চহৰৰ পৰা গাঁৱলৈ সমগ্ৰ দেশে ৰতন টাটাৰ অভাৱ অনুভৱ কৰিছে: কিয় এইদৰে ক’লে প্ৰধানমন্ত্ৰী মোদীয়ে?

উদ্যোগপতি ৰতন টাটাক স্মৰণ প্রধানমন্ত্রী নৰেন্দ্ৰ মোদীৰ

Ratan Tata : A Force For Good, প্ৰধানমন্ত্ৰী নৰেন্দ্ৰ মোদীয়ে উদ্যোগপতি ৰতন টাটাৰ মৃত্যুৰ ঠিক এমাহ পিছত আজি একে শিৰোনামেৰে এখন মুকলি পত্ৰ লিখিছে। প্ৰধানমন্ত্ৰী মোদীয়ে তেওঁৰ পত্ৰত কৈছে যে দেশৰ চহৰৰ পৰা গাঁৱলৈ সকলোৱে ৰতন টাটাৰ অভাৱ অনুভৱ কৰিব পাৰিছে। তেওঁৰ অনুপস্থিতি কেৱল দেশতে নহয় সমগ্ৰ বিশ্বই অনুভৱ কৰিছে।

৯ নৱেম্বৰত ৮৬ বছৰ বয়সত টাটা গোটৰ সন্মানীয় অধ্যক্ষ ৰতন টাটাৰ মৃত্যু হয়। ভাৰত চৰকাৰে তেওঁক পদ্ম বিভূষণৰ দৰে সন্মান প্ৰদান কৰিছে। মৃত্যুৰ পিছত তেওঁক ‘ভাৰত ৰত্ন’ দিয়াৰ বিষয়টো ৰাইজৰ মাজত উত্থাপন হৈছে । হয়তো দেশবাসীয়ে এতিয়াও সেই অমূল্য সম্পদ হেৰুৱাৰ বেদনা পাহৰিব পৰা নাই।ইয়াৰ মাজতে প্ৰধানমন্ত্ৰী নৰেন্দ্ৰ মোদীয়ে তেওঁৰ লৈ এখন মুকলি পত্ৰ লিখিছে।

ৰতন টাটাক ‘মংগলময়ৰ শক্তি’ হিচাপে বৰ্ণনা

প্ৰধানমন্ত্ৰী শ্ৰী নৰেন্দ্ৰ মোদীয়ে তেওঁৰ মুকলি পত্ৰত ৰতন টাটাক যুৱ, উদ্যোগী আৰু পেছাদাৰীসকলৰ বাবে এক অনুপ্ৰেৰণা হিচাপে অভিহিত কৰে। “যুৱসকলৰ বাবে ৰতন টাটা এনে এজন ব্যক্তি আছিল যিয়ে সপোন কেনেদৰে পূৰ কৰিব লাগে, কেনেদৰে সফলতা অৰ্জন কৰিব লাগে লগতে কেনেদৰে দয়াভাৱ ৰাখিব লাগে তাক দৰ্শাইছিল।

প্ৰধানমন্ত্ৰী মোদীয়ে কয় যে ৰতন টাটাৰ নেতৃত্বত টাটা গোটে বিশ্বব্যাপী নিজৰ পৰিচয় গঢ়ি তুলিছে। একে সময়তে, তেওঁ তেওঁৰ জীৱনৰ অন্তিম সময়খিনি স্বাস্থ্যসেৱা, বিশেষকৈ কৰ্কট ৰোগৰ স্বাস্থ্যসেৱাৰ নামত উৎসৰ্গিত কৰি দিছিল। প্ৰধানমন্ত্ৰী মোদীয়ে তেওঁৰ পত্ৰখনত তেওঁক ‘মংগলময়ৰ শক্তি’ বুলি বৰ্ণনা কৰিছিল। তেওঁ কয় যে ৰতন টাটাই আমাক সততা, উৎকৃষ্টতা আৰু সেৱাৰ সৈতে কেনেদৰে ব্যৱসায় কৰিব লাগে সেয়া শিকাইছিল।

কঠিন সময়ত দেশৰ সৈতে থিয় হৈ আছিল

২৬/১১ ৰ সন্ত্ৰাসবাদী আক্ৰমণৰ কথা উল্লেখ কৰি প্ৰধানমন্ত্ৰী নৰেন্দ্ৰ মোদীয়ে কয় যে লাখ লাখ ভাৰতীয়ৰ বাবে কঠিন সময়ত ৰতন টাটাৰ দেশপ্ৰেম অধিক শক্তিশালী ৰূপত প্ৰকাশ পাইছিল।
মুম্বাইৰ সন্ত্ৰাসবাদী আক্ৰমণৰ পিছত, তেওঁ তাজ হোটেল পুনৰ খোলাৰ বাবে দ্ৰুততাৰে কাম কৰিছিল। লগতে কঠিন সময়ত তেওঁ দেশক সোঁৱৰাই দিছিল ভাৰত একত্ৰিত হৈ আছে আৰু সন্ত্ৰাসবাদক কেতিয়াও স্বীকাৰ নকৰে।