ড’নাল্ড ট্ৰাম্পৰ সৈতে বন্ধুত্ব: এলন মাস্কে উপাৰ্জন কৰিলে ৪.২০ লাখ কোটি টকা

এলন মাস্কৰ সম্পত্তি বৃদ্ধি

ড’নাল্ড ট্ৰাম্পৰ সৈতে থকা বন্ধুত্বই উপকৃত কৰিছে বিশ্বৰ আটাইতকৈ ধনী ব্যৱসায়ী এলন মাস্কক। যেতিয়াৰ পৰা ড’নাল্ড ট্ৰাম্পে আমেৰিকা যুক্তৰাষ্ট্ৰৰ নিৰ্বাচনত জয়ী হৈছে,তেতিয়াৰ পৰাই ইলন মাস্কৰ সম্পত্তিৰ পৰিমাণ যথেষ্ট বৃদ্ধি পাইছে। বিশেষ কথাটো হ’ল যে বৰ্তমান ইলন মাস্কৰ সম্পত্তিয়ে ৩০০ বিলিয়ন ডলাৰ অতিক্ৰম কৰিছে। ৫ নৱেম্বৰৰ পৰা ইলন মাস্কৰ মুঠ সম্পত্তি ৫০ বিলিয়ন ডলাৰ বা ৪ লাখ কোটি টকাতকৈও অধিক বৃদ্ধি পাইছে। যদি আমি ইলন মাস্কৰ কোম্পানী টেছলাৰ কথা কওঁ, তেন্তে ৪ নৱেম্বৰৰ পৰা ইয়াৰ শ্বেয়াৰ ৩২ শতাংশতকৈ অধিক বৃদ্ধি পাইছে। জানো আহক ইলন মাস্কে কিমান লাভান্বিত হৈছে?

এলন মাস্কৰ সম্পত্তি বৃদ্ধি

ড’নাল্ড ট্ৰাম্পৰ বিজয়ৰ পিছত এলন মাস্কৰ সম্পত্তি যথেষ্ট বৃদ্ধি পাইছে। ব্লুমবাৰ্গ বিলিয়নেয়াৰ ইণ্ডেক্সৰ তথ্য অনুসৰি ৫ নৱেম্বৰত এলন মাস্কৰ নেটৱৰ্থ আছিল ২৬৪ বিলিয়ন ডলাৰ। যি বৰ্তমান ৩১৪ বিলিয়ন ডলাৰত উপনীত হৈছে। ইয়াৰ অৰ্থ হৈছে যে ইলন মাস্কৰ মুঠ সম্পত্তি ৫০ বিলিয়ন ডলাৰ বা ৪.২০ লাখ কোটি টকা বৃদ্ধি পাইছে। ইখালে শুকুৰবাৰে এলন মাস্কৰ সম্পত্তি ১৭ বিলিয়ন  ডলাৰতকৈও অধিক বৃদ্ধি পাইছে। চলিত বৰ্ষৰ কথা ক’বলৈ গ’লে, তেন্তে এলন মাস্কৰ মুঠ সম্পত্তি ৮৪.৭ বিলিয়ন ডলাৰ বৃদ্ধি হৈছে।

৩ বছৰৰ পাছত ৩০০ বিলিয়ন ডলাৰ অতিক্ৰম

এলন মাস্কৰ মুঠ সম্পত্তিয়ে এতিয়া ৩০০ বিলিয়ন ডলাৰ অতিক্ৰম কৰিছে। প্ৰায় ৩ বছৰৰ পিছত এলন মাস্কৰ সম্পত্তিয়ে ৩০০ বিলিয়ন ডলাৰ অতিক্ৰম কৰিছে। ব্লুমবাৰ্গ বিলিয়নেয়াৰ ইণ্ডেক্স অনুসৰি, ২০২১ চনৰ নৱেম্বৰত এলন মাস্কৰ মুঠ সম্পত্তি ৩০০ বিলিয়ন ডলাৰ অতিক্ৰম কৰা দেখা গৈছিল। সেই সময়ছোৱাত এলন মাস্কৰ মুঠ মুঠ সম্পত্তি ৩৪০ বিলিয়ন ডলাৰত উপনীত হয়। আশা কৰা হৈছে যে এলন মাস্কৰ মুঠ সম্পদৰ পৰিমাণ অহা সপ্তাহত ৩৫০ বিলিয়ন ডলাৰ হ’ব পাৰে।

টেছলাৰ শ্বেয়াৰ বৃদ্ধি

এলন মাস্কৰ সম্পদ বৃদ্ধিৰ মুখ্য কাৰণ হৈছে টেছলাৰ শ্বেয়াৰ বৃদ্ধি। ৪ নৱেম্বৰৰ পিছত কোম্পানীটোৰ শ্বেয়াৰ যথেষ্ট বৃদ্ধি পাইছে। তথ্য অনুসৰি নাছডেক কোম্পানীটোৰ ষ্টক ২৪২.৮৪ ডলাৰ আছিল। তেতিয়াৰ পৰা প্ৰতি শ্বেয়াৰত কোম্পানীৰ ষ্টক ৭৮.৩৮ ডলাৰ বৃদ্ধি পাইছে। বৰ্তমান, কোম্পানীটোৰ শ্বেয়াৰ ৩২১.২২ ডলাৰলৈ আহিছে। অৱশ্যে, কোম্পানীটোৰ ষ্টকত শুকুৰবাৰে ৮ শতাংশতকৈ অধিক লাভ দেখা গৈছিল। ব্যৱসায়িক সময়ত, কোম্পানীৰ ষ্টক ৩২৮.৭১ ডলাৰৰ সৈতে ৫২ সপ্তাহৰ অভিলেখ স্তৰত উপনীত হৈছিল।