Gold Price Today: সস্তা হৈ পৰিল সোণ! আজি গুৱাহাটীৰ বজাৰত সোণ-ৰূপৰ দৰ কিমান?

যদি আপুনি সোণ ক্ৰয় কৰাৰ পৰিকল্পনা কৰি আছে, তেন্তে এই খৰব আপোনাৰ বাবে। যদিও সোণৰ দাম এদিন আগতে সৰ্বকালৰ সৰ্বোচ্চ স্তৰত উপনীত হৈছিল। আজি সোণৰ দাম হ্ৰাস হোৱাৰ প্ৰৱণতা দেখা গৈছে।  শক্তিশালী গোলকীয় সংকেত আৰু ট্ৰাম্পৰ উভতি অহাৰ মাজতে বুধবাৰে ৰাজধানী দিল্লীৰ বজাৰত সোণৰ দাম ৬৩০ টকা বৃদ্ধি হৈ প্ৰতি ১০ গ্ৰামত সৰ্বকালৰ সৰ্বাধিক ৮২,৭০০ টকাত উপনীত হৈছে। কিন্তু বৃহস্পতিবাৰে, আকৌ এবাৰ সোণৰ দাম হ্ৰাস পাইছে।

একেৰাহে দুদিন ধৰি বৃদ্ধি হোৱাৰ পিছত সোণ আৰু ৰূপৰ দাম আজি হ্ৰাস পাইছে। বৃহস্পতিবাৰে দুয়োবিধৰে দাম হ্ৰাসৰ সৈতে বজাৰ আৰম্ভ হয়। এই সময়ত ১০ গ্ৰাম সোণৰ দাম ৭৯,৪৫০ টকাৰ ওচৰত ব্যৱসায় কৰি আছে। আনহাতে ৰূপৰ ব্যৱসায় প্ৰায় প্ৰতি কিলো: ৯১,৪৫০ টকা হৈছে। একে সময়তে আন্তৰ্জাতিক বজাৰত সোণ আৰু ৰূপে কম দামতে ব্যৱসায় কৰি থকা দেখা গৈছে।

সোণৰ দাম

মাল্টি কমোডিটি এক্সচেঞ্জ MCX ত সোণৰ বেঞ্চমাৰ্ক ফেব্ৰুৱাৰী চুক্তি অনুসৰি আজি ১৪৫ টকা হ্ৰাস হৈ ৭৯,৪১৯ টকাত মুকলি হৈছে। ১২ বজালৈকে ৬৭ টকাৰ হ্ৰাসৰ সৈতে ৭৯,৪৯৭ টকাত ব্যৱসায় কৰি আছে সোণে।

গুৱাহাটীত সোণৰ দাম

আজি গুৱাহাটীৰ বজাৰত ২৪ কেৰেট সোণৰ দাম প্ৰতি গ্ৰামত ৮,০৯০ টকা। ২২ কেৰেট সোণৰ দাম প্ৰতি গ্ৰামত ৭,৭০৫ টকা। একেদৰে গুৱাহাটীত আজি ২২ কেৰেট সোণৰ দৰ প্ৰতি ১০ গ্ৰামত ৭৭,০৫০ টকা। একেদৰে আজি ২৪ কেৰেট সোণ প্ৰতি ১০ গ্ৰামত ৮০,৯০০ টকা দৰত গুৱাহাটীৰ বজাৰত উপলব্ধ হৈছে।

ৰূপৰ দাম

MCXত ৰূপৰ বেঞ্চমাৰ্ক মাৰ্চ চুক্তি  অনুসৰি আজি ৫২১ টকা হ্ৰাস ৯১,৪২৩ টকাত মুকলি হৈছে, । এই সময়ত ৰূপে ৪৭৯ টকা হ্ৰাস হৈ ৯১,৪৬৫ টকাত ব্যৱসায় কৰি আছে।

ইফালে গুৱাহাটীৰ বজাৰত ৰূপৰ দৰ অপৰিৱৰ্তিত হৈ থকা দেখা গৈছে। আজি গুৱাহাটীৰ বজাৰত ৰূপৰ দাম প্ৰতি কিলোগ্ৰামত ৯৬.৫০ টকা হৈছে। অৰ্থাৎ আজি গুৱাহাটীত প্ৰতি কিলোগ্ৰাম ৰূপৰ দাম হৈছে ৯৬,৫০০ টকা।

গোলকীয় বজাৰত সোণ আৰু ৰূপ

বিশ্ববজাৰতো, সোণ আৰু ৰূপৰ দাম লেহেম হৈ আছিল।  Comexত সোণৰ মূল্য ২,৭৬৫.৮৯ ডলাৰ প্ৰতি আউন্সত মুকলি হৈছে। বাতৰিটো লিখাৰ সময়ত, সোণ প্ৰতি আউন্সত যি ৯.৮০ ডলাৰ হ্ৰাস হৈ ২,৭৬১.১০ ডলাৰত ব্যৱসায় কৰি আছে। একে সময়তে, কমেক্সত ৰূপৰ দাম ৩১.৩৮ ডলাৰত মুকলি হৈছিল। আৰু বৰ্তমান ০.২৪ ডলাৰ হ্ৰাস হৈ প্ৰতি আউন্সত ৩১.১৮ ডলাৰত ব্যৱসায় কৰি আছে।