যিকোনো সামগ্ৰী অথবা সেৱাক লৈ সন্তুষ্ট নহয় নেকি? ঘৰতে বহি এই পদ্ধতিৰে দাখিল কৰক অভিযোগ

দেশৰ জনসাধাৰণৰ সুবিধাৰ বাবে ই-দাখিল পৰ্টেল সক্ৰিয় কৰা হৈছে। এতিয়াৰে পৰা যিকোনো গ্ৰাহকে ই-দাখিল পৰ্টেলৰ সহায়ত যিকোনো ধৰণৰ অভিযোগ দাখিল কৰিব পাৰে। অভিযোগ দাখিল কৰাৰ এইটো এটা দ্ৰুত আৰু সহজ উপায়। ইয়াক ভাৰতৰ যিকোনো ৰাজ্য বা কেন্দ্ৰীয় শাসিত অঞ্চলৰ মানুহে ব্যৱহাৰ কৰিব পাৰে। ইয়াৰ উপৰিও কেন্দ্ৰীয় চৰকাৰেই ই-জাগৃতি পৰ্টেল অনাৰ প্ৰস্তুতি চলাই আছে।

ই-দাখিল পৰ্টেল কি?

এই পৰ্টেলৰ মুখ্য উদ্দেশ্য হৈছে অভিযোগ পঞ্জীয়ন কৰা। লগতে সেইবোৰৰ স্থিতি অনলাইনট্ৰেক কৰা। গ্ৰাহক সুৰক্ষা অধিনিয়ম ২০১৯ৰ অধীনত প্ৰস্তুত কৰা ই-দাখিল পৰ্টেলৰ সহায়ত গ্ৰাহকে তেওঁলোকৰ অভিযোগ অনলাইনযোগে দাখিল কৰিব পাৰে।

ই-দাখিলে কেনেদৰে কাম কৰে?

শেহতীয়া প্ৰেছ বিজ্ঞপ্তি অনুসৰি, যিকোনো ক্ষেত্ৰত অনলাইনত অভিযোগ দাখিল কৰিবলৈ ই-দাখিল ব্যৱহাৰ কৰিব পাৰি। গ্ৰাহকসকলে তেওঁলোকৰ পঞ্জীভুক্ত ম’বাইল নম্বৰত অ’টিপি বা তেওঁলোকৰ পঞ্জীভুক্ত ইমেইলত সক্ৰিয়কৰণ লিংক এটা লাভ কৰি প্ৰয়োজনীয় প্ৰমাণীকৰণৰ সৈতে ই-দাখিল প্লেটফৰ্মত ছাইন আপ কৰিব পাৰিব। ইয়াৰ পিছত, গ্ৰাহকে সহজে পৰ্টেলযোগে অভিযোগ দাখিল কৰিব পাৰে। পৰ্টেলৰ জৰিয়তে নিৰ্ধাৰিত মাচুলৰ ওপৰত আধাৰত ভুক্তভোগী গ্ৰাহকসকলে তেওঁলোকৰ অভিযোগ অনলাইনত উপভোক্তা আয়োগৰ ওচৰত দাখিল কৰিব পাৰে। ইয়াৰ উপৰিও, আপুনি পঞ্জীভুক্ত কেছটো ট্ৰেক কৰিব পাৰে।

অভিযোগটোৰ বাবে কিমান পৰিশোধ কৰিব লাগিব?

উপভোক্তা সুৰক্ষা (উপভোক্তা বিবাদ নিষ্পত্তি আয়োগ) সংশোধনী নিয়ম, ২০২২-ত উল্লেখ কৰা হৈছে যে ৫ লাখ টকালৈকে মূল্য পৰিশোধ কৰা সেৱা বা সামগ্ৰীৰ বাবে কোনো মাচুল আৰোপ কৰা নহ’ব।

ই-জাগৃতি পৰ্টেল কি?

ই-দাখিলৰ পিছত, চৰকাৰে সমগ্ৰ দেশতে ই-জাগৃতি আনিবলৈ চেষ্টা চলাই আছে। ইয়াৰ সহায়ত কেছ ফাইলিং, ট্ৰেকিং আৰু মেনেজমেণ্ট দ্ৰুততৰ কৰিব। পৰ্টেলটো মুকলি কৰাৰ পিছত, গ্ৰাহকসকলে কোনো অসুবিধা নোহোৱাকৈ ঘৰত বহি অনলাইনত এই কামবোৰ কৰিব পাৰিব।