Rule Change : ১ জানুৱাৰীৰ পৰা সলনি বহু নিয়ম, ইয়াৰ প্ৰভাৱ পৰিব আপোনাৰ জেপত?
২০২৪ বৰ্ষক বিদায় দি খোজ দিলোঁ নতুন বৰ্ষত। নতুন বছৰৰ আগমনৰ লগে লগে বহু গুৰুত্বপূৰ্ণ নিয়ম সলনি হৈছে। এই নিয়মৰ প্ৰত্যক্ষ প্ৰভাৱ পৰিব আপোনাৰ পকেটত। এইসমূহ নিয়ম ১ জানুৱাৰীৰ পৰা কাৰ্যকৰী হৈছে।
১ জানুৱাৰীত বছৰটো সলনি হোৱাই নহয়, বহু ডাঙৰ ডাঙৰ নিয়ম সলনি হৈছে। ইতিমধ্যে ২০২৪ চনটো অতিবাহিত কৰি সকলোৱে ২০২৫ চনত খোজ দিছোঁ। এতিয়া নতুন বছৰত নতুন আৰম্ভণিৰ লগতে নতুন খৰচো বৃদ্ধি হ’ব। নতুন বছৰৰ আগমনৰ লগে লগে বহু গুৰুত্বপূৰ্ণ নিয়ম সলনি হৈছে। এইবোৰৰ প্ৰত্যক্ষ প্ৰভাৱ আপোনাৰ জেপত পৰিব। এই পৰিৱৰ্তনসমূহ ১ জানুৱাৰীৰ পৰা কাৰ্যকৰী হৈছে, গতিকে কি পৰিৱৰ্তন ঘটিছে আৰু ই আপোনাৰ জীৱনত কেনে প্ৰভাৱ পেলাব জানক।
আৰ বি আইৰ FD ৰ নিয়মৰ পৰিৱৰ্তন
ৰিজাৰ্ভ বেংকে ১ জানুৱাৰীৰ পৰা NBFC (নন-বেংকিং ফাইনেন্সিয়েল কোম্পানী) আৰু HFC (হাউছিং ফাইনেন্স কোম্পানী)ৰ ফিক্সড ডিপ’জিট (এফডি) সম্পৰ্কীয় নিয়ম সলনি কৰিছে। ইয়াৰ ভিতৰত জমা ধন লোৱাৰ নিয়ম, লিকুইড সম্পত্তি ৰখাৰ শতাংশ আৰু জমা ধনৰ বীমাৰ সৈতে জড়িত নতুন নিয়ম আদি অন্তৰ্ভুক্ত।
গাড়ীৰ দাম বৃদ্ধি
নতুন বছৰত বহু গাড়ী কোম্পানীয়ে গাড়ীৰ দাম বৃদ্ধি কৰাৰ কথা ঘোষণা কৰিছে। ইয়াৰ ভিতৰত মাৰুতি চুজুকি, হুণ্ডাই, মহিন্দ্ৰা, মাৰ্চিডিজ বেঞ্জ, বিএমডব্লিউ, অ’ডিৰ দৰে কোম্পানীও আছে। এই কোম্পানীসমূহে প্ৰায় ৩% মূল্য বৃদ্ধি কৰাৰ সিদ্ধান্ত লৈছে।
LPG ৰ মূল্য
তেল কোম্পানীসমূহে প্ৰতি মাহৰ প্ৰথম দিনাই এল পি জিৰ মূল্যৰ সমীক্ষা চলায়। যোৱা কেইমাহমানৰ পৰা ১৯ কেজি ওজনৰ এটা বাণিজ্যিক গেছ চিলিণ্ডাৰৰ মূল্য বৃদ্ধি পাইছে যদিও ১৪.২ কেজিৰ ঘৰুৱা চিলিণ্ডাৰ এটা এতিয়াও ৮০৩ টকাত উপলব্ধ। ঘৰুৱা চিলিণ্ডাৰৰ মূল্যৰ কোনো পৰিৱৰ্তন নহয়।
Amazon prime ত পৰিৱৰ্তন হয়
২০২৫ চনৰ ১ জানুৱাৰীৰ পৰা প্ৰাইম মেম্বাৰশ্বিপৰ নিয়ম সলনি কৰিছে আমাজন ইণ্ডিয়াই। এতিয়া প্ৰাইম ভিডিঅ’ এটা একাউণ্টৰ পৰা দুটা টিভিতহে ষ্ট্ৰীম কৰিব পাৰিব। পূৰ্বতে পাঁচটা ডিভাইচলৈকে ষ্ট্ৰীমিংৰ অনুমতি দিয়া হৈছিল। অধিক টিভিত ষ্ট্ৰীমিং কৰিবলৈ অতিৰিক্ত চাবস্ক্ৰিপচনৰ প্ৰয়োজন হ’ব।
জি এছ টি পৰ্টেলত পৰিৱৰ্তন
১ জানুৱাৰীৰ পৰা জি এছ টি পৰ্টেলত কিছু গুৰুত্বপূৰ্ণ পৰিৱৰ্তন কৰা হৈছে। ই-ৱে বিলৰ সময়সীমা আৰু জি এছ টি পৰ্টেলৰ নিৰাপত্তাৰ সৈতে জড়িত পৰিৱৰ্তন হ’ব। নতুন নিয়ম কাৰ্যকৰী হোৱাৰ বাবে ক্ৰেতা, বিক্ৰেতা আৰু পৰিবহণকাৰীয়ে সমস্যাৰ সন্মুখীন হ’ব পাৰে।
পেঞ্চনৰ ধন
ইপিএফঅ’ই ১ জানুৱাৰীৰ পৰা পেঞ্চনৰ নিয়ম সৰল কৰি তুলিছে। এতিয়া কৰ্মচাৰীয়ে যিকোনো বেংকৰ পৰা পেঞ্চনৰ ধন উলিয়াব পাৰিব, আৰু ইয়াৰ বাবে কোনো অতিৰিক্ত পৰীক্ষণৰ প্ৰয়োজন নহ’ব।
FD ৰ নিয়ম পৰিৱৰ্তন
ফিক্সড ডিপ’জিট (FD)তো পৰিৱৰ্তন ঘটিছে। যদি আপুনি এফ ডিত বিনিয়োগ কৰে, তেন্তে ১ জানুৱাৰীৰ পৰা মেচিউৰিটিৰ পূৰ্বে ইয়াত জমা ধন উলিওৱাৰ নিয়মৰ পৰিৱৰ্তন হ’ব। এই পৰিৱৰ্তনসমূহ বিশেষকৈ এনবিএফচি আৰু এইচএফচিৰ সৈতে জড়িত হ’ব।
