LPG Price Hike: পুনৰ বাঢ়িল বাণিজ্যিক চিলিণ্ডাৰৰ দাম, এবাৰতে বাঢ়িল ৬২ টকা পৰ্যন্ত

দীপাৱলীৰ লগে লগে দেশত গেছ চিলিণ্ডাৰৰ দাম বৃদ্ধি পাইছে। এইবাৰ বাণিজ্যিক গেছ চিলিণ্ডাৰৰ দাম বৃদ্ধি হোৱা দেখা গৈছে। একেৰাহে চতুৰ্থ মাহৰ বাবে বাণিজ্যিক গেছ চিলিণ্ডাৰৰ মূল্য বৃদ্ধি পাইছে। এই সময়ছোৱাত চাৰিখন মহানগৰতে বাণিজ্যিক গেছ চিলিণ্ডাৰৰ মূল্য গড়ে ১৫৬ টকাকৈ বৃদ্ধি পাইছে। আনহাতে, মাৰ্চ মাহৰ পৰা ঘৰুৱা গেছ চিলিণ্ডাৰৰ মূল্য বৃদ্ধি হোৱা নাই। যোৱাবাৰ ঘৰুৱা গেছ চিলিণ্ডাৰৰ মূল্য ১০০ টকা হ্ৰাস কৰা হৈছিল। দেশৰ চাৰিখন মহানগৰত ১ নৱেম্বৰৰ পৰা ঘৰুৱা আৰু বাণিজ্যিক গেছ চিলিণ্ডাৰৰ বাবে কিমান টকা দিব লাগিব?

ঘৰুৱা গেছ চিলিণ্ডাৰৰ বাবে এইখিনি দিব লাগিব?

মাৰ্চ মাহৰ পৰা দেশত ঘৰুৱা গেছ চিলিণ্ডাৰৰ মূল্যৰ কোনো পৰিৱৰ্তন হোৱা নাই। মাৰ্চ মাহত ঘৰুৱা এল পি জি চিলিণ্ডাৰৰ মূল্য ১০০ টকা হ্ৰাস কৰা হৈছিল। ইয়াৰ পূৰ্বে ২০২৩ চনৰ ২৯ আগষ্টত ঘৰুৱা গেছ চিলিণ্ডাৰৰ মূল্য ২০০ টকা হ্ৰাস কৰা হৈছিল। বৰ্তমান দেশৰ ৰাজধানী দিল্লীত ঘৰুৱা গেছ চিলিণ্ডাৰৰ মূল্য ৮০৩ টকা। আনহাতে কলকাতাত ঘৰুৱা গেছ চিলিণ্ডাৰৰ মূল্য ৮২৯ টকা দিব লাগিব। মুম্বাইত ঘৰুৱা গেছ চিলিণ্ডাৰৰ মূল্য ৮০২.৫০ টকা। আনহাতে চেন্নাইত গেছ চিলিণ্ডাৰৰ মূল্য ৮১৮.৫০ টকা হৈছে।

একেৰাহে চতুৰ্থ মাহৰ বাবে ব্যয়বহুল হৈ পৰিছে বাণিজ্যিক গেছ চিলিণ্ডাৰ

চতুৰ্থ মাহৰ বাবে বাণিজ্যিক গেছ চিলিণ্ডাৰৰ মূল্য বৃদ্ধি পাইছে। দেশৰ ৰাজধানী দিল্লী আৰু মুম্বাইত বাণিজ্যিক গেছ চিলিণ্ডাৰৰ মূল্য ৬২ টকা বৃদ্ধি হোৱা দেখা গৈছে। ইয়াৰ পিছত দুয়োখন মহানগৰত বাণিজ্যিক গেছ চিলিণ্ডাৰৰ মূল্য ক্ৰমে ১৮০২ আৰু ১৭৫৪.৫০ টকা হৈছে। কলকাতাত বাণিজ্যিক গেছ চিলিণ্ডাৰৰ মূল্য ৬১ টকা বৃদ্ধি হোৱা দেখা গৈছে, তাৰ পিছত মূল্য ১৯১১.৫০ টকা হৈছে। আনহাতে চেন্নাইত বাণিজ্যিক গেছ চিলিণ্ডাৰৰ মূল্য ৬১.৫ টকা বৃদ্ধি হোৱা দেখা গৈছিল আৰু তাৰ পিছত মূল্য ১৯৬৪.৫০ টকা হৈ পৰিছে।

চাৰি মাহত কিমান ব্যয়বহুল হৈ পৰিল বাণিজ্যিক চিলিণ্ডাৰ?

চাৰি মাহত বাণিজ্যিক গেছ চিলিণ্ডাৰৰ মূল্য ১৫০ টকাতকৈও অধিক বৃদ্ধি পাইছে। দিল্লীত বাণিজ্যিক গেছ চিলিণ্ডাৰৰ মূল্য ১৫৬ টকা বৃদ্ধি পাইছে। আনহাতে কলকাতাত বাণিজ্যিক গেছ চিলিণ্ডাৰ ৪ মাহত ১৫৫.৫ টকা ব্যয়বহুল হৈ পৰিছে। সৰ্বাধিক বৃদ্ধি মুম্বাইত দেখা গৈছে আৰু চাৰি মাহত ১৫৬.৫ টকাকৈ মূল্য বৃদ্ধি পাইছে। আনহাতে দক্ষিণ ভাৰতৰ সৰ্ববৃহৎ চহৰ চেন্নাইত বাণিজ্যিক গেছ চিলিণ্ডাৰৰ মূল্য ১৫৫ টকা বৃদ্ধি পাইছে।