চৰকাৰী আঁচনিসমূহৰ বিষয়ে কেনেকৈ জানিব? এই ৱেবছাইটৰ জৰিয়তে লাভ কৰক দেশৰ প্ৰতিখন আঁচনিৰ সঠিক তথ্য

প্ৰতি বছৰে ভাৰত চৰকাৰে সাধাৰণ নাগৰিকৰ বাবে বহু আঁচনি আৰম্ভ কৰে। কিন্তু এই আঁচনিসমূহৰ তথ্য বিভিন্ন সময়ত বহু জনতাই গম নাপায়। ইয়াৰ প্ৰতি লক্ষ্য ৰাখি ভাৰত চৰকাৰে জনহিতাৰ্থে এটা ৱেবচাইট প্ৰস্তুত কৰিছে, য’ত আপুনি যিকোনো আঁচনিৰ বিষয়ে শ্ৰেণী ভিত্তিক তথ্য লাভ কৰিব পাৰিব। কেৱল এয়াই নহয়, এই ৱেবচাইটত আঁচনিৰ সুবিধা আৰু আবেদনৰ বিকল্পও পাব। ভাৰত চৰকাৰৰ লক্ষ্য এই ৱেব পৰ্টেলৰ জৰিয়তে সকলো জনতাই চৰকাৰৰ আঁচনিসমূহৰ বিষয়ে জানক আৰু সুবিধা লাভ কৰক।

এই পৰ্টেলটোৰ নাম হৈছে ‘My Scheme’ । ইয়াৰ জৰিয়তে সকলো চৰকাৰী আঁচনিৰ বিষয়ে জনাটো সহজ হৈ পৰিছে। এই পৰ্টেলৰ জৰিয়তে এতিয়াৰ পৰা আপুনি সকলো চৰকাৰী আঁচনিৰ তথ্য লাভ কৰিব। ইয়াত নাগৰিকৰ যোগ্যতাৰ ভিত্তিত আঁচনিৰ বিষয়ে তথ্য দিয়া হয়। কম পঢ়া-শুনা কৰা ব্যক্তিয়েও ইয়াক সহজে ব্যৱহাৰ কৰিব পাৰিব।

myScheme सरकारी योजनाओं के लिए एक ई-मार्केटप्लेस है। myScheme का उपयोग करके आप विभिन्न सरकारी योजनाओं का पता लगा सकते हैं, पात्रता की जांच कर सकते हैं और योजनाओं के लिए आवेदन कर सकते हैं। अधिक जानकारी के लिए https://t.co/BKocDBG1of पे जाइये#GOVERNMENTSCHEMES #SCHEMESFORYOU pic.twitter.com/AiD0968hOC

— myScheme (@myscheme_gov) March 31, 2023

চৰকাৰী আঁচনিৰ বিষয়ে তথ্য লাভ কৰক

‘My Scheme’ ৱেবচাইটে ইটোৰ পিছত সিটো চৰকাৰী ৱেবছাইটলৈ গৈ আঁচনিৰ বিষয়ে চোৱা সমস্যা নাইকীয়া কৰিছে। এই পৰ্টেল National e-Governance Division (NeGD)এ আন কেন্দ্ৰীয় মন্ত্ৰালয়ৰ সহযোগত প্ৰস্তুত কৰিছে। ইয়াত ব্যক্তিগত বিৱৰণ দি আপুনি যোগ্যতা পৰীক্ষা কৰিব পাৰে।

My Schemeত কি কি আঁচনি আছে?

এই পৰ্টেলত প্ৰতিটো খণ্ডৰ বাবে বিভিন্ন আঁচনি আছে। ইয়াৰ ভিতৰত কৃষি, গ্ৰাম্য, পৰিৱেশ, বেংকিং, বীমা, স্বাস্থ্য আৰু কল্যাণ, গৃহ নিৰ্মাণ, ক্ৰীড়া আৰু সংস্কৃতিৰ দৰে আন বহু ক্ষেত্ৰৰ আঁচনি অন্তৰ্ভুক্ত।

My Scheme এ কেনেকৈ কাম কৰে?

তিনিটা সহজ পদক্ষেপৰ জৰিয়তে My Scheme এ কাম কৰে

1. প্ৰথমে আপুনি আপোনাৰ তথ্য, যেনে আয় পূৰণ কৰিব লাগিব।
2. My Scheme এ আপোনাৰ তথ্যৰ ওপৰত ভিত্তি কৰি শ্ৰেষ্ঠ আঁচনিৰ তালিকা দেখুৱাব।
3. সেই আঁচনিসমূহৰ বিষয়ে অধিক তথ্য লাভ কৰি আবেদন কৰিব পাৰিব।