OYO ৰ বুকিং কোনখন চহৰত বেছি কৰিছে? প্ৰতিবেদনত প্ৰকাশ পাইছে এই আচৰিত তথ্য
দিনে দিনে জনপ্ৰিয়তা বাঢ়িছে OYO ৰ। প্ৰতিবেদন অনুসৰি বুকিঙৰ ক্ষেত্ৰত দেশৰ এনে চহৰে শীৰ্ষস্থান দখল কৰিছে, যি আপোনাৰ কল্পনাৰ বাহিৰত। জানক সবিশেষ...
OYO ৰ বুকিং কোনখন চহৰত বেছি কৰিছে?
Covid-19ৰ পিছত দেশত ধৰ্মীয় পৰ্যটন দ্ৰুতগতিত বৃদ্ধি পাইছে, ইয়াৰ পৰা প্ৰত্যক্ষভাৱে লাভৱান হৈছে হোটেল বুকিং এগ্ৰিগেটৰ OYO। শেহতীয়াকৈ প্ৰকাশিত এক প্ৰতিবেদনত প্ৰকাশ পাইছে, বাৰাণসী আৰু হৰিদ্বাৰত সৰ্বাধিক হোটেল বুকিং কৰা হৈছে OYO ৰ জৰিয়তে।
ইয়াৰ লগতে OYOৰ সহায়ত হায়দৰাবাদ, বেংগালুৰু, দিল্লী, কলকাতাৰ দৰে চহৰতো যথেষ্ঠ বুকিং কৰা হৈছে। আনহাতে পাটনা, ৰাজহমুণ্ডৰী আৰু হুবলীৰ দৰে সৰু চহৰৰ বাবে বছৰি ৪৮ শতাংশ পৰ্যন্ত বৃদ্ধিৰ বুকিং ৰেকৰ্ড গঢ়ি উঠিছে।
এই চহৰবোৰত সৰ্বাধিক বুকিং
২০২৪ চনত পুৰী, বাৰাণসী আৰু হৰিদ্বাৰ আধ্যাত্মিক গন্তব্যস্থানৰ ভিতৰত সৰ্বাধিক দৰ্শনাৰ্থী হোৱাৰ বিপৰীতে হায়দৰাবাদে সৰ্বাধিক বুকিং ৰেকৰ্ড কৰিছে। মঙলবাৰে প্ৰকাশিত এক প্ৰতিবেদনত এই তথ্য প্ৰকাশ পাইছে।
ভ্ৰমণ প্ৰযুক্তিৰ মঞ্চ OYOৰ ট্ৰেভেলপিডিয়া-২০২৪ প্ৰতিবেদনত ভ্ৰমণৰ ধৰণ আৰু ধাৰাসমূহৰ বিষয়ে গভীৰভাৱে আলোচনা কৰা হৈছে। ইয়াৰ তথ্যসমূহ গোটেই বছৰটো OYOৰ প্লেটফৰ্মত বুকিং কৰাৰ সৈতে জড়িত তথ্যৰ ওপৰত ভিত্তি কৰি কৰা হৈছে।
প্ৰতিবেদনত কোৱা হৈছে যে, এইবাৰ ভাৰতত ধৰ্মীয় পৰ্যটনৰ ওপৰত বিশেষ গুৰুত্ব দিয়া হৈছিল য’ত পুৰী, বাৰাণসী আৰু হৰিদ্বাৰ চহৰৰ বাবে সৰ্বাধিক বুকিং ৰেকৰ্ড কৰা হৈছিল। এইবোৰৰ বাহিৰেও দেবঘৰ, পলানী আৰু গোবৰ্ধনতো যথেষ্ট বৃদ্ধি দেখা গৈছিল।
IT হাবতো গধুৰ হোটেল বুকিং হৈছিল
OYOৰ প্ৰতিবেদন অনুসৰি বুকিঙৰ ক্ষেত্ৰত হায়দৰাবাদ, বেংগালুৰু, দিল্লী আৰু কলকাতাৰ দৰে চহৰে শীৰ্ষস্থান দখল কৰাৰ বিপৰীতে উত্তৰ প্ৰদেশে ভ্ৰমণৰ ক্ষেত্ৰত আটাইতকৈ জনপ্ৰিয় ৰাজ্য হিচাপে নিজৰ স্থান অক্ষুণ্ণ ৰাখিছে। মহাৰাষ্ট্ৰ, তেলেংগানা আৰু কৰ্ণাটক এই ভ্ৰমণে প্ৰধান অৰিহণা যোগাই আছে। পাটনা, ৰাজহমুণ্ডৰী আৰু হুবলীৰ দৰে সৰু চহৰৰ বাবে বুকিং বছৰি ৪৮ শতাংশ পৰ্যন্ত বৃদ্ধি পঞ্জীয়ন কৰা হৈছে।
জয়পুৰ, গোৱা হৈ পৰিল প্ৰিয় গন্তব্যস্থান
OYOই কয় যে এই বছৰো ছুটীৰ সময়ত যাত্ৰাৰ উত্থান ঘটিছে। জয়পুৰ পৰ্যটকৰ মাজত আকৰ্ষণৰ কেন্দ্ৰবিন্দু হৈয়েই আছে আৰু তাৰ পিছতে গোৱা, পুডুচেৰী আৰু মহীশূৰৰ দৰে চিৰসেউজ প্ৰিয় গন্তব্যস্থান। অৱশ্যে মুম্বাইত বুকিং হ্ৰাস পোৱা দেখা গ’ল।
OYOৰ অ’ৰ গ্ল’বেল চিফ চাৰ্ভিচেছ অফিচাৰ শ্ৰীৰং গডবোলে কয় যে, ২০২৪ চনটো গ্ল’বেল ট্ৰেভেল লেণ্ডস্কেপত পৰিৱৰ্তনৰ বছৰ। আমি দেখিছো যে ব্যৱসায়িক বা অবসৰৰ বাবেই হওক ভ্ৰমণকাৰীসকলে কেনেকৈ আনন্দময় আৰু অভিযোজন ক্ষমতাক আঁকোৱালি লৈছে।