মহিলাসকলৰ বাবে সৰ্বশ্ৰেষ্ঠ বিনিয়োগ আঁচনি, কম সময়ত উপাৰ্জন কৰিব পাৰিব বৃহৎ পৰিমাণৰ ধন!

মহিলাসকলৰ বাবে সৰ্বশ্ৰেষ্ঠ আঁচনি

যেতিয়াই ঘৰত কঠিন সময় আহে, লগে লগে মহিলাসকলে তেওঁলোকৰ সঞ্চয় ধন পৰিয়ালৰ সন্মুখত উলিয়াই দিয়ে। সেয়া সোণ আৰু ৰূপত বিনিয়োগ হওঁক বা নগদ ধন আৰু চৰকাৰী আঁচনিত কৰা বিনিয়োগ হওঁক। তেওঁলোকে কাম কৰি থাকক বা গৃহিনী হওঁক,  মহিলাসকলে দুয়োটা পৰিস্থিতিত সঞ্চয় কৰে।সেয়েহে আমি এই প্ৰতিবেদনত মহিলাসকলৰ বাবে ২০২৫ চনত সঞ্চয়ৰ পৰা শক্তিশালী লাভ অৰ্জন কৰাৰ এটা উপায়ৰ বিষয়ে উল্লেখ কৰিব বিচাৰিছোঁ। য’ত আমি মহিলাসকলে উৎকৃষ্ট লাভ পাবলৈ গ্ৰহণ কৰিব পৰা বিনিয়োগৰ পদ্ধতিবোৰৰ বিষয়ে ক’ম।

নৱবৰ্ষৰ আৰম্ভণিতে সোণৰ দাম ৯০০ টকা বৃদ্ধি হৈছে। আজি ২০২৫ চনৰ ৩ জানুৱাৰীত ২৪ কেৰেট ১০ গ্ৰাম সোণৰ দাম ৮১,৫১৮ টকাত উপনীত হৈছে। বিশেষজ্ঞসকলে ভাবে যে বছৰটোৰ শেষৰ ফালে, সোণ দাম প্ৰায় লাখৰ ওচৰলৈ আহিব পাৰে। একে সময়তে, আটাইতকৈ বেয়া পৰিস্থিতিত হ’লে যদি সোণৰ দাম কমিলেও বহুত বেছি হ্ৰাস নহ’ব। সেয়েহে, মহিলাসকলৰ বাবে সোণত বিনিয়োগ কৰাটো এক ভাল বিকল্প হ’ব আৰু তেওঁলোকে ইয়াৰ পৰা ভাল লাভ পাব পাৰে।

মিউচুৱেল ফাণ্ডত বিনিয়োগ

শ্বেয়াৰ বজাৰত বিনিয়োগ কৰিলে দ্ৰুতগতিত লাভ হয়। কিন্তু কেতিয়াবা ইয়াত যথেষ্ট লোকচানৰো সন্মুখীন হ’ব লগা হয়। সেয়েহে, যদি মহিলাসকলে ভাল ৰিটাৰ্ণ পাবলৈ বিনিয়োগ কৰিব বিচাৰে, তেন্তে তেওঁলোকে মিউচুৱেল ফাণ্ডত বিনিয়োগ কৰিব পাৰে। কিয়নো মিউচুৱেল ফাণ্ড কোম্পানীৰ বিশেষজ্ঞসকলে বহুতো গৱেষণা প্ৰতিবেদনৰ ওপৰত আধাৰিত কৰি বিভিন্ন কোম্পানীৰ ষ্টকত আপোনাৰ ধন বিনিয়োগ কৰে। উল্লেখ কৰাটো প্ৰয়োজন যে ২০২৪ চনত বহুতো মিউচুৱেল ফাণ্ডত ৪০ৰ পৰা ৫০ শতাংশ ৰিটাৰ্ণ লাভ কৰিছে।

মহিলা সন্মান বচত যোজনা

সোণ আৰু মিউচুৱেল ফাণ্ডত বিনিয়োগ কৰিবলৈ অক্ষম গ্ৰাম্য অঞ্চলৰ মহিলাসকলে চৰকাৰী মহিলা বচত সন্মান যোজনাত বিনিয়োগ কৰিব পাৰে। এই আঁচনিত, নিকটতম ডাকঘৰ বা বেংকলৈ গৈ বিনিয়োগ কৰিব পাৰে। ইয়াৰ মিচুউৰিটিৰ ম্যাদ হৈছে ২ বছৰ। লগতে, মহিলা সন্মান বচত আঁচনিয়ে ৭.৫ শতাংশ সূত লাভ প্ৰদান কৰে।