ইতিহাসৰ বুকুত আজিৰ দিনটোৰ গুৰুত্ব…
আজিৰ দিনটোতে ঔৰংজেবে অমুছলমান তথা হিন্দুসকলৰ ওপৰত জিজিয়া কৰ আৰোপ কৰিছিল, যিটো পৰৱৰ্তী সময়ত আকবৰে বাতিল কৰিছিল। চাওঁ আহক আজি দিনটোৰ ইতিহাস ।
আজিৰ দিনটোতে ঔৰংজেবে অমুছলমান তথা হিন্দুসকলৰ ওপৰত জিজিয়া কৰ আৰোপ কৰিছিল, যিটো পৰৱৰ্তী সময়ত আকবৰে বাতিল কৰিছিল। ১৬৭৯ চনৰ ২ এপ্ৰিলত ঔৰংজেবে সকলো অমুছলমানৰ পৰা এই কৰ সংগ্ৰহ কৰাৰ কথা ঘোষণা কৰিছিল। এইটো আছিল এক প্ৰকাৰৰ ধৰ্মীয় কৰ।
ইতিহাসবিদসকলৰ মতে, ধাৰাবাহিক যুদ্ধৰ বাবে ঔৰংজেব আৰ্থিক সংকটত পৰিছিল, ঔৰংজেবে নিজৰ কোষাগাৰৰ ধন সামৰিক অভিযানত খৰচ কৰিবলগীয়া হৈছিল । সেয়েহে জিজিয়া কৰ আৰোপ কৰা হৈছিল বুলি কোৱা হয়। জিজিয়া কৰ নিদিয়াসকলক অত্যাচাৰ কৰা বুলিও কোৱা হয়। কিন্তু ৩৩ বছৰৰ পাছত ১৭১২ চনত এই কৰ বিলুপ্ত কৰা হয় ।
ইয়াৰ উপৰিও ২০১১ চনৰ আজিৰ দিনটোতে ভাৰতীয় ক্ৰিকেট দলটোৱে দ্বিতীয়বাৰৰ বাবে বিশ্বকাপ জয় কৰি ইতিহাস সৃষ্টি কৰিছিল। একেদৰে আজিৰ দিনটোতে তথা ১৯৭০ চনৰ ২ এপ্ৰিলত মেঘালয়ে অসম পুনৰ্গঠন আইনৰ অধীনত স্বায়ত্তশাসিত ৰাজ্যৰ মৰ্যাদা লাভ কৰে।
২ এপ্ৰিলৰ ঐতিহাসিক পৰিঘটনা
- ১৬৭৯ চনৰ ২ এপ্ৰিলৰ দিনটোতে মোগল শাসক ঔৰংজেবে পুনৰ জিজিয়া কৰ আৰোপ কৰে।
- ১৯০২ চনৰ আজি দিনটোতে লছ এঞ্জেলছত প্ৰথম চলচ্চিত্ৰ থিয়েটাৰ মুকলি কৰা হয়।
- ১৯০২ চনত আজি দিনটোতে বিখ্যাত হিন্দুস্তানী শাস্ত্ৰীয় গায়ক বদে গুলাম আলী খানৰ জন্ম হয়।
- ১৯১২ চনৰ আজি দিনটোতে টাইটানিক জাহাজৰ সাগৰীয় পৰীক্ষা আৰম্ভ হয়।
- ১৯৩৩ চনত আজি দিনটোতে ভাৰতীয় ক্ৰিকেটৰ পিতৃ বুলি গণ্য কৰা ৰঞ্জিত সিঙৰ মৃত্যু হয়।
- ১৯৭০ চনত আজি দিনটোতে মেঘালয়ে স্বায়ত্তশাসিত ৰাজ্যৰ মৰ্যাদা লাভ কৰে।
- ১৯৮২ চনত আজি দিনটোতে আৰ্জেণ্টিনাই ফকলেণ্ড দ্বীপপুঞ্জত আক্ৰমণ কৰে।
- ২০০৫ চনত আজি দিনটোতে ভেটিকানৰ সৰ্বোচ্চ ধৰ্মগুৰু পোপ জন পল দ্বিতীয়ৰ মৃত্যু হয়।
- ২০১১ চনৰ আজি দিনটোতে ভাৰতে দ্বিতীয়বাৰৰ বাবে ক্ৰিকেট বিশ্বকাপ জয় কৰে।
- ২০২৩ চনত আজি দিনটোতে ভাৰতীয় ক্ৰিকেট কিংবদন্তি চেলিম দুৰানীৰ ৮৮ বছৰ বয়সত মৃত্যু হয়।
