Govt Jobs 2025: চৰকাৰৰ কেইবাটাও বিভাগত ওলাইছে চাকৰি, এনেকৈ কৰক আবেদন…
GOVT job: চাকৰি বিচাৰি থকাসকলৰ বাবে ২০২৫ বৰ্ষটিয়ে লৈ আনিব পাৰে ভাল খবৰ। কিয়নো চৰকাৰৰ কেইবাটাও বিভাগত ওলাইছে চাকৰি। গতিকে যোগ্য আৰু ইচ্ছ্যুক প্ৰাৰ্থীয়ে কৰিব পাৰে আবেদন।
চৰকাৰী চাকৰি বিচাৰি থকাসকলৰ বাবে ভাল খবৰ। কিয়নো ২০২৫ বৰ্ষটিয়ে আপোনাৰ বাবে লৈ আনিব পাৰে সুফল। চৰকাৰৰ কেইবাটাও বিভাগত ওলাইছে চাকৰি। গতিকে যোগ্য আৰু ইচ্ছ্যুক প্ৰাৰ্থীয়ে পৰীক্ষাৰ বাবে অনলাইন আবেদন কৰিব পাৰে। বিভিন্ন বিভাগত ওলোৱা চাকৰিসমূহৰ আবেদনৰ সময় বেলেগ বেলেগ। ইয়াৰোপৰি এই চৰকাৰী চাকৰি দশম শ্ৰেণীত উত্তীৰ্ণৰ পৰা স্নাতকোত্তৰ পৰ্যায়লৈ আছে। তলত ইয়াৰ সবিশেষ উল্লেখ কৰা হল-
SBI Recruitment 2025:
SBI অৰ্থাৎ ভাৰতীয় ষ্টেট বেংকত ওলাইছে চাকৰি। কেইবাটাও বিভাগৰ বাবে ১৩,৭৩৫ টা পদৰ বাবে যোগ্য আৰু ইচ্ছ্যুক প্ৰাৰ্থীৰ পৰা আবেদন আহ্বান কৰিছে। আবেদন প্ৰক্ৰিয়াৰ অন্তিম তাৰিখ ৭ জানুৱাৰী, ২০২৫। এই নিযুক্তি প্ৰক্ৰিয়াৰ জৰিয়তে এছ বি আইৰ জুনিয়ৰ এছোচিয়েট (কাষ্টমাৰ চাপোৰ্চ এণ্ড চেলচ) পদ পূৰ কৰা হব। এই পদৰ বাবে আবেদন কৰিবলৈ প্ৰাৰ্থীয়ে যিকোনো স্বীকৃতিপ্ৰাপ্ত বিশ্ববিদ্যালয়ৰ পৰা যিকোনো বিভাগত স্নাতক উত্তীৰ্ণ হব লাগিব। ইয়াৰ বিষয়ে অধিক জানিবলৈ sbi.co.inত চাব পাৰে। পদসমূহৰ বাবে প্ৰাৰম্ভিক পৰীক্ষা ২০২৫ চনৰ ফেব্ৰুৱাৰী মাহত অনুষ্ঠিত হব।
ৰেলৱে চাকৰি
ৰেলৱে ভৰ্তি বোৰ্ড অথবা আ আ বিয়ে কেইবাটা পদৰ বাবে আবেদন আহ্বান কৰিছে। আৰ আৰ বিয়ে মিনিষ্ট্ৰিয়েল আৰু আইছোলেটেড পদৰ বাবে যোগ্য আৰু ইচ্ছ্যুক প্ৰাৰ্থীৰ পৰা আবেদন বিচাৰিছে। এই নিযুক্তি প্ৰক্ৰিয়াৰ জৰিয়তে ৰেলৱে বিভিন্ন বিভাগত ১,০৩৬ টা পদ পূৰণ কৰিব। ইয়াত বিভিন্ন বিভাগৰ স্নাতক শিক্ষক (৩৮৮ টা পদ), প্ৰাইমাৰী ৰেলৱে শিক্ষক (১৮৮ টা পদ), স্নাতকোত্তৰ শিক্ষক (১৮৭ টা পদ)ৰ লগতে ছীফ ল এছিচটেন্ট, চৰকাৰী অধিবক্ত, জুনিয়ৰ ট্ৰান্সলেটৰ, শাৰীৰিক প্ৰশিক্ষক আদি পদ অন্তৰ্ভুক্ত আছে। ইয়াৰ বাবে আবেদন প্ৰক্ৰিয়া ৭ জানুৱাৰী, ২০২৫ ৰ পৰা আৰম্ভ হৈ ৬ ফেব্ৰুৱাৰী, ২০২৫ লৈ চলিব।
Reserve bank of india ত চাকৰি
ভাৰতীয় ৰিজাৰ্ভ বেংক (Reserve bank of india) ত ওলাইছে চাকৰি। কেইবাটাও পদৰ বাবে ভাৰতীয় ৰিজাৰ্ভ বেংকে যোগ্য আৰু ইচ্ছ্যুক প্ৰাৰ্থীৰ পৰা আবেদন আহ্বান কৰিছে। এই পদসমূহ জুনিয়ৰ ইঞ্জিনিয়াৰ(চিভিল-ইলেক্ট্ৰিকেল) পদৰ। আবেদন প্ৰক্ৰিয়াৰ সময়সীমা ২০ জানুৱাৰী ২০২৫। এই নিযুক্তিৰ জৰিয়তে কনিষ্ঠ অভিযন্তা (junior engineer, Civil) আৰু জুনিয়ৰ ইঞ্জিনিয়াৰ (ইলেক্ট্ৰিক)ৰ খালী পদ পূৰণ কৰা হব। অধিক জানিবলৈ তলত দিয়া লিংক দুটাত ক্লিক কৰক
ৰেলৱে গ্ৰুপ ডি
ৰে’লৱেত প্ৰায় ৩২,৪৩৮ টা পদত নিযুক্তি দিয়া হ’ব। ৰে’লৱে গ্ৰুপ ডি পদৰ বাবে আবেদন আহ্বান কৰিছে। এই নিযুক্তি প্ৰক্ৰিয়াৰ জৰিয়তে ৩২,৪৩৮ টা পদত নিযুক্তি দিয়া হ’ব। গতিকে যোগ্য আৰু ইচ্ছ্যুক প্ৰাৰ্থীসকলে কৰিব পাৰিব আবেদন। এই আবেদন প্ৰক্ৰিয়া চলিব ২৩ জানুৱাৰী,২০২৫ ৰ পৰা ২২ ফেব্ৰুৱাৰী ২০২৫ লৈ। অধিক জানিবলৈ ৰেলৱেৰ অফিচিয়েল ৱেবচাইত চাব পাৰে।
অন্য খবৰ পঢ়কঃ UCO Bank job: চাকৰি বিচাৰি আছে নেকি? এই পদসমূহৰ বাবে অনলাইন কৰিব পাৰে আবেদন
