পতঞ্জলিয়ে আৰম্ভ কৰিব মেগা ফুড আৰু হাৰ্বেল পাৰ্ক, ১৫০০ কোটি টকা বিনিয়োগৰ পৰিকল্পনা

পতঞ্জলিৰ খাদ্য প্ৰক্ৰিয়াকৰণ প্ৰকল্প

পতঞ্জলিয়ে অতি সোনকালে নাগপুৰত এটা ফলমূল আৰু শাক-পাচলি প্ৰক্ৰিয়াকৰণ উদ্যোগ আৰম্ভ কৰিব । এই উদ্যোগটোৱে ছাইট্ৰাছ আৰু গ্রীষ্মমণ্ডলীয় ফল-মূল আৰু শাক-পাচলি প্রচেছিং কৰি জুচ, পাল্প, পেষ্ট আৰু পিউৰি উৎপাদন কৰিব ৷ মিহানৰ পতঞ্জলি মেগা ফুড এণ্ড হাৰ্বেল পাৰ্ক (মাল্টি-মডেল ইণ্টাৰনেশ্যনেল কাৰ্গো হাব আৰু বিমানবন্দৰ)ৰ কাম অহা ৯ মাৰ্চৰ পৰা নাগপুৰত আৰম্ভ হ’ব ।

কমলা চহৰ নামেৰে পৰিচিত নাগপুৰত কমলা, কিন’, মিঠা মৌচুমী, নেমু আদি ছাইট্ৰাছ ফল প্ৰচুৰ পৰিমাণে পোৱা যায় । এই কথা মনত ৰাখি পতঞ্জলিয়ে মহানগৰীখনত এটা ছাইট্ৰাছ প্ৰচেছিং উদ্যোগ স্থাপন কৰিছে । এই উদ্যোগটোত দৈনিক ৮০০ টন ফল প্ৰক্ৰিয়াকৰণ কৰি ফ্ৰ’জেন জুচ কনচেণ্ট্ৰেট তৈয়াৰ কৰাৰ ক্ষমতা থাকিব । এই ৰস সম্পূৰ্ণ প্ৰাকৃতিক হ’ব আৰু ইয়াত কোনো ধৰণৰ সংৰক্ষক বা চেনি ব্যৱহাৰ কৰা নহয় ।

ইয়াৰ সমান্তৰালকৈ গ্রীষ্মমণ্ডলীয় ফলবোৰো উদ্যোগটোত প্রক্রিয়া কৰা হ’ব য’ত আছে ৬০০ টন আমলা, ৪০০ টন আম, ২০০ টন অমিতা, ২০০ টন মধুৰিয়াম, ২০০ টন আপেল, ২০০ টন ডালিম, ২০০ টন ষ্ট্ৰবেৰী, ২০০ টন প্লাম, ২০০ টন নাচপতি, ৪০০ টন বিহালী, ৪০০ টন লাও, ৪০০ টন তিতা কেৰেলা, ১৬০ টন গাজৰ, ১০০ টন এলোভেৰাৰ পৰা দৈনিক জুচ, জুচ কনচেণ্ট্ৰেট, পাল্প, পেষ্ট আৰু পিউৰি উৎপাদন কৰিব । ফলৰ পৰা পোনপটীয়াকৈ প্ৰক্ৰিয়াকৰণ কৰা এই প্ৰক্ৰিয়াটোক প্ৰাথমিক প্ৰক্ৰিয়াকৰণ বোলা হয় ।

নাগপুৰ কাৰখানাত টেট্ৰা পেক ইউনিট

নাগপুৰ কাৰখানাতো স্থাপন কৰা হ’ব টেট্ৰা পেক ইউনিট । গ্ৰাহকৰ স্বাস্থ্যৰ প্ৰতি লক্ষ্য ৰাখি টেট্ৰা পেকে পেকেজিঙত কোনো ধৰণৰ সংৰক্ষক বা চেনি ব্যৱহাৰ নকৰাকৈ উন্নত মানৰ সামগ্ৰী প্ৰদান কৰিব ।

এই পতঞ্জলি উদ্যোগটোৰ আন এটা ইউ এছ পি আছে, য’ত উপজাত সামগ্ৰীসমূহ অপচয় হ’বলৈ দিয়া নহয় । কমলাৰ পৰা ৰস উলিওৱাৰ পিছত ইয়াৰ বাকলিও ব্যৱহাৰ কৰা হয় । কমলাৰ বাকলিত কল্ড প্ৰেছ অইল (CPO) থাকে যাৰ বজাৰত যথেষ্ট চাহিদা থাকে । ইয়াৰ উপৰিও পতঞ্জলিয়ে কমলাৰ পৰাও প্ৰিমিয়াম পাল্প উলিয়াই আহিছে, যিটো নাগপুৰ কমলা বৰফীত কেঁচামাল হিচাপে ব্যৱহাৰ কৰা হয় ।

কমলাৰ পৰা তেল ভিত্তিক সুগন্ধি আৰু পানী ভিত্তিক সুগন্ধিও উলিওৱা হৈছে । কমলাৰ বাকলিৰ গুড়িৰ দ্বাৰা প্ৰসাধন সামগ্ৰী আৰু অন্যান্য মূল্যৱান সামগ্ৰী তৈয়াৰ কৰা হয় । ইয়াৰ বাবে কমলাৰ বাকলি শুকুৱাই গুড়ি কৰা হয় ।

পতঞ্জলি আটা মিল স্থাপন

নাগপুৰত এটা আটা মিলো স্থাপন কৰা হৈছে, য’ত প্ৰতিদিনে ১০০ টন ঘেঁহু প্ৰক্ৰিয়াকৰণ কৰি জলনা, অন্ধ্ৰ আৰু তেলেংগানা আদিৰ পতঞ্জলিৰ বিস্কুট ইউনিটলৈ যোগান ধৰা হয় । ইয়াৰ বাবে পতঞ্জলিয়ে কৃষকৰ পৰা পোনপটীয়াকৈ ঘেঁহু ক্ৰয় কৰে । চাহিদা বেছি হ’লে ব্যৱসায়ী বা এফচিআইৰ সৈতে যোগাযোগ কৰা হয় । প্ৰথম পৰ্যায়ত নাগপুৰ মহানগৰীত ছাইট্ৰাছ ফল আৰু টেট্ৰা পেকৰ বাণিজ্যিক উৎপাদন কাৰখানা আৰম্ভ কৰা হ’ব । এতিয়ালৈকে ইয়াত ১০০০ টন মিঠা নেমুৰ প্ৰক্ৰিয়াকৰণ কৰা হৈছে । কমলা প্ৰক্ৰিয়াকৰণৰ কামো আৰম্ভ কৰা হৈছে । ইয়াৰ লগতে গ্রীষ্মমণ্ডলীয় ফলৰ সকলো মেচিনো স্থাপন কৰা হৈছে ৷