ইতিহাসৰ বুকুত আজিৰ দিনটোৰ গুৰুত্ব…
এই সময়ত মোবাইল আৰু কম্পিউটাৰ মানৱ জীৱনৰ অপৰিহাৰ্য অংশ হৈ পৰিছে। এই দুয়োটা প্ৰযুক্তি উদ্ভাৱন ৩ এপ্ৰিলৰ দিনটোৰ লগত এক বিশেষ সম্পৰ্ক আছে। চাওঁ আহক আজি দিনটোৰ ইতিহাস ।
ইতিহাসত আজিৰ দিনটো
ইতিহাসৰ পাত লুটিয়ালে দেখা যায় যে, প্ৰযুক্তিগত উদ্ভাৱনৰ দিশত ৩ এপ্ৰিলৰ দিনটো বিশেষ গুৰুত্ব আছে । এই সময়ত মোবাইল আৰু কম্পিউটাৰ মানৱ জীৱনৰ অপৰিহাৰ্য অংশ হৈ পৰিছে। এই দুয়োটা প্ৰযুক্তিগত উদ্ভাৱনে দূৰসংযোগ আৰু তথ্য প্ৰযুক্তিৰ ক্ষেত্ৰত এক নতুন যুগৰ সূচনা কৰে । বিশেষ কথাটো হ’ল, এই দুয়োটা প্ৰযুক্তি উদ্ভাৱন ৩ এপ্ৰিলৰ দিনটোৰ লগত এক বিশেষ সম্পৰ্ক আছে।
১৯৭৩ চনৰ ৩ এপ্ৰিলত মাৰ্টিন কুপাৰে হেণ্ডহেল্ড মোবাইলৰ পৰা বেল লেবছৰ জোৱেল এছ এঞ্জেললৈ প্ৰথমবাৰৰ বাবে ফোন কৰে। এই ফোন কলটো আজিৰ মোবাইল ফোনৰ আৰম্ভণি বুলি গণ্য কৰা হয়। সেই সময়ত কুপাৰে মটৰ’লা কোম্পানীত কাম কৰিছিল। কুপাৰে প্ৰথমবাৰৰ বাবে ৩ এপ্ৰিলত হেণ্ডহেল্ড মোবাইল ব্যৱহাৰ কৰিছিল।
১৯৮১ চনৰ আজিৰ দিনটোতে অছবৰ্ণ কম্পিউটাৰ কৰ্পৰেশ্যনৰ এডাম অছবৰ্ণে ছান ফ্ৰান্সিস্কোৰ ব্ৰুকছ হলত প্ৰথমটো পৰ্টেবল কম্পিউটাৰৰ প্ৰচলন কৰে। ইয়াৰ ওজন আছিল প্ৰায় ২৪ পাউণ্ড আৰু সেই সময়ৰ আটাইতকৈ লঘু আৰু সৰু কম্পিউটাৰ আছিল।
ভাৰতৰ বাবেও আজিৰ দিনটো গুৰুত্বপূৰ্ণ। ১৯১৪ চনৰ ৩ এপ্ৰিলত ভাৰতীয় সেনাবাহিনীৰ বিখ্যাত আৰু মহান জেনেৰেল ছেম মানেকশ্বৰ জন্ম হৈছিল । মানেকশ্ব ভাৰতীয় সেনাৰ প্ৰথম ফিল্ড মাৰ্শ্বাল আছিল। তেওঁৰ সামৰিক জীৱন অসাধাৰণ আছিল আৰু ১৯৭১ চনৰ ভাৰত-পাক যুদ্ধত তেওঁ গুৰুত্বপূৰ্ণ ভূমিকা পালন কৰিছিল । যাৰ ফলত পাকিস্তানৰ বিৰুদ্ধে ভাৰতৰ জয় নিশ্চিত হৈছিল।
৩ এপ্ৰিলৰ ঐতিহাসিক পৰিঘটনা
- ১৬৮০ চনৰ আজিৰ দিনটোতে ছত্ৰপতি শিৱাজীৰ মৃত্যু হৈছিল ।
- ১৯০৩ চনৰ আজিৰ দিনটোতে সমাজ সংস্কাৰক তথা স্বাধীনতা সংগ্ৰামী কমলা দেৱী চট্টোপাধ্যায়ৰ জন্ম হয়।
- ১৯১৪ চনৰ আজিৰ দিনটোতে এছ.এইচ.এফ.জে. মানেকশ্বৰ জন্ম।
- ১৯২৯ চনৰ আজিৰ দিনটোতে বিখ্যাত হিন্দী সাহিত্যিক নিৰ্মল ভাৰ্মাৰ জন্ম হয়।
- ১৯৪২ চনৰ আজিৰ দিনটোতে দ্বিতীয় বিশ্বযুদ্ধত জাপানে আমেৰিকাৰ বিৰুদ্ধে সামৰিক অভিযান আৰম্ভ কৰে।
- ১৯৭৩ চনৰ আজিৰ দিনটোতে মাৰ্টিন কুপাৰে প্ৰথম হেণ্ডহেল্ড মোবাইল ফোন ব্যৱহাৰ কৰে।
- ১৯৮১ চনত আজিৰ দিনটোতে এডাম অছবৰ্ণে প্ৰথম পৰ্টেবল কম্পিউটাৰৰ প্ৰচলন কৰে।
- ১৯৮৪ চনত আজিৰ দিনটোতে ভাৰতৰ স্কোয়াড্ৰন নেতা ৰাকেশ শৰ্মাক ছোভিয়েট মহাকাশযানত মহাকাশ ভ্ৰমণৰ বাবে নিৰ্বাচিত কৰা হয়।
- ১৯৯৯ চনত আজিৰ দিনটোতে ভাৰতে প্ৰথম বিশ্বব্যাপী যোগাযোগ উপগ্ৰহ INSAT 1E উৎক্ষেপণ কৰে।
- ২০১০ চনত আজিৰ দিনটোতে এপলৰ প্ৰথমটো আইপেড বজাৰত প্ৰৱেশ কৰে।