Gold Price: সোণে গঢ়িছে অভিলেখ! আজি গুৱাহাটীত কিমান দৰত বিক্ৰী হৈছে সোণ-ৰূপ?
সোণৰ মূল্য ক্ৰমাগতভাৱে বৃদ্ধি পাইছে, এই বৃদ্ধিৰ কাৰণ হৈছে আমেৰিকা আৰু চীনৰ মাজত হোৱা বাণিজ্য যুদ্ধ আৰু শ্বেয়াৰ বজাৰত অনিশ্চয়তা। যদি আপুনি সোণৰ ব্যৱসায় কৰা ষ্টকত বিনিয়োগ কৰাৰ কথা ভাবিছে, তেন্তে সকলো তথ্য জনা উচিত।
২১ এপ্ৰিলত সোণৰ মূল্যই নতুন অভিলেখ স্পৰ্শ কৰিছিল। ২১ এপ্ৰিলত দিল্লীৰ বুলিয়ন বজাৰত জি এছ টি আৰু চাৰ্জ লোৱাৰ সৈতে ১ লাখ টকা অতিক্ৰম কৰিলে সোণৰ মূল্য। আনহাতে ২২ এপ্ৰিলত দুপৰীয়াৰ ভিতৰত ২৪ কেৰেট সোণৰ মূল্য ১৬৫০ টকা বৃদ্ধি পাই ৯৯৮০০ টকা হয়।(৩% জি এছ টি আৰু মেকিং চাৰ্জ ইয়াত অন্তৰ্ভুক্ত নহয়)। আজি ভাৰতত দিনত সোণৰ মূল্য ২৪ কেৰেট সোণৰ প্ৰতি গ্ৰামত ৯,৮৩৫ টকা, ২২ কেৰেট সোণৰ প্ৰতি গ্ৰামত ৯,০১৫ টকা আৰু ১৮ কেৰেট সোণৰ (৯৯৯ সোণ বুলিও কোৱা হয়) প্ৰতি গ্ৰাম ৭,৩৭৬ টকা হৈছে।
গুৱাহাটীত সোণৰ মূল্য
আজি ২৩ এপ্ৰিল ২০২৫ তাৰিখে গুৱাহাটীত ২২ কেৰেট সোণৰ মূল্য প্ৰতি গ্ৰাম ৯,৪৬৫ টকা, আনহাতে ২৪ কেৰেট সোণৰ মূল্য প্ৰতি গ্ৰাম ৯,৬৫০ টকা। দ্য ফাইনেন্সিয়েল এক্সপ্ৰেছৰ তথ্য অনুসৰি আজি গুৱাহাটীত ৰূপৰ মূল্য প্ৰতি গ্ৰাম ৯৬.৩২ টকা আৰু ১০ গ্ৰাম ৰূপৰ মূল্য ৯৬৩.২ টকা আৰু ১০০ গ্ৰাম ৰূপৰ মূল্য ৯,৬৩২ টকা।
এনে ক্ষেত্ৰত যদি আপুনি সোণত বিনিয়োগ কৰি টকা উপাৰ্জনৰ সুযোগ হেৰুৱাইছে বুলি ভাবিছে, তেন্তে চিন্তাৰ কোনো কাৰণ নাই। আমি আপোনাক এনে ৪ টা কোম্পানীৰ ষ্টকৰ কথা ক’ব বিচাৰিছোঁ, যিবোৰে সোণৰ গহনা ব্যৱসায় কৰে আৰু অনাগত দিনত সোণৰ দামৰ লগতে তেওঁলোকৰ শ্বেয়াৰতো বৃদ্ধি পোৱা দেখা যাব পাৰে।
টাইটান কোম্পানী
টাইটান কোম্পানীয়ে নিজৰ Tanishq ব্ৰেণ্ডৰ অধীনত প্ৰিমিয়াম গহনা বিক্ৰী কৰে। সৰু আৰু ডাঙৰ দুয়োখন চহৰতে তনিষ্ক শ্ব’ৰুম পাব। ২২ এপ্ৰিলত বিএছইত তালিকাভুক্ত টাইটান কোম্পানীৰ শ্বেয়াৰ ৩৩৩৭.২৫ টকাত বন্ধ হয়। এই ষ্টকত +০.০১% বৃদ্ধি দেখা গৈছে।
পিচি জুৱেলাৰ
যোৱা পাঁচটা ত্ৰৈমাসিকত পিচি জুৱেলাৰৰ ৰাজহ ৩৮.৩% বৃদ্ধি পাইছে, যাৰ ফলত সোণৰ ৰেলীত ই এক উন্নত বিকল্প হিচাপে পৰিগণিত হৈছে। বিএছইত ২২ এপ্ৰিলত পিচি জুৱেলাৰৰ এটা শ্বেয়াৰৰ মূল্য আছিল ১৩.৭০ টকা। অনাগত দিনত সোণৰ মূল্য বৃদ্ধিৰ লগতে পিচি জুৱেলাৰৰ শ্বেয়াৰো বৃদ্ধি পাব পাৰে।
কল্যাণ জুৱেলাৰী
কল্যাণ জুৱেলাৰ লঘু গহনাৰ বাবে পৰিচিত আৰু সমগ্ৰ দেশতে খুচুৰা ব্যৱসায়ৰ এক শক্তিশালী নেটৱৰ্ক আছে। যোৱা ২২ এপ্ৰিলত বিএছইত তালিকাভুক্ত কোম্পানীটোৰ শ্বেয়াৰ ৫২৫.১৫ টকা আছিল।অনাগত দিনত সোণৰ মূল্য বৃদ্ধি হোৱাৰ লগে লগে কল্যাণ জুৱেলাৰৰ শ্বেয়াৰো বৃদ্ধি পাব পাৰে।
চেনকো গোল্ড
উচ্চ কেৰেটৰ গহনাৰ বাবে চেনকো গোল্ড পৰিচিত। এই কোম্পানীটোৱে পূব ভাৰতত নিজৰ বাবে এক সুকীয়া পৰিচয় গঢ়ি তুলিছে। ২২ এপ্ৰিলত বিএছইত চেনকো গোল্ডৰ শ্বেয়াৰৰ মূল্য আছিল ৩৯৫.২০ টকা। ২২ এপ্ৰিলত কোম্পানীটোৰ শ্বেয়াৰ ৩.৩৭% বৃদ্ধি পাইছিল। অনাগত দিনত সোণৰ মূল্য বৃদ্ধিৰ সমান্তৰালকৈ কোম্পানীটোৰ শ্বেয়াৰো বৃদ্ধি পাব পাৰে।
(অস্বীকাৰ: এই প্ৰবন্ধটো কেৱল তথ্যৰ বাবেহে আৰু ইয়াক কোনো ধৰণে বিনিয়োগৰ পৰামৰ্শ বুলি ধৰিব নালাগে। টিভি৯ অসমে ইয়াৰ পাঠকক ধন সম্পৰ্কীয় কোনো সিদ্ধান্ত লোৱাৰ পূৰ্বে তেওঁলোকৰ বিত্তীয় উপদেষ্টাৰ পৰামৰ্শ ল’বলৈ পৰামৰ্শ দিয়ে।)
