Gold Price Today: বাজেটৰ পূৰ্বে সোণ-ৰূপে দেখুৱাইছে যাদু! জানক গুৱাহাটীৰ বজাৰত কিমান দৰত বিক্ৰী হৈছে সোণ

গুৱাহাটীৰ বজাৰত কিমান দৰত বিক্ৰী হৈছে সোণ?

Gold Price Today: বাজেটৰ পূৰ্বে শুকুৰবাৰে সোণৰ মূল্য বৃদ্ধি পোৱা দেখা গৈছে, যাৰ বাবে ১০ গ্ৰামৰ মূল্যই অভিলেখ সৃষ্টি কৰিছে। ইয়াৰ পূৰ্বে বৃহস্পতিবাৰেও সোণৰ মূল্য আছিল ৮৩০০০ টকা। বাজেটত সোণৰ ওপৰত আমদানি শুল্ক বৃদ্ধি হোৱাটোৱেই সোণৰ মূল্য বৃদ্ধিৰ আঁৰৰ কাৰণ বুলি ধাৰণা কৰা হৈছে। অৰ্থনীতিবিদৰ মতে, এইবাৰ সোণৰ ওপৰত আমদানি শুল্ক বাজেটত বৃদ্ধি পাব পাৰে যিটো চৰকাৰে পূৰ্বৰ বাজেটত হ্ৰাস কৰিছিল।

যদি এইবাৰ বাজেটত আমদানি শুল্ক বৃদ্ধি কৰা হয়, তেন্তে সোণৰ মূল্য আকাশলংঘী হ’ব পাৰে। বাজেটৰ এদিন পূৰ্বে শুকুৰবাৰে ২৪ আৰু ২২ কেৰেট সোণৰ মূল্য প্ৰায় ৩০০ টকা বৃদ্ধি পাইছে।

সোণৰ মূল্য কিয় বৃদ্ধি হৈছে?

বাজেট ২০২৫ৰ পূৰ্বে সোণ আৰু ৰূপৰ মূল্যবৃদ্ধিৰ আটাইতকৈ ডাঙৰ কাৰণ হৈছে, বিনিয়োগকাৰী আৰু সাধাৰণ ক্ৰেতাৰ মাজত বৃদ্ধি পোৱা চাহিদা। বিশ্ব বজাৰত অস্থিৰতা আৰু আমেৰিকাৰ নীতিৰ পৰিৱৰ্তনৰ বাবে মানুহে নিৰাপদ বিনিয়োগ হিচাপে সোণত অধিক বিনিয়োগ কৰিছে। সেই কাৰণেই সোণৰ দাম ধাৰাবাহিকভাৱে বৃদ্ধি পাইছে। বিশেষজ্ঞসকলৰ মতে, যদি সুতৰ হাৰ কৰ্তন কৰা হয় আৰু আন্তঃৰাষ্ট্ৰীয় বজাৰত অনিশ্চয়তা অটুট থাকে তেন্তে সোণ-ৰূপৰ দাম আৰু অধিক বৃদ্ধি পাব পাৰে।

আজি সোণৰ মূল্য কিমান?

গুৱাহাটীত আজি ২৪ কেৰেট ১০ গ্ৰাম সোণৰ মূল্য ৮৪,৩৩০ টকা আৰু ২২ কেৰেট ১০ গ্ৰাম সোণৰ মূল্য ৭৭,৩০০ টকা। ইফালে কালি ২৪ কেৰেট ১০ গ্ৰাম সোণৰ মূল্য আছিল ৮৩,০২০ টকা আৰু ২২ কেৰেট ১০ গ্ৰাম সোণৰ মূল্য আছিল ৭৬,১০০ টকা।

দেশৰ ৰাজধানী দিল্লীত প্ৰায় ২০০ টকা বৃদ্ধিৰে ২৪ কেৰেটৰ সোণ প্ৰতি ১০ গ্ৰামত ৮৩,১৮০ টকাত বিক্ৰী হোৱাৰ বিপৰীতে ২২ কেৰেটৰ সোণৰ মূল্য প্ৰতি ১০ গ্ৰামত ৭৬,২৬০ টকা। কালিৰ তুলনাত ২২ কেৰেট সোণৰ মূল্য ৩০০ টকা বৃদ্ধি পোৱা দেখা গৈছে।

দেশৰ ডাঙৰ চহৰত সোণৰ মূল্য কিমান?