এইবাৰৰ বাজেটে কিদৰে সলনি কৰিব দেশৰ কৃষকৰ ভাগ্য? সবিশেষ জানক …

১ ফেব্ৰুৱাৰীত উপস্থাপন কৰা হ’ব কেন্দ্ৰীয় বাজেট। প্ৰতিটো শাখাৰ লোকৰ এই বাজেটৰ পৰা যথেষ্ট আশা আছে। এনে পৰিস্থিতিত, এই বাজেট কৃষক অনুকূল হ’ব বুলি অনুমান কৰা হৈছে। কৃষকসকলে দেশৰ মুঠ জিডিপিৰ ১৫ শতাংশতকৈও অধিক অৰিহণা যোগায়। লগতে ৪৫ শতাংশতকৈও অধিক ভাৰতীয়ক নিযুক্তি প্ৰদান কৰে। বিগত পাঁচ বছৰত ভাৰতৰ কৃষি খণ্ডই বাৰ্ষিক হিচাপত গড়ে ৪.১৮ শতাংশ বিকাশ অৰ্জন কৰিছে। প্ৰথম দৃষ্টিত এই সংখ্যাবোৰ ভাৰতীয় কৃষিৰ ক্ষেত্ৰৰ বাবে উৎকৃষ্টতাক দৰ্শাই। এইবাৰ বাজেটে সলনি কৰিব পাৰে কৃষকসকলৰ ভাগ্য।

সংখ্যা বৃদ্ধি

ভাৰতৰ কৃষি খণ্ড সংকটেৰে ভৰি থকা দেখা যায়। ২০২০-২২ বৰ্ষত ভাৰতত কৃষকৰ সংখ্যা ৫৬ নিযুত বৃদ্ধি পাইছে। তাৰ পাছতো তেওঁলোক খেতিৰ পৰা আন উৎপাদন ক্ষেত্ৰলৈ যোৱাৰ বিশেষ কোনো সুযোগ পোৱা নাছিল। এই পৰিৱৰ্তনৰ ফলত চৰকাৰে কৃষি খণ্ডৰ উৎপাদন আৰু বিকাশৰ বাবে দৃঢ় পদক্ষেপ লোৱাটো প্ৰয়োজনীয় হৈ পৰিছে।

কৃষকৰ দাবী

কৃষকসকলে বিত্তমন্ত্ৰী নিৰ্মলা সীতাৰমণৰ ওচৰত কেইবাটাও গুৰুত্বপূৰ্ণ দাবী আগবঢ়াইছে। ইয়াৰ ভিতৰত াছে কৃষি ঋণৰ ওপৰত সূতৰ হাৰ হ্ৰাস কৰা, ঋণৰ সূতৰ হাৰ ১ শতাংশলৈ হ্ৰাস কৰা, পিএম-কিছানৰ বাৰ্ষিক কিস্তি ৬,০০০ টকাৰ পৰা ১২,০০০ টকালৈ বৃদ্ধি কৰা, প্ৰধানমন্ত্ৰী ফছল বীমা যোজনাৰ অধীনত ক্ষুদ্ৰ কৃষকসকলৰ বাবে শূন্য প্ৰিমিয়ামত বীমা, বীজ, কৃষি যন্ত্ৰ-পাতি আৰু সাৰৰ ওপৰত জিএছটি হ্ৰাস কৰা, PHD চেম্বাৰ অফ কমাৰ্চে কীটনাশকৰ ওপৰত জিএছটি ১৮ শতাংশৰ পৰা ৫ শতাংশলৈ হ্ৰাস কৰাৰ পৰামৰ্শ আদি।

অৰ্থনীতিৰ ক্ষতি

যদি কৃষকসকলৰ সমস্যাবোৰ সময়মতে সমাধান নহয়, দীৰ্ঘম্যাদী সময়ত ভাৰতৰ অৰ্থনীতিৰ ক্ষতি কৰিব পাৰে। ইয়াৰ ফলত ২০৪৭ চনৰ ভিতৰত ভাৰতক এখন উন্নত ৰাষ্ট্ৰ হিচাপে গঢ়ি তোলাৰ সপোনক প্ৰভাৱিত সম্ভাৱনা আছে। ইয়াৰ মাজতে চৰকাৰে ২০২৫ চনৰ জানুৱাৰীত ডি-এমোনিয়াম ফছফেট (DAP)ৰ বাবে এক বিশেষ পেকেজ ঘোষণা কৰিছে। এই পেকেজৰ অধীনত DAPৰ মূল্য স্থিৰ কৰা হ’ব আৰু বিশ্বৰ বজাৰত প্ৰতি টনত ৩,৫০০ টকাৰ ৰাজসাহায্য প্ৰদান কৰা হ’ব। এনে পৰিস্থিতিত, চৰকাৰে এইবাৰ এই বিষয়বোৰ বাজেটত অন্তৰ্ভুক্ত কৰিবলৈ চেষ্টা কৰিব।