ইতিহাসৰ বুকুত আজিৰ দিনটোৰ গুৰুত্ব…
আজিৰ দিনটোৰ ইতিহাসৰ পাত লুটিয়ালে দেখা যায় যে, শৰাইঘাটৰ যুদ্ধত মোগল বাহিনী পৰাজিত হোৱাৰ পৰা গুৱাহাটী উচ্চ ন্যায়ালয় আনুষ্ঠানিকভাৱে প্ৰতিষ্ঠা কৰা হোৱালৈকে কেইবাটাও পৰিঘটনাই গুৰুত্ব লাভ কৰিছে । চাওঁ আহত আজিৰ দিনটোৰ কেইটামান গুৰুত্বপূৰ্ণ পৰিঘটনা ।
৫ এপ্ৰিল, আজিৰ দিনটোৰ ইতিহাসৰ পাত লুটিয়ালে দেখা যায় যে, ১৬৭১ চনৰ শৰাইঘাটৰ যুদ্ধত পৰাজিত হৈছিল মোগল বাহিনী । একেদৰে ১৯৪৮ চনৰ আজিৰ দিনটোতে গুৱাহাটী উচ্চ ন্যায়ালয় (বৰ্তমান অসমৰ উচ্চ ন্যায়ালয় নামেৰে জনাজাত) আনুষ্ঠানিকভাৱে প্ৰতিষ্ঠা কৰা হৈছিল । এই দুয়োটা পৰিঘটনাই আজিৰ দিনটোৰ অসমৰ ইতিহাসত বিশেষ গুৰুত্ব লাভ কৰিছে ।
ৰামসিংহৰ নেতৃত্বত মোগল বাহিনী আৰু লাচিত বৰফুকনৰ নেতৃত্বত আহোম ৰাজ্যৰ মাজত হৈছিল শৰাইঘাটৰ যুদ্ধ । লাচিত বৰফুকনে নিজৰ চতুৰ কৌশল আৰু বুদ্ধিমত্তাৰে মোগল বাহিনীক সফলতাৰে পৰাস্ত কৰে । লাচিত বৰফুকনক অসমীয়া দেশপ্ৰেমৰ প্ৰতীক কৰি তোলা এই বিজয়ে অসমৰ ইতিহাসৰ এক গুৰুত্বপূৰ্ণ মুহূৰ্ত হিচাপে বিবেচিত হৈছে। ১৬৭১ চনৰ ৫ এপ্ৰিলত অসম এৰি গুচি যায় ৰাম সিংহ।
একেদৰে আজিৰ দিনটোতে গুৱাহাটী উচ্চ ন্যায়ালয় প্ৰতিষ্ঠা হৈছিল । প্ৰথম অৱস্থাত গুৱাহাটী উচ্চ ন্যায়ালয়খন ভাৰত চৰকাৰৰ আইন ১৯৩৫ অনুসৰি ১৯৪৮ চনৰ ৫ এপ্ৰিলত আনুষ্ঠানিকভাৱে প্ৰতিষ্ঠা কৰা হয়।
চাওঁ আহক আজিৰ দিনটোৰ ইতিহাসৰ কেইটামান গুৰুত্বপূৰ্ণ পৰিঘটনা
- ১৮৪৩ চনৰ আজিৰ দিনটোতে ব্ৰিটেইনৰ ৰাণী ভিক্টোৰিয়াই হংকঙক ব্ৰিটিছ উপনিবেশ হিচাপে ঘোষণা কৰে।
- ১৯০৮ চনৰ আজিৰ দিনটোতে ভাৰতৰ প্ৰথম দলিত উপ-প্ৰধানমন্ত্ৰী বাবু জগজীৱন ৰামৰ জন্ম।
- ১৯১৯ চনৰ আজিৰ দিনটোতে আধুনিক ভাৰতীয় বণিক জাহাজ চলোৱা আৰম্ভ হয়, যেতিয়া চিণ্ডিয়া ষ্টীম নেভিগেচন কোম্পানীৰ জাহাজ লিবাৰ্টিয়ে প্ৰথম যাত্ৰা আৰম্ভ কৰে।
- ১৯৩০ চনৰ আজিৰ দিনটোতে মহাত্মা গান্ধীয়ে লোন আইন ভংগ কৰিবলৈ দণ্ডীত উপস্থিত হয়।
- ১৯৪৯ চনৰ আজিৰ দিনটোতে ভাৰত স্কাউটছ এণ্ড গাইডছ প্ৰতিষ্ঠা হয়।
- ১৯৬১ চনৰ আজিৰ দিনটোতে ইণ্ডিয়ান ড্ৰাগছ এণ্ড ফাৰ্মাচিউটিকেলছ লিমিটেড, চৰকাৰী পৃষ্ঠপোষকতাত প্ৰথমটো ফাৰ্মাচিউটিকেল কোম্পানী প্ৰতিষ্ঠা কৰা হয়।
- ১৯৬৪ চনৰ আজিৰ দিনটোতে ভাৰতত প্ৰথমবাৰৰ বাবে ৰাষ্ট্ৰীয় সামুদ্ৰিক দিৱস পালন কৰা হয়।
- ১৯৭৯ চনৰ আজিৰ দিনটোতে মুম্বাইত দেশৰ প্ৰথম নৌসেনাৰ সংগ্ৰহালয় স্থাপন কৰা হয়।
আপোনাৰ দিনটো আৰম্ভ কৰক পুৱাৰ কেইটামান গুৰুত্বপূৰ্ণ খবৰৰ সৈতে…
