ভাৰতীয় ৰে’লৱেৰ নতুন পৰিকল্পনা! ডিজেল অথবা বিদ্যুৎ নহয়, ‘বায়ু’ৰে চলিব ৰে’ল

ভাৰতে ২০২৪ চনৰ ডিচেম্বৰত ইয়াৰ প্ৰথমখন হাইড্ৰজেন চালিত ৰে’ল উন্মোচন কৰিবলৈ সাজু হৈছে। যি পৰিৱেশ-অনুকূল ভ্ৰমণৰ দিশত এক গুৰুত্বপূৰ্ণ পদক্ষেপ হিচাপে চিহ্নিত হৈছে।ডিজেল বা বিদ্যুৎ অবিহনে চলা হাইড্ৰজেন চালিত ৰে’লখন ভাৰতীয় ৰে’লৰ বাবে এক গুৰুত্বপূৰ্ণ সাফল্য বুলি গণ্য কৰা হয়। যি ২০৩০ চনৰ ভিতৰত নেট জিৰো কাৰ্বন এমিটাৰ বনোৱা লক্ষ্যত এখোজ আগুৱাই লৈ গৈছে। এই ৰে’লখনৰ বিষয়ে অলপ বিৱৰণ জানো আহক।

বায়ুৰে চলিব এই ৰে’ল

এই হাইড্ৰজেন চালিত ৰে’লখন দেশৰ প্ৰথমখন ৰে’ল হ’ব যিয়ে বিদ্যুৎ উৎপাদনৰ বাবে পানীক ইয়াৰ প্ৰাথমিক সম্পদ হিচাপে ব্যৱহাৰ কৰিব। যিয়ে পৰম্পৰাগত ডিজেল বা বৈদ্যুতিক ইঞ্জিনৰ বিপৰীতে হাইড্ৰজেনৰ ব্যৱহাৰ কৰিব। অৰ্থাৎ এতিয়া ক’ব পাৰি যে এতিয়া ভাৰতীয় ৰে’লৱেই প্ৰস্তুত কৰিছে বায়ু চালিত ৰে’ল। হাইড্ৰজেন ইন্ধন ছেলে অক্সিজেনৰ সৈতে মিলি বিদ্যুৎ উৎপাদন কৰে। যাৰ উপ-উৎপাদন কেৱল বাষ্প আৰু পানী, যাৰ ফলত শূন্য ক্ষতিকাৰক পদাৰ্থ নিৰ্গমন হয়। স্বচ্ছ শক্তিৰ এই দৃষ্টিভংগীয়ে ভাৰতত ভৱিষ্যতৰ ৰে’লৰ মানদণ্ড নিৰ্ধাৰণ কৰিব বুলি আশা কৰা হৈছে।

ৰে’লৱেৰ ড্ৰীম প্ৰজেক্ট

হাইড্ৰজেন চালিত ৰে’ল ভাৰতীয় ৰে’লৱেৰ ড্ৰীম প্ৰজেক্টৰ অংশ। যাৰ উদ্দেশ্য হৈছে কাৰ্বন ফুটপ্ৰিন্ট হ্ৰাস কৰা আৰু ডিজেলৰ ফলত হোৱা বায়ু প্ৰদূষণ ৰোধ কৰা। হাইড্ৰজেন ইন্ধন ব্যৱহাৰ কৰিলে ৰে’লখনে কাৰ্বন ডাই অক্সাইড, নাইট্ৰজেন অক্সাইড আৰু আন আন পদাৰ্থ নিৰ্গত হোৱাটো ৰোধ কৰে। যাৰ ফলত ইয়াক উপলব্ধ পৰিবহনৰ আটাইতকৈ বহনক্ষম প্ৰকাৰবোৰৰ ভিতৰত এটা কৰি তোলে।

ৰে’লৱেৰ ভৱিষ্যত পৰিকল্পনা

পৰিৱেশ-অনুকূল হোৱাৰ উপৰিও, হাইড্ৰজেন চালিত ৰে’লবোৰে ডিজেল চালিত ৰে’লতকৈ ৬০ শতাংশ কম শব্দ উৎপন্ন কৰে। সমগ্ৰ দেশত ৩৫খন হাইড্ৰজেন ৰে’ল চলোৱাৰ পৰিকল্পনাৰ সৈতে ভাৰতীয় ৰে’লৱে এক স্বচ্ছ, শান্ত ভৱিষ্যতৰ বাবে সাজু হৈছে। হাইড্ৰজেন ৰেলখনৰ পৰীক্ষণ চলাচল হাৰিয়ানাৰ জিন্দ-চনিপত পথত হ’ব। যিয়ে ৯০ কিলোমিটাৰ দূৰত্ব অতিক্ৰম কৰিব। বিবেচনাধীন অতিৰিক্ত পথবোৰৰ ভিতৰত আছে দাৰ্জিলিং হিমালয়ান ৰে’লৱে, নীলগিৰি মাউণ্টেইন ৰে’লৱে, কালকা-চিমলা ৰেটলৱে আৰু ভাৰতৰ মনোৰম আৰু দূৰৱৰ্তী অঞ্চলৰ অন্যান্য ঐতিহাসিক পাহাৰীয়া ৰে’লপথ।