নিম্নগামী হ’ল Appleৰ স্থান! বিশ্বৰ সৰ্ববৃহৎ কোম্পানীৰ তালিকাৰ শীৰ্ষত কোন?

বিশ্বৰ সৰ্ববৃহৎ কোম্পানীৰ তালিকাৰ শীৰ্ষত কোন?

যদি এই সময়ত কোনোবাই আপোনাক কোনোবাৰ প্ৰশ্ন কৰে যে, পৃথিৱীৰ আটাইতকৈ ডাঙৰ কোম্পানী কোনটো? তেন্তে আপুনি Appleৰ সলনি Nvidia Corpৰ নাম ল’ব লাগিব। মঙলবাৰে এপলক পৰাস্ত কৰি বিশ্বৰ সৰ্ববৃহৎ কোম্পানী হৈ পৰিছে এনভিডিয়া। কিয়নো বৰ্তমান সময়ত কোম্পানীটোৰ সৰ্বাধিক বজাৰ কেপ আছে। অৱশ্যে এতিয়াও বিশ্বৰ সৰ্ববৃহৎ কোম্পানীটোও এটা আমেৰিকান কোম্পানী।

মাৰ্কেট কেপ কিমান?

কৃত্ৰিম বুদ্ধিমত্তাৰ (এআই) ছেক্টৰত কাম কৰা Nvidiaৰ শ্বেয়াৰ ২.৯% বৃদ্ধি পাইছে। ইয়াৰ ফলত বজাৰ কেপ ৩.৪৩ ট্ৰিলিয়ন ডলাৰলৈ বৃদ্ধি হৈছে। যি প্ৰায় ভাৰতৰ অৰ্থনীতিৰ সমান।
একে সময়তে, এপলৰ জাৰ কেপ হৈছে ৩.৩৮ ট্ৰিলিয়ন ডলাৰ, যি এতিয়া Nvidiaতকৈ কম।

ইয়াৰ আগতে, এনভিডিয়াই মাইক্ৰছফ্টকো (Microsoft Corp) অতিক্ৰম কৰিছিল, যাৰ বজাৰ কেপ ৩.০৬ ট্ৰিলিয়ন ডলাৰ। ২০২২ চনৰ শেষৰ পৰা এতিয়ালৈ এনভিডিয়াৰ শ্বেয়াৰ ৮৫০% তকৈও অধিক বৃদ্ধি হৈছে।

বৰ্তমানে, S&P 500 সূচকৰ (এক মুখ্য ষ্টক ইণ্ডেক্স) এনভিডিয়াৰ ৭% শ্বেষাৰ আছে আৰু এই সূচকৰ ইণ্ডেক্সৰ ২১% বাৰ্ষিক বৃদ্ধিৰ প্ৰায় এক-চতুৰ্থাংশ এনভিডিয়াৰ বাবে হৈছে। এনভিডিয়াই জুন মাহত সৰ্ববৃহৎ কোম্পানীৰ খিতাপ অৰ্জন কৰিছিল। কিন্তু ই মাত্ৰ এদিনৰ বাবে আছিল।

আমেৰিকাৰ শ্বেয়াৰ বজাৰত AIৰ আধিপত্য

আজি, ৱাল ষ্ট্ৰীটৰ আটাইতকৈ ডাঙৰ কোম্পানীবোৰ AIৰ সৈতে সংযুক্ত হৈ আছে। যিদৰে Appleয়ে এআই সুবিধাৰ সৈতে নতুন আইফোন মুকলি কৰিছে। মাইক্ৰছফ্ট, আমাজন, আৰু এলফাবেটে (Google) তেওঁলোকৰ ক্লাউড আৰু AI সেৱাৰ ওপৰত কাম কৰি আছে। ইয়াৰে বেছিভাগ কোম্পানী এনভিডিয়াৰ ডাঙৰ গ্ৰাহক আৰু AIত বিনিয়োগ বৃদ্ধি কৰাৰ পৰিকল্পনা আৰম্ভ কৰিছে।

AI প্ৰযুক্তিৰ ওপৰত আধাৰিত কোম্পানীবোৰেও এই বছৰটোত সৰ্বশ্ৰেষ্ঠ প্ৰদৰ্শন কৰিছে। Nvidiaৰ ১৮৩% বৃদ্ধি এই বছৰ S&P 500ৰ তৃতীয় স্থানত আছে। এনভিডিয়াৰ বৃদ্ধিৰ এটা কাৰণ হ’ল ই ইয়াৰ নতুন ব্লেকৱেল চিপৰ সৈতে সম্পৰ্কিত সমস্যা সমাধান।