Job Alert: SBI-ত ওলাইছে চাকৰি, অন্তিম তাৰিখৰ পূৰ্বে কৰক আবেদন

যদি আপুনি বেংকত চাকৰি বিচাৰিছে তেন্তে এই খবৰটো আপোনাৰ বাবে। ভাৰতীয় ষ্টেট বেংকে ২০২৫ চনৰ বাবে নতুন নিযুক্তি ঘোষণা কৰিছে। এই নিযুক্তিৰ অধীনত এছ বি আইয়ে ই আৰ এছ ৰিভিউয়াৰৰ পদৰ বাবে আবেদন বিচাৰিছে। আপুনি এছ বি আইৰ অফিচিয়েল ৱেবছাইট sbi.co.in ত গৈ আবেদন কৰিব পাৰে।

নিযুক্তি প্ৰক্ৰিয়া আৰম্ভ হৈছে আৰু আবেদনৰ অন্তিম তাৰিখ ২২ এপ্ৰিল ২০২৫ হিচাপে নিৰ্ধাৰণ কৰা হৈছে। অৰ্থাৎ এতিয়া আবেদন কৰিবলৈ মাত্ৰ ৩ দিন বাকী আছে। যদি আপুনি আগ্ৰহী তেন্তে পলম নকৰাকৈ আবেদন কৰক।

এই নিযুক্তিৰ জৰিয়তে মুঠ ৩০টা পদ পূৰণ কৰিব। ইয়াত SC ৰ বাবে ৪টা, STৰ বাবে ২টা, OBC ৰ বাবে ৭টা, EWS ৰ বাবে ৩টা আৰু জেনেৰেল বিভাগৰ বাবে ১৪টা পদ সংৰক্ষিত কৰা হৈছে।

এই পদসমূহৰ বাবে আবেদন কৰা প্ৰাৰ্থীৰ শিক্ষাগত অৰ্হতা আৰু সংশ্লিষ্ট ক্ষেত্ৰত অভিজ্ঞতা থাকিব লাগিব। প্ৰাৰ্থীসকলে বয়সৰ সীমা আৰু অন্যান্য যোগ্যতাৰ চৰ্তসমূহ পূৰণ কৰিব লাগিব। যিটো এছ বি আইয়ে জাৰি কৰা চৰকাৰী অধিসূচনাত স্পষ্টকৈ উল্লেখ আছে। আবেদন কৰাৰ আগতে জাননীখন ভালদৰে পঢ়াটো অতি প্ৰয়োজনীয়।

এছ বি আইত প্ৰাৰ্থীৰ বাছনি দুটা পদক্ষেপত কৰা হ’ব। প্ৰথমতে চৰ্টলিষ্টিং প্ৰক্ৰিয়া হ’ব। য’ত প্ৰাৰ্থীসকলক তেওঁলোকৰ অৰ্হতা আৰু অভিজ্ঞতাৰ ভিত্তিত বাছনি সমিতিৰ দ্বাৰা চৰ্টলিষ্ট কৰা হ’ব। ইয়াৰ পিছত ১০০ নম্বৰৰ সাক্ষাৎকাৰ লোৱা হ’ব। সাক্ষাৎকাৰত পোৱা নম্বৰৰ ভিত্তিত চূড়ান্ত মেধা তালিকা প্ৰস্তুত কৰা হ’ব। যদি দুজন প্ৰাৰ্থীৰ নম্বৰ সমান হয়, তেন্তে নিৰ্বাচনত বয়সক অগ্ৰাধিকাৰ দিয়া হ’ব।

কেনেকৈ আবেদন কৰিব

আবেদন কৰিব বিচৰা প্ৰাৰ্থীসকলে প্ৰথমে SBI ৰ অফিচিয়েল ৱেবছাইট bank.sbi/careers চাব লাগে। ইয়াৰ পিছত বিজ্ঞাপন লিংক “CRPD/RS/2025-26/01” ত ক্লিক কৰক। এতিয়া আপোনাৰ বৈধ ইমেইল আইডি আৰু মোবাইল নম্বৰৰ সহায়ত পঞ্জীয়ন কৰক। পাছপ’ৰ্টৰ আকাৰৰ ফটো, স্বাক্ষৰ (জেপিইজি ফৰ্মেটত), বায়’ডাটা, পৰিচয় পত্ৰ আৰু পেঞ্চনাৰ আইডি (পিডিএফ ফৰ্মেটত)ৰ দৰে প্ৰয়োজনীয় নথি-পত্ৰ আপলোড কৰক। সকলো তথ্য সঠিকভাৱে পূৰণ কৰাৰ পিছত প্ৰ-পত্ৰখন জমা দিব আৰু ভৱিষ্যতে ব্যৱহাৰৰ বাবে ইয়াৰ প্ৰিন্টআউট লওক।