে। প্ৰায় ৬ দশক পূৰ্বে নিৰ্ধাৰণ কৰা এই সীমা বৰ্তমানৰ ৫ লাখ টকাৰ পৰা ২ কোটি টকালৈ বৃদ্ধি কৰা হৈছে।

এই আইনখনে সমবায় বেংকত পৰিচালকৰ কাৰ্যকাল (অধ্যক্ষ আৰু সম্পূৰ্ণকালীন পৰিচালকৰ বাহিৰে) ৮ বছৰৰ পৰা ১০ বছৰলৈ বৃদ্ধি কৰাৰ ব্যৱস্থা কৰিছে। সংবিধান (সতানব্বৈতম সংশোধনী) আইন, ২০১১ৰ সৈতে সামঞ্জস্যতা নিশ্চিত কৰাৰ প্ৰচেষ্টা চলোৱা হৈছে।

পিপিএফৰ সুতৰ হাৰ

শেহতীয়া চৰকাৰী ক্ষুদ্ৰ সঞ্চয় আঁচনিৰ হাৰ অনুসৰি চৰকাৰী সমৰ্থিত পিপিএফ আঁচনিখনৰ বাৰ্ষিক সুতৰ হাৰ ৭.১ শতাংশ। এই আঁচনিৰ জৰিয়তে বিনিয়োগকাৰীয়ে বছৰি ন্যূনতম ৫০০ টকা আৰু সৰ্বাধিক ১.৫ লাখ টকা পিপিএফ একাউণ্টত জমা কৰিব পাৰে।