টকা সঞ্চয় কৰিব বিচাৰিছে নেকি? এপ্ৰিল মাহতে কৰক এই ৫ টা কাম

Personal finance tasks: প্ৰতি বছৰে বিত্তীয় জগতখন সলনি হৈ থাকে। সেইবাবেই পুৰণি পদ্ধতিয়ে সদায় কাম নকৰে। আৰ্থিক পৰিকল্পনা পৰীক্ষা কৰি প্ৰয়োজন হ’লে সালসলনি কৰিব লাগে। ১ এপ্ৰিলৰ পৰা আৰম্ভ হৈছে নতুন বিত্তীয় বৰ্ষ (২০২৫-২৬)। এনে ক্ষেত্ৰত আপোনাৰ ধনৰ পৰিকল্পনা শুধৰাবলৈ এইটোৱেই এক নিখুঁত সময়। এই বিত্তীয় বৰ্ষত আপুনি শুধৰোৱা বা বিশেষ গুৰুত্ব দিয়া কিছুমান কথা চাওঁ আহক।

কৰ পৰিকল্পনা আৰম্ভ কৰক

বাজেট ২০২৫ৰ নতুন কৰ নিয়ম ১ এপ্ৰিলৰ পৰা কাৰ্যকৰী হৈছে।এতিয়া ১২ লাখ টকা পৰ্যন্ত আয়ৰ ওপৰত (মূলধনী লাভ বাদ দি) কোনো কৰ নাথাকিব। আপোনাৰ কৰ পৰিকল্পনা কৰক আৰু চাওক পুৰণি বা নতুন কৰ ব্যৱস্থা আপোনাৰ বাবে ভাল নেকি। যদি আয় ১২ লাখতকৈ কম হয়, তেন্তে কোনো ধৰণৰ কৰ ৰাহি বিনিয়োগৰ প্ৰয়োজন নহ’ব।

প্ৰ-পত্ৰ 15G আৰু 15H জমা কৰক

যদি আপোনাৰ আয় কৰযোগ্য নহয়, তেন্তে প্ৰ-পত্ৰ 15G (৬০ বছৰৰ তলৰ) বা 15H (৬০ বছৰৰ ওপৰৰ) জমা দিয়ক। ইয়াৰ বাবে সুতৰ ওপৰত টিডিএছ কৰ্তন কৰা নহ’ব। প্ৰথমে আপোনাৰ যোগ্যতা পৰীক্ষা কৰক।

PPF আৰু NPS ত ধন বিনিয়োগ কৰক

যদি আপুনি পিপিএফ বা এনপিএছত দীৰ্ঘম্যাদী ধন বিনিয়োগ কৰে, তেন্তে এপ্ৰিল মাহৰ প্ৰথম সপ্তাহত বিনিয়োগ কৰক। ইয়াৰ দ্বাৰা গোটেই বছৰটোৰ বাবে সুত লাভ কৰিব। কিন্তু টকা থাকিলেহে এই কাম কৰক।

বিগত বৰ্ষৰ ITR ৰ বাবে প্ৰস্তুতি আৰম্ভ কৰক

এপ্ৰিল মাহৰ পৰা পূৰ্বৰ বিত্তীয় বৰ্ষৰ (২০২৪-২৫) আই টি আৰ দাখিল কৰিবলৈ প্ৰস্তুতি আৰম্ভ কৰক। আইটিআৰৰ শেষ তাৰিখ ৩১ জুলাই ২০২৫। জুন মাহত ফৰ্ম ১৬ লাভ কৰাৰ পিছত দৰমহা পোৱা ব্যক্তিসকলে দাখিল কৰাত সহজ হ’ব। তেতিয়ালৈকে অন্যান্য আয়ৰ প্ৰমাণ সংগ্ৰহ কৰক (যেনে ষ্টক, ভাড়া বা পেছাদাৰী আয়)। কৰ সঞ্চয়ৰ নথি-পত্ৰ একে ঠাইতে ৰাখক। যদি আপোনাৰ বিদেশী আয় আছে তেন্তে বিশেষজ্ঞৰ পৰা পৰামৰ্শ লওক।

সোণ কিনাৰ সময়ত সাৱধান

যদি আপুনি বিনিয়োগৰ বাবে সোণ কিনিছে তেন্তে সাৱধান হওক। সোণৰ দাম বহুত বাঢ়িছে। আপোনাৰ পৰ্টফলিঅ’ৰ ১০ শতাংশতকৈ অধিক সোণত বিনিয়োগ নকৰিব।