১ ছেপ্টেম্বৰৰ নতুন মূল্যত ক্ৰয় কৰিব লাগিব বাণিজ্যিক LPG চিলিণ্ডাৰ, চাওক কিমান টকা বৃদ্ধি পালে…

তেল বিপনন কোম্পানীসমূহে পুনৰ বৃদ্ধি কৰিলে বাণিজ্যিক LPG চিলিণ্ডাৰৰ মূল্য । প্ৰকাশিত খবৰ অনুসৰি, বাণিজ্যি LPG ৰ মূল্য বৃদ্ধি পাইছে যদিও ঘৰুৱা ৰন্ধন গেছৰ মূল্য অপৰিৱৰ্তিত হৈ আছে। ১ ছেপ্টেম্বৰ আজি দিনটোৰ পৰা কাৰ্যকৰী হোৱাকৈ তেল বিপণন কোম্পানীসমূহে ১৯ কেজি বাণিজ্যিক এল পি জি গেছ চিলিণ্ডাৰৰ মূল্য ৩৯ টকা বৃদ্ধি কৰিছে । আজিৰ পৰা দিল্লীত ১৯ কেজি বাণিজ্যিক এল পি জি চিলিণ্ডাৰৰ খুচুৰা বিক্ৰী মূল্য ১,৬৯১.৫০ টকা।

উল্লেখ্য যে, প্ৰতি মাহৰ ১ তাৰিখে ৰন্ধন গেছৰ নতুন মূল্য প্ৰকাশ পায় । কেতিয়াবা ইয়াৰ দাম হ্ৰাস পাই আৰু কেতিয়াবা ইয়াৰ দাম বৃদ্ধি পায় । সেই একেদৰে বাণিজ্যিক গেছৰ মূল্যও উঠা-নমা হৈ থাকে । কেতিয়াবা অপৰিৱৰ্তিত অৱস্থাত থাকে। বাণিজ্যিক গেছৰ মূল্য তেল বিপনন কোম্পানীসমূহে বৃদ্ধি কৰাৰ পাছত ১ ছেপ্টেম্বৰৰ পৰা বৃদ্ধি পোৱা মূল্যত বাণিজ্যিক গেছ চিলিণ্ডাৰ উপলব্ধ হ’ব।

Oil marketing companies have revised the prices of commercial LPG gas cylinders. The rate of 19 KG commercial LPG gas cylinders has been increased by Rs 39 in Delhi with effect from September 1. Delhi retail sales price of 19kg commercial LPG cylinder is Rs 1,691.50 from today. pic.twitter.com/qiJTAucOOc

— ANI (@ANI) August 31, 2024

তেলৰ বিপণন কোম্পানীসমূহে মাহৰ আৰম্ভণিতে বিশ্বৰ বজাৰত খাৰুৱা তেলৰ মূল্যৰ সমতা বিচাৰ কৰে। আন্তঃৰাষ্ট্ৰীয় বজাৰত তেলৰ মূল্যৰ উঠা-নমাৰ লগতে দেশত পেট্ৰলিয়াম সামগ্ৰীৰ মূল্যও বৃদ্ধি আৰু হ্ৰাস পায়। ঘৰতে ৰন্ধা-বঢ়াৰ বাবে ব্যৱহাৰ কৰা ১৪.২ কেজি চিলিণ্ডাৰ এল পি জি গেছৰ মূল্য ছেপ্টেম্বৰ মাহতো অপৰিৱৰ্তিত হৈ আছে। জুলাই আৰু আগষ্ট মাহত একেই আছিল দাম।

গুৱাহাটীত বাণিজ্যিক চিলিণ্ডাৰৰ মূল্য আজিৰ দিনটোত ১৮৯২.৫০ টকা । আগষ্ট মাহৰ তুলনাত ৩৮ টকাকৈ বাণিজ্য়িক চিলিণ্ডাৰৰ মূল্য বৃদ্ধি পাইছে । ইফালে ঘৰুৱা চিলিণ্ডাৰ মূল্য পূৰ্বৰ দৰেই ১৪.২ কেজিৰ ৮৫২ টকাত উপলব্ধ ।