২০২৪-২৫ত হ্ৰাস হ’ব দেশৰ GDPৰ হাৰ: গোল্ডমেন চাক্সৰ প্ৰতিবেদনত এই তথ্য

গোল্ডমেন চাক্স গ্ৰুপ(Goldman Sachs Group)য়ে কেন্দ্ৰীয় চৰকাৰৰ ব্যয় হ্ৰাস হোৱাৰ কথা উল্লেখ কৰি এই ২০২৪ আৰু ২০২৫ বৰ্ষৰ বাবে ভাৰতৰ জিডিপি পূৰ্বানুমান ২০ বেছিছ পইণ্ট হ্ৰাস কৰিছে। বেংকে এতিয়া আশা কৰিছে যে ২০২৪ চনৰ কেলেণ্ডাৰত দেশৰ অৰ্থনীতি ৬.৭ শতাংশ আৰু ২০২৫ চনত ৬.৪ শতাংশ হাৰত বৃদ্ধি পাব।

এপ্ৰিল-জুন এই ৩ মাহত লোকসভা নিৰ্বাচনৰ সময়ত কৰা চৰকাৰী ব্যয়ৰ বাবে বাৰ্ষিক আয় ৩৫ শতাংশ হ্ৰাস হোৱাৰ বাবে চলিত বৰ্ষত জিডিপিৰ হাৰ হ্ৰাস কৰা হৈছে। আমেৰিকাৰ বেংকৰ অৰ্থনীতিবিদ সান্তানু সেনগুপ্তাই তেওঁৰ প্ৰতিবেদনত লিখিছিল যে, ২০২৫ চনৰ বিকাশৰ হাৰ প্ৰভাৱিত হ’ব কিয়নো চৰকাৰৰ বাজেটে বিত্তীয় ঘাটি GDPৰ (মুঠ ঘৰুৱা উৎপাদন) ৪.৫ শতাংশৰ তললৈ অনাৰ লক্ষ্য বান্ধি লৈছে।

বেংকৰ অৰ্থনীতিবিদসকলে তেওঁলোকৰ প্ৰতিবেদনত কৈছে যে বেংকসমূহৰ ৰ অসুৰক্ষিত ঋণৰ ওপৰত ভাৰতীয় ৰিজাৰ্ভ বেংকৰ বেংক (আৰবিআই)ৰ কঠোৰতাৰ বাবে ঘৰুৱা ধাৰ লোৱা ফলত মন্দাৱস্থা হ’ব পাৰে। ইয়াৰ ফলস্বৰূপে আয়ৰ লেহেম গতি প্ৰকৃত ব্যৱহাৰ বৃদ্ধি (আৰচিজি) প্ৰত্যাহ্বানৰ সন্মুখীন হ’ব। ই অৰ্থনীতিৰ ওপৰতো প্ৰভাৱ পেলাব পাৰে।

অৱশ্যে, আশা কৰা হৈছে যে ডিচেম্বৰ ২০২৪ৰ পৰা ভাৰতীয় ৰিজাৰ্ভ বেংকে নীতিৰ হাৰ হ্ৰাস কৰিব পাৰে, যিয়ে ২০২৫ চনৰ GDP বৃদ্ধিৰ হাৰ হ্ৰাস হোৱাটো পৰিহাৰ কৰিব পাৰে।

ভাৰতীয় ৰিজাৰ্ভ বেংকে ৮ আগষ্টত ২০২৪-২৫ বিত্তীয় বৰ্ষত GDP ৭.২ শতাংশ হ’ব বুলি অনুমান কৰিছিল। একে সময়তে ২০২৫-২৬ বৰ্ষৰ প্ৰথম তিনি মাহত GDP ৭.১ শতাংশ হ’ব বুলি অনুমান কৰিছে। ইয়াৰ উপৰিও বাজেটত উপস্থাপন কৰা ২০২৩-২৪ বৰ্ষৰ অৰ্থনৈতিক জৰীপত ২০২৪-২৫ বৰ্ষত GDP ৬.৫ ৰ পৰা ৭.০ শতাংশ হ’ব বুলি আশা কৰা হৈছে।